Македонија
Осум години затвор за сопственик на ресторан кој изнудувал пари
Организатор на криминалната група бил сопственик на ресторанот „Виторија“ во Скопје, Дејан Стојановски кој е осуден на осум години затвор.
Акцијата на полицијата со оперативна обработка „Виторија“ заврши со осудителни пресуди за седумина уапсени и притворени од кои и полицаец на кои им се судеше за насилство и изнуда кое го вршеле две години. Организатор на криминалната група бил сопственик на ресторанот „Виторија“ во Скопје, Дејан Стојановски кој е осуден на осум години затвор. Тој стапувал во деловна соработка со лица сопственици на фирми со кои договарал различни видови „бизнис зделки“ (најчесто договорите се усмени) и откако истите ќе ја сработеле договорената работа, им кажувал дека не е задоволен од сработеното, а за наводната штетата што тие му ја направиле им наложувал да му исплатат пари. За наплата на парите го ангажирал цело семејство Гениќ, мајка, татко и син кои поставувале бомби, подметнувале пожари, грабнувале луѓе за да го наплатат наводниот долг. Горан Гениќ е осуден на 8 години и шест месеци затвор , а сопругата две години и еден месец. Синот судот го осуди на три години и осум месеци затвор. Во јануари годинава скопјанец се криел од бандата поради наводен долг од 30.000 евра. Семејството ја грабнале неговата сопруга заедно со малолетниот син и присилно ја држеле во стан. Цело време ја терале жената да се јавува по роднини и пријатели за да собере пари. Осомничените подметнале бомба под автомобил на државјанин од Србија. Бомбата се откачила во моментот на движење на возилото и експлодирала на улица при што едно лице е повредено и е причинета материјална штета на околните дуќани. Насилниците барале пари за изработка на опрема за производство на пиво и истиот да му ја опреми пиварата во Куманово во вредност од 60.000 евра. Откако работата била завршена му биле дадени 48.750 евра, а за доплата на сумата му дал БМВ – џип (кој не бил целосно исплатен кон лизинг компанијата). Потоа еден од насилниците кажал дека наводно не бил задоволен од работата и си ги барал парите и џипот назад. Оштетениот се спротивставил по што почнале заканите и била подметната бомбата. Сопственикот на ресторанот договорил изработка на тенда за 10.000 евра. Откако му била намонтирана тендата по истата шема насилникот кажал дека е незадоволен и почнувало малтретирањето. Повторно била ставена бомба, но сега пред вратата од станот на оштетениот. И оваа бомба екслодирала додека семејството било дома. На истиот начин биле уценувани и скопјани за пари со бизнис за компјутери. Насилниците незадоволни од тоа што не успеале да добијат тендер го натепале претседателот на Управниот одбор на Здружението на архитекти со дрвена безбол палка од зад грб, удирајќи го во пределот на тилот, грбот и нозете. За насилствата се осудени и Мурат Фазли на три години шест месеци затвор и Бранислав Бранковски на две години. крај.км
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Апел за помош за малиот Војдан
„Почитувани, ви се обраќам како очајна мајка на Војдан, кој е дете со церебрална парализа. Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома.
Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката“.
Информации околу кампањата за собирање на донации имате тука