Македонија
Одбиена тужбата против државата за загадувањето од велешката Топилница
Тужбата на Општината и Зелената коалиција против Државата за тридецениското загадување на Велес од Топилницата по тригодишно судење за судиката Билјана Јачева е неоснована.
Тужбата на Општината и Зелената коалиција против Државата за тридецениското загадување на Велес од Топилницата по тригодишно судење за судиката Билјана Јачева е неоснована.
Денеска таа обелодени дека тужбеното барање го отфрла, но не образложи на што ја темели својата одлука. Тоа ќе го сторела во писмена форма и во законски определениот рок ќе им го доставела на странките во спорот.
На ваквата одлука на судот реагираа тужителите. Велат дека ова нема да ги обесхрабри и дека правдата ќе ја бараат во повисоките судови во Македонија и меѓународните институции.
„Ова не е пораз за нас. На виделина ја изнесовме вистината за сето она што на велешани им го направи Топилницата. Раните од отровите се длабоки. Ги повикувам сите граѓани како и порано и сега да ни се придружат да истраеме во битката за здрава животна средина“, рече Далиборка Златева, Здружените на родители на деца заболени од церебрална парализа.
„Никој нема право па дури ни судот да дава легитимитет да биде рестартирана Топилницата. Оваа одлука нема да нè запре. Вистината ќе ја бараме кај повисоките судови. Факт е дека велешани се оштетени по здравјето, бидејќи трагите од Топилницата сè уште се присутни“, рече Ненад Коциќ, ЕД Вила Зора.
Тужителите, општината и Зелената коалиција бараа од државата да се потврди загадувањето во градот од Топилницата, да се отстрани еден и пол милиони тони згура од депонијата и да се деконтаминира почвата.
За таа цел судот побара да се направат вештачења. Првото вештачење тужителите успеаја да го направат со средства од донатори, но второто, за кое беа потреби педесет илјади евра не го направија. Наместо вештачење тужителите на судот му ја доставија студијата на професорот Стафилов од Природно-математичкиот факултет, која се однесува на загаденоста на почвата во Велес, и за која доби 11 ноемвриска награда, но судот ја одби.
За велешани неприфатлива е ваквата судска разврска. Велат дека крајно време е Државата преку своите институции да признае дека Велес е еколошка жртва на работењето на Топилницата, но и да недозволи комбинатот повторно да проработи. За жртвите од тридецениското загадување на водата, воздухот и почвата, но и за жителите со нарушено здравје поради живот во загадена средина никаква пресуда не може да ја покрие вистината за еколошката трагедија на Велес. /крај/дктв
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.
Македонија
ДИК: Сиљановска Давкова освои 324 177, Пендаровски 161 393 гласа по обработени 89,97 отсто
Стево Пендаровски освои 161 393 гласа, 19,90 отсто, Гордана Сиљановска Давкова 324 177 односно 39,97 отсто од гласовите, Стевчо Јакимовски освои 7.499 односно 0,92 отсто од вкупниот број на гласовите.
Кандидатот Бујар Османи освои 110 903, односно 13, 68 отсто, Билјана Ванковска 35.949 односно 4,43 отсто од гласовите, Арбен Таравари 78.110 илјади односно 9,63 отсто, Максим Димитриевски 70,996, односно 8,75 отсто од гласовите се резултатите од обработените 89,97 отсто од гласовите, извести претседателот на Државната изборна комисија, Александар Даштевски.
Тој додаде дека изборниот процес поминал мирно и достоинствено и смета дека 99 отсто работите поминале како што треба.
Македонија
Касами: Добитници на овие избори сме ние, ДУИ има купено гласови
„Влен“ е легитимен претставник на Албанците и ги доби гласовите на Албанците, изјави Билал Касами на прес конференција.
„Добитници на овие избори сме ние, коалицијата „Влен“. ДУИ има купено гласови од загрозените гласачи кои имаат потреби од пари. „Влен“ ги доби гласовите на Албанците, вели Касами.
„ДУИ го загуби последниот легитимитет да зборува во име на Албанците, затоа на 8 мај ние ќе победиме. Овој резултат и во мандати не е голема разлика со ДУИ и на 8 мај овој резултат ќе биде во наша полза. ДУИ успеа да ја загуби последната можност, еден кандидат Албанец да биде избран на директни избори во 2024 година. Тие ќе бидат запишани со црни букви во историјата на албанскиот народ во Македонија. Ако биле заинтересирани Албанец да оди во вториот круг сигурно ќе беа координирани со нас и ќе беше возможно да биде избран Албанец. Затоа мислиме дека вредеше оваа борба“, рече Касами.
Тој се заблагодари на сите што го гласаа кандидатот Арбен Таравари и додаде дека ДУИ има изгубено гласови од помалите етнички заедници и од загрозените граѓани.
Таравари кажа дека коалицијата подоцна ќе разговара за тоа кому ќе ги даде гласовите во вториот круг на претседателските избори.