Македонија
Протест: На Велес не му треба сериски убиец
Велешани на нозе, обединети сите заедно, граѓаните излегоа на протест против рестарт на Топилницата, јавува велешкиот портал „Лисица“. „Метрудхем“ не смее да го рестартира комбинатот“, пораката од центарот на градот ја испрати градоначалникот на Велес, Горан Петров.
Велешани на нозе, обединети сите заедно, граѓаните излегоа на протест против рестарт на Топилницата, јавува велешкиот портал „Лисица“. „Метрудхем“ не смее да го рестартира комбинатот“, пораката од центарот на градот ја испрати градоначалникот на Велес, Горан Петров.
„Велешани битката за здрава животна средина ја водат во име на идните генерации.Оваа битка мора да ја добиеме оти доста е Велес да биде еколошки загадуван.Ова што вечерва му се случува на Велес е битка за здрава животна средина во цела Македонија“, рече градоначалникот Горан Петров.
Единството кое вечерва го покажаа еколошки напатените велешани е потврда дека здравјето нема цена, а инвестицијата на „Метрудхем“ е непожелна.
„Свртете се околу вас и ќе видите загрижени лица, тоа е показател дека велешани се загрижени од можно ново загадување, нас не ни треба Топилница“,
„Колку луѓе умреа од таа Топилница, не ни е потребна, се снајдоа и некогашните работници, еве видете и тие се тука меѓу сите нас“,
„На Велес не му треба сериски убиец, велешани треба да го убијат серискиот убиец. Со тоа што сме излезени на протест ние кажуваме Не за Топилница“,
„Не лаже Зелената коалиција, лажат тие кога викаат дека ако работат нема да загадуваат, доста ни се лаги“, велат случајно анкетираните велешани.
Изминувајки го секој чекор велешани се присетуваа на минатото кога црните облаци од топилничките оџаци беа нивно секојдневие. Болестите кај најмладите енермно зголемени, а загадувачот се фалеше со натфрлените норми.
„Секое утро магла, сонце немаше над Велес, се беше тоа од Топилницата“
„Се излеало нешто помор на риби во реката Вардар, се испуштило нешто во воздухот ајде некоја птица ќе умре, е доста е де, нека најдат друга дејност за профит, мора ли олово да се топи“, велат велешани.
Борбата за здрава животна средина ќе биде долга и тешка. Вечерашниов протест е само почеток, од утре следи институционалната борба.
„Вечерва протести од утре нова битка преку институциите, оти само така можеме да бидеме спокојни дека велешани нема повторно да бидат изложени на зголемени концентарции на олово, цинк и кадмиум во водата, воздухот и почвата“, рече пратеникот од владејачката ВМРО-ДПМНЕ, Илија Димовски.
„Јас се ставам на располагање на велешани, се што можам да помогнам ќе сторам на Велес да не му се повтори минатото“, рече пратеникот на СДСМ, Марјанчо Николов.
Сто минути им требаше на 10 -те илјади велешани да стигнат до капијата на Топилницата. Таму велешани се соочија си тивкиот убиец. Запалена свеќа, цвеќе и топка, тоа беше пораката од младите.
Организаторите пак ги повторија уште еднаш трите барања, да не се дозволи рестарт на Топилницата, да се исчисти теренот каде е изграден погонот металургија, но и да се пренамени земјиштето за развој на мали и средни претпријатија и итна дислокација на троската и започнување на деконтаминацијата на почвата.
Ова е трет еколошки протест во последните осум години.Според масовноста е најголем. Тоа пак ја отсликува желбата на сите велешани за живот во здрава животна средина наспроти економскиот профит на една фирма./крај/лисица/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Д-р Филипче од Струмица: 30.000 денари просечна и 20.000 минимална пензија во следниот мандат
„Секогаш е пријатен муабетот со пензионерите, затоа што тие се мудри, искусни и нивните совети се секогаш добредојдени“, рече д-р Венко Филипче, кој во рамки на својата агенда како кандидат за пратеник на СДСМ и Коалицијата оствари средба со Здружението на пензионерите во Струмица.
Во изјава за медиумите по остварената средба, д-р Филипче се осврна на придобивките и мерките кои СДСМ ги овозможи за пензионерите, потенцирајќи дека и во иднина ќе направи сè за да ја заштити оваа категорија граѓани.
„Со укинувањето на квотите за лекови на рецепт, овозможивме граѓаните да имаат лекови во кој било ден од месецот. Оваа мерка беше најважна за пензионерите кои можат во кој било период од месецот да ја земат својата терапија. Воведовме бесплатна вакцинација против сезонски грип за лица над 65-годишна возраст. Овозможивме и бесплатно болничко лекување без наплата на партиципација за пензионери со пензија пониска од просечната во земјава“, рече д-р Филипче.
