Македонија
Судскиот совет избираше судии, академците не поминаа
Судскиот совет избра седумина судии. Членовите предложија вкупно 27 кандидати. Меѓу избраните е и ќерката на судијката во процесот „Пајажина“.
Денеска Судскиот совет одржа редовна седница на која беа избрани судии за повеќе судови во државата. Кандидатите ги предлагаа членовите на Судскиот совет и гласаа. Само еден од членовите предложи во два наврата да се гласа за избор на судии од дипломците на Академијата за судии и обвинители. Беа предложени за судии во скопските основни судови. Но членовите на советот не дадоа поддршка за овие кандидати, туку гласаа за своите предлози. Прва точка за гласање беше избор на судии за Управниот суд. Во овој суд има 10 отворени судиски места. Судскиот совет избра седумина судии. Членовите предложија вкупно 27 кандидати. Меѓу избраните е и ќерката на судијката во процесот „Пајажина“. За овој суд по заминувањето на претседателсткото место во новиот Виш управен суд на судијата Розалија Кочковска, денеска Судскиот совет избра нов претседател. Беше предложен само еден кандидат кој доби целосна поддршка. Нов претседател на Управниот суд е Исамедин Лимани. За едно место во Врховниот суд беше предложен само еден кандидат, но не доби доволно гласови, што значи Судскиот совет не избра судија и ќе биде распишан нов конкурс. Голем интерес имаше и за судија во Апелациониот суд во Скопје за каде за едно место беа предложени осум кандидати. Од нив со 14 гласа помина и стана судија на Апелација, Влатко Самарџиски.Беше предложена но не доби мнозинство гласови судијката која вчера ја изрече затворската казна за Љубе Бошкоски, за која се шпекулираше дека наводно метото во Апелација и било обезбедено. Кога се гласаше за поддршка, во првот круг за оваа судијка членот на Судскиот совет побара и беше гласано и поединечно. Судскиот совет избра и судии за судовите во Битола и Штип. За судот во Тетово немаше пријавен кандидат поради што и не беше избран нов судија. При предлагањето на новите судии членовите на Судскиот совет ги изнесуваа квалитетите на предложените кандидати и сите истакнаа дека предлагаат за судии чесни, вредни работници со добро познавање работа на компјутер./крај/мф/км
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Герасимовски: Конечно Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.
Македонија
Петровска: Судот донесе одлука дека Ковачки неправедно ме клеветел
Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки, неправедно ја клеветел.
„Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел да ми го наруши угледот и честа во очите на јавноста, Овој е само еден од низата примери на неодговорно, нечесно и валкано однесување на политичката сцена од страна на Ковачки“, пишува Петровска.
Во продолжение таа додава дека не сака пари од нечесник и се откажува од паричниот надомест.
„Секој го прави тоа што најдобро го знае, тие со лагите, јас со труд и одговорна и чесна работа“, додава Петровска.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.