Македонија
Двајца од власта и еден од опозицијата ќе го испитуваат следењето на Љубе
Работната група која ја формираше собраниската Комисија за надзор, за да го испита следењето на лидерот на Обединети за Македонија, Љубе Бошкоски ќе биде составена од двајца членови на парламентарното мнозинство
Работната група која ја формираше собраниската Комисија за надзор, за да го испита следењето на лидерот на Обединети за Македонија, Љубе Бошкоски ќе биде составена од двајца членови на парламентарното мнозинство и еден од опозицијата, иако претходно беше најавено дека двајца членови ќе бидат од опозицијата, а еден од парламентарното мнозинство.
Талат Џафери од ДУИ и Павле Саздов од ВМРО-ДПМНЕ ќе го претставуваат парламентарното мнозинство, а од опозициската СДСМ, најверојатно член во Работната група ќе биде Тања Томиќ.
На гласањето за формирање на Работната група, ВМРО-ДПМНЕ гласаа против, а ДУИ беа воздржани.
Претседателот на Комисијата, Тито Петковски вели дека пратениците од парламентарното мнозинство се согласиле да партиципираат во Работната група единствено ако имаат двајца претставници.
Утре се очекува Работната група да испрати барање до МВР за увид во целокупната документација за тоа како бил следен лидерот на ОМ, незадоволни од одговорот кој го испрати Министерството за внатрешни работи до Комисијата за следењето на Љубе.
Во него, како што тврдеше Петковски, немало никаков одговор на прашањата на комисијата, во кој период е следен и прислушуван Бошкоски, дали следењето продолжило и за време на предизборна кампања, дали МВР располага со налог од надлежен судски орган за примена на посебни истражни мерки и од кој датум е и кои се причините за барањето на посебни истражни мерки и каков вид истражни мерки се наредени.
Лидерот на Обединети за Македонија беше уапсен на 6 јуни под сомнение за нелегално финансирање на кампањата. Иако претходно судот одлучи да го заврши судењето без да го испраша заштитениот сведок, на завршните зборови, полицијата доставила известување до судот дека сведокот бил пронајден и дека сепак ќе сведочи.
Љубе Бошкоски и заштитениот сведок ќе се видат утре во 16 часот ./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.
Македонија
ВМРО-ДПМНЕ: Нашата идна Влада ќе спроведе ограничување на маржите на лековите и проширување на позитивната листа за бесплатни лекови
„Владата на ВМРО-ДПМНЕ ќе спроведе ограничување на маржите на лековите и проширување на позитивната листа за бесплатни лекови“, велат од ВМРО-ДПМНЕ.
„Идната влада ќе имплементира модел за намалување на цените и ограничување на маржите на лековите и медицинската опрема. Народот не смее да го преплаќа лекот.
Ќе се спроведе ревидирање и модернизирање на позитивната листа на лекови со вклучување на најголем дел од основните лекарства кои граѓаните ги користат.
Лековите мора да се издаваат согласно потребите на пациентот, со персонализирана и индивидуализирана терапија. ВМРО-ДПМНЕ има за цел да го крене здравството на сосема ново ниво“, соопшти ВМРО-ДПМНЕ.
Македонија
Апасиев: Дали е вистина дека директорот на велешката болница забранил да им се дава инфузија на деца со температура 40 – за да заштеди
„Дали е вистина дека директорот на велешката Болница – Зоран Арсовски од СДС забранил да им се дава инфузија на Детското одделение, на деца со температура 40 – за да заштеди“, прашува претседателот на партијата Левица, Димитар Апасиев преку социјалните мрежи.
„И дали е вистина дека за операција на жолчка, во истава болница, докторите отворено си бараат мито од пациентите – од 500 евра ‘по тарифа’“, додава Апасиев.