Македонија
Аселброн: Без договор за името, тешко датум за преговори
Спроти министерскиот совет на ЕУ, на кој ќе се расправа и за проширувањето, Жан Аселборн предупредува дека запирањето на процесот за проширување на ЕУ би била „тешка политичка грешка“, јавува Дојче Веле на македонски јазик.
Спроти министерскиот совет на ЕУ, на кој ќе се расправа и за проширувањето, Жан Аселборн предупредува дека запирањето на процесот за проширување на ЕУ би била „тешка политичка грешка“, јавува Дојче Веле на македонски јазик.
Луксембуршкиот вице-премиер и министер за надворешни работи потврдува дека на следниот министерски состанок ќе се води дебата за проширувањето на Европската Унија.
Запрашан дали Македонија може да добие датум за преговори во декември, тој одговори:
„Знам дека Македонија има статут на земја кандидат од 2005 година, тоа беше под нашето претседателство, но за сега не можам да давам изјави ниту за една земја. Ќе имаме дебата за проширувањето и нема да ги разгледаме земјите во блок, туку тоа ќе биде поединечно.“
Аселборн додава дека се надева оти Македонија и Грција еден ден ќе успеат да најдат решение за проблемот со името.
„Тоа многу ќе ни ја олесни работата. Без тој договор, кој што треба да биде изработен на ниво на ООН, според мене ќе биде многу тешко“, вели Аселборн.
На прашањето, која е позицијата на Луксембург во однос на проширувањето, односно дали актуелната криза може да се одрази на овој процес, шефот на луксембуршката дипломатија е категоричен: „Не, не верувам. Европската Унија од секогаш има зачувано една извесна динамика во проширувањето. Таа треба да биде задржана, па дури и во време на криза.“
Во моментов е најважно да се стабилизира еврото, тоа е јасно, вели Аселборн. „Но, во поглед на Турција и во однос на Балканот, пред се’ треба да биде задржана насоката на она што го имаме направено и она што имаме одлучено да го направиме пред неколку години, односно, проширувањето. Со Хрватска ќе видиме дека тоа ќе биде успешно. И мислам дека ќе биде тешка политичка грешка, ако се запре процесот и динамиката на проширување на ЕУ“, завршува министерот за надворешни работи на Луксембург Жан Аселборн. /крај/dw/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.
Македонија
ДИК: Сиљановска Давкова освои 324 177, Пендаровски 161 393 гласа по обработени 89,97 отсто
Стево Пендаровски освои 161 393 гласа, 19,90 отсто, Гордана Сиљановска Давкова 324 177 односно 39,97 отсто од гласовите, Стевчо Јакимовски освои 7.499 односно 0,92 отсто од вкупниот број на гласовите.
Кандидатот Бујар Османи освои 110 903, односно 13, 68 отсто, Билјана Ванковска 35.949 односно 4,43 отсто од гласовите, Арбен Таравари 78.110 илјади односно 9,63 отсто, Максим Димитриевски 70,996, односно 8,75 отсто од гласовите се резултатите од обработените 89,97 отсто од гласовите, извести претседателот на Државната изборна комисија, Александар Даштевски.
Тој додаде дека изборниот процес поминал мирно и достоинствено и смета дека 99 отсто работите поминале како што треба.
Македонија
Касами: Добитници на овие избори сме ние, ДУИ има купено гласови
„Влен“ е легитимен претставник на Албанците и ги доби гласовите на Албанците, изјави Билал Касами на прес конференција.
„Добитници на овие избори сме ние, коалицијата „Влен“. ДУИ има купено гласови од загрозените гласачи кои имаат потреби од пари. „Влен“ ги доби гласовите на Албанците, вели Касами.
„ДУИ го загуби последниот легитимитет да зборува во име на Албанците, затоа на 8 мај ние ќе победиме. Овој резултат и во мандати не е голема разлика со ДУИ и на 8 мај овој резултат ќе биде во наша полза. ДУИ успеа да ја загуби последната можност, еден кандидат Албанец да биде избран на директни избори во 2024 година. Тие ќе бидат запишани со црни букви во историјата на албанскиот народ во Македонија. Ако биле заинтересирани Албанец да оди во вториот круг сигурно ќе беа координирани со нас и ќе беше возможно да биде избран Албанец. Затоа мислиме дека вредеше оваа борба“, рече Касами.
Тој се заблагодари на сите што го гласаа кандидатот Арбен Таравари и додаде дека ДУИ има изгубено гласови од помалите етнички заедници и од загрозените граѓани.
Таравари кажа дека коалицијата подоцна ќе разговара за тоа кому ќе ги даде гласовите во вториот круг на претседателските избори.