Македонија
Грчкиот местач на натпревари ќе добие 70 години затвор?
Гркот Макис Псомијадис кој вчера беше уапсен во центарот на Скопје, за местењето на фудбалски натпревари, според грчкото законодавство може да се соочи со казна затвор во траење од 70 години.
Гркот Макис Псомијадис кој вчера беше уапсен во центарот на Скопје, за местењето на фудбалски натпревари, според грчкото законодавство може да се соочи со казна затвор во траење од 70 години.
Псомијадос влегол во Македонија илегално, а во Скопје престојувал во приватни станови под кирија. Министерството за внатрешни работи засега нема индиции за евентуално учество на Гркот во местење на спортски натпревари во Македонија.
„Засега нема индиции дека пријавениот сторил кривични дела и во Македонија“ вели портпаролот на МВР, Иво Котевски.
Министерството за внатрешни работи денеска на прес – конференција соопшти како грчкиот бизнисмен познат како Биг Мек ги местел натпреварите. Псомијадис како претседател на фудбалскиот клуб Кавала бил водач на групата која ги мести натпреварите. Тој им наредувал на членовите на неговата група, на нелегалните агенти да се обложуваат на натпревари за кои предвреме го знаеле резултатот.
Натпреварите ги местел со уцени, измами на фудбалските играчи, судии. Од 2008 година до денеска им ветувал на спортистите, судиите, извршните агенти, пари за да ги наместат натпреварите или да влијаат на резултатите на натпреварите, кои што биле договорени меѓу неговата екипа и други екипи. Резултатите се менувале во зависност од неговите намери. Тој се обложувал преку интернет во странски обложувалници за наместени натпревари.
Како управен директор на компанијата „Андрианос Ксенодохеиаки Турист“, Псомијадис затаил данок од околу 3 милиони евра.
Педесет и петгодишниот Грк се бараше со меѓународна потерница од август, а беше уапсен вчера додека пиел кафе во центарот на Скопје. Неколку дена пред објавувањето на потерницата, Псомијадис бил ослободен од судот, и покрај препораката на обвинителството за притвор на бизнисменот.
Подоцна таквата одлука била поништена. Апелациониот суд одлучил Псомиадис да остане во притвор, во ситуација кога тој веќе бил ослободен со кауција од 600.000 евра. Но Псомијадис веќе избегал во Скопје.
Истражен судија му одредени екстрадиционен притвор од 40 дена. „По одлуката на Истражниот судија, грчкиот државјанин беше спроведен во притвор, по што се очекува завршување на екстрадициската постапка и одлуката на судот за негово предавање на грчките власти“ вели Котевски.
Веста за апсењето на грчкиот бизнисмен предизвика огромно внимание во грчките медиуми. Денеска во Скопје на прес – конференцијата на Министерството за внатрешни работи присуствуваше и новинар од грчкиот весник „Танеа“. /крај/фф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Апел за помош за малиот Војдан
„Почитувани, ви се обраќам како очајна мајка на Војдан, кој е дете со церебрална парализа. Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома.
Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката“.
Информации околу кампањата за собирање на донации имате тука