Македонија
„Метрудхем“ без одговор дали ќе ја дислоцира Топилницата
Компанијата „Метрудхем“, сопственик на велешката Топилница, не одговори конкретно на пораката на премиерот Никола Груевски, да размислат за просторна дислокација на Топилницата.
Компанијата „Метрудхем“, сопственик на велешката Топилница, не одговори конкретно на пораката на премиерот Никола Груевски, да размислат за просторна дислокација на Топилницата.
Наместо конкретен одговор, од компанијата изјавија дека препораката на премиерот ја сфаќаат како подадена рака од Владата за изнаоѓање на решение.
„Препораката на премиерот Никола Груевски ја разбираме и ја поздравуваме иницијативата за започнување на соработка за изнаоѓање на решение за реализација на нашата инвестиција. Како инвеститори, ја изразуваме нашата подготвеност да ги презентираме овие решенија кои ги предвидуваме и на владата и на широката јавност. Исто така даваме поддршка за оваа иницијатива за соработка на разгледување на можните опции за реализација на инвестицијата во тесна соработка и помош на владата и токму поради изнаоѓање на соодветно вин – вин решение го продолжуваме и го поддржуваме започнувањето на можната соработка со исклучително позитивна енергија“ изјави денеска портпаролот на компанијата Александар Билбилов.
Тој вели дека се подготвени да седнат и да преговараат со владата, да ги презентираат нивните решенија и планови и да видат што понатаму.
Тој отфрла било каква поврзаност на компанијата со било која политичка партија. Како што изјави Билбилов, капиталот за инвестицијата вредна 150 милиони евра ќе го обезбеделе преку банки. Не кажа конкретно кои банки ќе ги финансираат и врз основа на кој имот ќе обезбедат кредити, ако тврдат дека во нивна сопственост единствено е имотот на Топилницата.
„Поддршка дефинитивно имаме, ние сме партнерска компанија на „Минеко групација“ вели Билбилов.
Доколку градоначалникот на Велес го измени генералниот урбанистички план за делот околу „Топилницата“, „Метрудхем“ нема да може да инвестира воопшто, но од таму не размислувале ниту за оваа можност.
Премиерот Никола Груевски пред неколку дена и препорача на компанијата „Метрудхем“ да размисли за просторна дислокација на Топилницата, на место каде што нема да биде загрозен градот Велес.
„Владата е подготвена да и помогне на компанијата во процесот на дислокација доколку компанијата ја прифати препораката. Владата поддржува отворање на нови фабрики кои отвораат нови работни места, но сепак пред сè, и над сè мора да биде здравјето на луѓето, на сите нас, на нашите деца и на идните генерации на кои треба да им оставиме здрава животна средина“, се вели во соопштението од Владата.
Велешани излегоа на масовни протести за да покажат дека се против рестарт на Топилницата , која со години го загадуваше овој град. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Апел за помош за малиот Војдан
„Почитувани, ви се обраќам како очајна мајка на Војдан, кој е дете со церебрална парализа. Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома.
Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката“.
Информации околу кампањата за собирање на донации имате тука