Македонија
Сервер: Македонија да влезе во НАТО под референцата
Македонија најпрвин треба да биде примена како полноправна членка на НАТО под референцата БЈРМ, а потоа да се решава прашањето за името.
Македонија најпрвин треба да биде примена како полноправна членка на НАТО под референцата БЈРМ, а потоа да се решава прашањето за името. Ваков коментар изнесе Даниел Сервер, професор на Катедрата за виши меѓународни студии при Универзитетот Џонс Хопкинс во врска со пресудата на Меѓународниот суд на правдата по жалбата на Македонија против Грција.Под наслов -„Атино, те молам покажи дека грешам“ Сервер преку својот блог ја повикува Грција да се издигне над балканските услови во кои губитокот на една страна е автоматски придобивка за друга и да покаже европска далекусежност со тоа што ќе го деблокира приемот на Македонија во НАТО. „Скопје победи. Одлуката оди целосно во правецот што Скопје го посакуваше. Судот наведува дека Грција ја прекршила Времената спогодба кога го блокираше членството на БЈРМ во НАТО во 2008-ма“, вели Сервер.Тој во интервју за Гласот на Америка истакнува дека Македонија сега треба што поскоро да биде примена во НАТО под привремената референца.„Не сум сигурен дека ќе видиме некое далекусежно влијание. Меѓутоа, дури и со изјавата на генералниот секретар, ми се чини дека би било разумно да се прифати БЈРМ и Македонија да биде примена што е можно поскоро. Тоа сега би требало да биде обострано прифатливо решение на кое повикува генералниот секретар. Судот мошне јасно предочи дека не би сакал да чуе дека Атина ќе ја повтори грешката што веќе ја има направено во 2008-ма“, смета Сервер. Тој изрази надеж дека Грција на следниот Самит на НАТО ќе се согласи на прием на Македонија во НАТО под референцата.„Се надевам дека Грција ќе согледа дека вистинскиот пат надвор од ова е да ја прифати БЈРМ како членка на НАТО и да продолжи со преговорите за перманентно решение. Грција нема ништо да добие од натамошно противење по ова прашање. Само може да загуби. Искрено, во последно време доста загуби. Мислам дека биде голем плус ако го стави ова прашање зад себе“, смета Сервер. /крај/воа/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Спречени 3.000 вработувања и унапредувања предложени од техничката влада
Управниот суд ги поништи решенијата за вработување и унапредување на над 3.000 вработени во Министерството за финансии и јавниот сектор, бидејќи се прекршил Законот за техничка влада, соопшти заменик-министерката за финансии, Елена Петрова.
Како што вели, иако одлуките морале да бидат одобрени со нејзин потпис, како што предвидува Законот за техничка влада, министерот Бесими ги потпишал сам.
„Незаконити се одлуките на министерот за финансии и државниот секретар во Министерството за финансии по спроведените постапки за вработување и унапредување во Министерството за финансии, како и одлуките на министерот за финансии за давање согласности за вработување во јавниот сектор, сите донесени по формирањето на преодната влада за организирање на изборите. Ова е потврдено со судски одлуки. Вишиот Управен суд донесе две пресуди во моја корист со кои ги поништи како незаконити одлуките на ДИК кои беа донесени врз основа на барање на Министерството за финансии“, рече Петрова и додаде:
„Со поништувањето на одлуките на ДИК сите наведени акти поврзани со вработување во Министерството кои не се потпишани со врзан потпис на министерот за финансии и на дополнителниот заменик-министер не произведуваат правно дејство. Истото се однесува и на издадените согласности за вработувања по сите основи во целиот јавен сектор, како и започнатите постапки врз основа на тие согласности“.
Македонија
Македонската армија ѝ се заблагодари на Норвешка со знамето на Исланд
Од Армијата на Македонија ги измешаа знамињата на Норвешка и Исланд.
Во благодарноста на „Фејсбук“ триесетина минути стоеше, наместо норвешкото, знамето на Исланд.
„Моторните возила од Кралството Норвешка веќе се на својата крајна дестинација. По нивното распоредување, армиските единици ќе добијат поголема транспортната способност и мобилност“, напишаа од македонската Армија.
Македонија
Македонката Светлана Мојсов меѓу 100-те највлијателни личности во светот според магазинот „Тајм“
Македонката Светлана Мојсов, светски познат научник, чие истражување за хормоналните предизвикувачи за производство на инсулин доведе до револуционерни третмани за дијабетес и дебелина, е меѓу 100-те највлијателни личности во светот за годинава, според најновиот избор на американскиот магазин „Тајм“.
Таа се најде во овој престижен избор заедно со уште двајца научници, Џоел Хабенер и Ден Дракер, во сегментот „Пионери“, меѓу други влијателни личности, како Америка Ферера, Лесли Локо, Офелија Дал, Кенеди Одеде и други.
Како што пишува Алис Парк, виш дописник на „Тајм“, во образложението за изборот на Мојсов, Хабенер и Дракер, појавата на ефикасни лекови за слабеење, како што е „вегови“ (Wegovy), е кулминација на долгогодишната тимска работа.
Научниците во Европа и во САД, кои први работеа на лековите за дијабетес, направија критична врска помеѓу инсулинот и инкретините, дел од семејството цревни хормони, познати како глукагони, со што им помогнаа да разберат како да управуваат со нивото на шеќерот во крвта и тежината.
Во годинашната листа на магазинот „Тајм“ во категоријата највлијателни лидери се сопругата на починатиот руски опозиционер, Јулија Навални, кинескиот премиер Ли Џијанг, полскиот премиер Доналд Туск, аргентинскиот претседател Хавиер Милеи и италијанската премиерка Џорџа Мелони меѓу лидерите.
Покрај нив, помеѓу највлијателните лидери се и бразилската министерка за животна средина и климатски промени, Марина Силва, директорот на ЦИА, Вилијам Барнс, и шефот на кабинетот на украинскиот претседател, Андриј Јермак.
Во изборот на највлијателните личности на американскиот весник се најдоа и јапонскиот режисер Хајао Мијазаки, британската пејачка со албанско потекло, Дуа Липа, британскиот актер Дев Пател и австралиската пејачка Кајли Миног.