Македонија
Арифи: Ноември – месец на лобирање
Месец ноември ќе биде месец на лобирање, со цел Македонија во декември да добие датум за старт на пристапните преговори со Европската унија, најави вицепремиерот за европски прашања, Теута Арифи.
Месец ноември ќе биде месец на лобирање, со цел Македонија во декември да добие датум за старт на пристапните преговори со Европската унија, најави вицепремиерот за европски прашања, Теута Арифи.
По посетите на Стокхолм и Хелсинки, Арифи најавува посети на Лондон, Париз и Даблин, како и на Атина и Брисел.
„Мислам дека уште еднаш треба да го истакнам фактот дека добивањето датум за преговори е клучно и многу значајно за сите граѓани на Република Македонија и дека процесот на деблокирање на прашањето на евроатлантските интеграции останува едно високо прашање, приоритет за сите граѓани“, рече Арифи.
Вели дека и покрај кризата во Грција, политички коректно е македонските власти да лобираат за отворање на пристапните преговори.
„Сосема е јасно дека во Грција имаме чувствителна состојба. Ќе добиеме нова влада, но проблемот секако е доста стар и тоа не значи дека ние не треба да се ангажираме и лобираме да го добиеме датумот за преговори или да останеме без ништо во декември. Мислам дека да повикуваме и да се ангажираме за тоа е политички коректно и државнички коректно. Сметам дека треба да се надеваме дека во однос на ова прашање треба да очекуваме конструктивност и од страна на Европската унија и од страна на Грција, додека треба и ние конструктивно и рационално да се однесуваме кон проблемот“, рече Арифи.
Вицепремиерот Арифи денеска реферираше за првите 100 дена од својата работа во новата влада. Најави подготовка на втор акциски план за листата на задачи од Европската комисија, како и подготовка на мерки за 2012 година, кои ќе се однесуваат на сите прашања содржани во годинешниот извештај на комисијата за напредокот на Македонија. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Народот избра промени, да излеземе уште помасовно на 8. мај
Огромната поддршка обврзува за промени и брзи резултати, да излеземе уште помасовно на 8-ми мај, а потоа следува економска трансформација на Македонија, порача ВМРО-ДПМНЕ по првиот круг од претседателските избори.
„Народот избра промени. Македонија повторно ќе биде горда и твоја.
Огромната поддршка на народот обврзува за промени и брзи резултати, работата не е завршена, црвениот картон граѓаните ќе го дадат на 8-ми мај.
На 8-ми мај СДС ќе доживеат уште поголем пораз, затоа што народот сака промени, и просперитет за Македонија.
ВМРО-ДПМНЕ се обврзува на напорна работа и експресни резултати по 8-ми мај, народот мора брзо да ги почувствува промените и Македонија да тргне напред.
По 8-ми мај Македонија ќе тргне по патот на економска обнова, поголеми плати и пензии, развиена инфраструктура, квалитетно образование, здравство какво што заслужува секој човек. По 8-ми мај следува економска трансформација на Македонија.
Ги повикуваме граѓаните уште помасовно да излезат во вториот круг и да ги потврдиме промените. Народот ќе си ја врати Македонија.
Македонија повторно твоја“, се вели во соопштението на ВМРО-ДПМНЕ.
Македонија
Силјановска убедливо пред Пендаровски во првиот круг со 40 наспроти 19,93 отсто од гласовите
Кандидатката за претседател поддржана од ВМРО-ДПМНЕ и коалицијата, Гордана Силјановска со убедливо водство влегува во вториот круг од претседателските избори, каде како и во 2019 година ќе се соочи со нејзиниот опонент Стево Пендаровски.
Според пребројани 99,85 отсто од гласовите, Силјановска освои 362.682 гласа, или 40,08 отсто, додека Пендаровски првиот изборен круг го завршува со 180.306 гласа, односно 19,93 отсто.
Зад нив е Бујар Османи од Европскиот фронт со освоени 120.903 гласа (13,36 отсто), потоа Максим Димириевски од ЗНАМ со 83.787 гласа (9,26 отсто), Арвен Таравари од ВРЕДИ со 83.356 гласови (9,21 отсто). Следна е Билјана Ванковска од Левица со освоени 41.172 гласа (4,55 отсто) и Стевчо Јакимовски од ГРОМ со 0,90 отсто, односно 8.103 гласови.
Вториот круг од претседателските избори ќе се одржи на 8 мај, заедно со парламентарните.
Сервисни информации
Променливо облачно со повремени врнежи од дожд, а на планините повремен снег
Времето денеска ќе биде, променливо облачно со повремени врнежи од дожд, а на планините со повремен снег.
Локално, врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени.
Во Скопје променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени.
Од петок следува период на претежно стабилно и потопло време со пораст на температурите на воздухот.