Тој посочи и дека без разлика на кризите со кои се соочуваше целиот свет, СДСМ не дозволи товарот да биде ставен на грбот на оние кои не можат повеќе да заработуваат и пензиите беа покачени за 50% во нивниот мандат. Но, како што рече, за пензионерите мора да се посветува и повеќе внимание во наредниот период.
„Тие се најпеднатните плаќачи на обврските кон државата, најнавремено плаќаат сметки за струја, комуналии, купуваат голем број лекови, тие веднаш откако ќе ја земат пензијата, на еден начин парите повторно ги враќаат во државната каса“, истакна Филипче.
На крајот од своето обраќање, д-р Филипче ги повтори и ветувањата на СДСМ во следниот мандат, односно минимална пензија од најмалку 20.000 денари, просечна пензија од 30.000 денари, како и воведување енергетски пакети за пензионерите кои живеат сами, во висина од 1.500 денари месечно во периодот од октомври до март. Во зимските месеци, рече Филипче, пензионерите ќе добиваат регрес од 3.000 до 6.000 денари и додаде дека највисоката поддршка ќе биде за пензионерите со најниски пензии.
„Ќе направиме сè за на стари години по пензионирањето секој да ужива во плодовите од својот поранешен труд. Тоа се наши родители, кои нè застанале на нозе, штеделе за да нè школуваат, да нè изведат на прав пат. Сега ние треба да се грижиме за нив и да им обезбедиме достоинствена старост“, заклучи Филипче.
Македонија
Јакимовски за Мицкоски: Маските пандаа, ГРОМ се единствената трета опција со промакедонски ставови
Маските пандаа. Христијан Мицкоски јавно објави дека повеќе нема да ги напаѓа ниту Левица, ниту ЗНАМ, ниту господинот Максим Димитриевски, што значи дека тие од тајна стануваат јавна коалиција и ова јасно покажува дека тие веќе ги имаат усогласено ставовите во врска со промена на Уставот и во врска со внесот на Бугарите во Уставот, изјави претседателскиот кандидат, Стевчо Јакимовски.
„Ова јасно покажува дека и Левица и ЗНАМ стануваат дел од ВМРО-ДПМНЕ и сануваат продолжена рака на оваа коалиција и оваа голема политичка партија и станува јасно на политичката сцена, искрен да бидам јас сум многу среќен, затоа што ГРОМ и коалицијата „Храбро за Македонија“ останува единствена трета опција, единствена независна сила што се бори против овие два големи политички блока коишто не донесоа среќа на граѓаните на Република Македонија и коишто водат политика по принципот „кажуваат ДА и кога народот вели НЕ“. Очигледно е дека за овие промени коишто тие сакаат да ги направат во Уставот граѓаните јасно се изјаснуваат дека нивниот одговор е НЕ, но ова повеќе од јасно укажува дека се создава уште една група којашто сака спротивно на интересите и мислењето на граѓаните и јавното мнение кое кажува НЕ, тие да кажат ДА за уставните промени и јасно е дека ги имаат усогласено овие нивни чудни ставови“, рече Јакимовски.
Како што додаде, навистина е крајно нечесно да се трудите да ги изиграте македонските граѓани, да го изиграте македонскиот народ, цело време да глумите патриотизам, да глумите уставобранители, цело време да глумите дека сте загрижени за граѓаните и дека вие сте тие што ќе ги ограничите ДУИ во нивниот поход кон освојување на комплетната власт на Република Македонија, а всушност се подготвувате и се групирате да го извршите најголемото предавство во историјата на македонскиот народ.
„Јас уште еднаш ќе кажам дека сум многу среќен што се случува ова, затоа што граѓаните јасно можат да видат, а поготово гласачкото тело на ЗНАМ и на Левица јасно можат да видат дека единствена трета опција во оваа држава со јасни македонски ставови останува само коалицијата „Храбро за Македонија“ и ГРОМ“, рече Јакимовски.
Македонија
(Видео) Мисајловски: Во фокусот на програмата на ВМРО-ДПМНЕ се економијата и животниот стандард
Во фокусот на програмата на ВМРО-ДПМНЕ е економијата и животниот стандард, денес со компаниите разговаравме за како да се зголеми продуктивноста на компаниите и за отворање на нови 50 илјади работни места, изјави Владо Мисајловски, потпретседател на ВМРО-ДПМНЕ, носител на изборна единица 2.
„Денеска сум повторно во Ѓорче Петров. Ќе разговараме за рамниот данок, ќе разговараме како да се зголеми продуктивноста на компаниите, но и за отворање на нови 50 илјади работни места. Главниот фокус на програмата на ВМРО-ДПМНЕ е економијата и животниот стандард, тука сме најмногу фокусирани и затоа сакаме да ги слушнеме компаниите кои се нивните маки, бидејќи овие 7 години имаа навистина многу предизвици, многу потешкотии и сакаме заеднички со нив партнерски да градиме однос во иднината каде навистина ќе им помогнеме со многу мерки од нашата програма“, рече Мисајловски.