Македонија
Петмина приведени по синоќешниот инцидент во автобус
Пет лица од скопското село Горно Количани се приведени по синоќешната пресметка што се случи во автобус со број 74, кај Народна банка во центарот на Скопје.
Пет лица од скопското село Горно Количани се приведени по синоќешната пресметка што се случи во автобус со број 74, кај Народна банка во центарот на Скопје.
Полицијата трага и по други лица кои биле вмешани во тепачката меѓу двете спротиставени групи од Горно и Долно Количани, а мотивите за пресметката и пукањето се уште не се познати.
Во пресметката беше рането со куршум во градите четиринаесетсетгодишно девојче од Долно Количани, а уште две лица од истото село беа расечени со нож.
Според информациите на МВР, синоќа околу 19:40 часот додека автобусот сеуште бил паркиран на терминалот во транспортниот центар, дошла група од 6-7 момчиња и повикале двајца браќа од село Долно Количани да слезат од автобусот за да им кажеле нешто.
Кога браќата слегле од автобусот, лицата им се нафрлиел и почнале да ги тепаат. Во тој момент од автобусот излегол возачот како и група од неколку патници со намера да го прекинат инцидентот и да им помогнат на нападнатите.
Во гужвата која се направила непознато лице извадило нож и расекло две лица меѓу кои и еден малолетник од село Долно Количани.
Едниот бил расечен на левата надлактица, а другиот бил исто така ранет во левата надлактица и на левата страна на градите.
Напаѓачите се разбегале, а патниците меѓу кои биле и повредените се качиле на автобусот и тргнале кон предвидена релација.
Кога автобусот пристигнал и сопрел на постојката кај Народна банка, пред автобусот истрчале повеќе лица, меѓу кои биле и напаѓачите од тепачката кај транспортниот центар и почнале да дивеат и да удираат по автобусот и барале од возачот да ги отвори вратите.
За да ја смири ситуацијата, возачот ја отворил вратата и излегол надвор од автобусот. Едно од лицата фрлило нож низ отворениот прозорец од возачкиот простор кон патниците од предниот дел на автобусот. Друго лице пак вперило пиштол кон отворената предна врата и испукал 2-3 кушуми.
Еден проектил го погодил автоматот за билети, се одбил од него и удрил во средниот дел од левото ветробранско стакло и паднал на подот пред возачкото седиште.
Друг проектил од испуканите куршуми завршил во телото на девојчето кое седело на седиштето непосредно зад возачкото седиште од автобусот. Напаѓачите веднаш се разбегале.
Тројцата повредени биле веднаш пренесени во Градската болница. Еден од нив е пуштен на домашно лекување, а девојчето и другиот повреден се задржани во болница.
Меѓусебната нетрпеливост на жителите од двете села не е новост, во едното село живеат Македонци муслимани и етнички Албанци.крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
В недела посебен сообраќаен режим во Скопје
Министерството за внатрешни работи известува дека на 31.3.2024 (недела), со почеток во 9 часот, поради одржување атлетска трка на 10 км, со траса на движење од долниот паркинг на Средно Водно по регионалниот пат (Р2138) до паркингот на манастирот „Св. Пантелејмон“ и обратно, Единицата за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.
Министерството за внатрешни работи апелира до граѓаните да ги почитуваат наредбите што ги издаваат полициските службеници на сообраќајниците на кои ќе се одвива настанот.
Македонија
Левицата: Решението за градба кај болничкиот комплекс Воена болница да се поништи веднаш
„Го повикуваме градоначалникот Стевчо Јакимовски да ги почитува законите и да го поништи Решението за градба на 17-катницата кај Болничкиот комплекс „Воена болница“, истакнуваат од Левица.
Потсетуваат дека политичката партија Левица повеќепати укажа на штетноста од градбата на повеќекатницата на истата локација, паралелно организираше протест на којшто граѓаните јавно го искажаа незадоволството од своеволието на градоначалникот и инвеститорите за противзаконската одлука на истите да почнат со градба на зграда за којашто немаат законска дозвола.
„Од пред неколку дена е правосилно Решението со кое се поништува незаконски позитивното конзерваторско мислење, кое се обидоа да го издејствуваат инвеститорите, а истото, по наши сознанија, е пристигнато во Општината на 21.3.2024 година, по што градоначалникот треба веднаш во законски рок да постапи по истато. За жал, Решението за градба уште не е поништено.
Од општинската администрација не даваат одговори по однос на прашањето по Решението со кое се одбива жалбата на инвеститорите, но успеавме да го добиеме, бидејќи е информација од јавен карактер“, дообјаснуваат од оваа партија.
Го повикуваат градоначалникот Стевчо Јакимовски во пресрет на изборната претседателска кампања да се одважи, како што велат, да ги испочитува законите и да го поништи Решението за градба веднаш, како би докажал пред граѓаните дека, навистина, ги застапува нивните интереси“.
Македонија
Инспектори затекнале диви менувачници на Бит-пазар, но наместо да ги запечатат, им дозволиле да работат
Полицијата поднесе кривична пријава против шест инспектори, вработени во Државниот пазарен инспекторат, и тоа: С. Б. (32), Ј. Р. (54), В. М. (47), Б. С. (46), С. С. (61) и Р. Б. (37), сите од Скопје, поради злоупотреба на службената положба и овластувањето.
Во текот на март и април 2023 година, вршејќи контрола кај три менувачници, лоцирани во близина на Бит-пазар, а за кои било утврдено дека не биле регистрирани како фирми и не поседувале лиценци издадени од НБРМ за вршење менувачко работење, но подолг временски период работеле како менувачници, инспекторите на затекнатите лица во дивите менувачници биле должни да им изречат решение за забрана за вршење дејност, да им ги запечатат објектите, да им ги одземат предметите, опремата и средствата со кои е направен прекршокот, како и да им изречат глоба во износ од 1.000 до 20.000 евра во денарска противвредност.
Но, пријавените пазаришни инспектори ги прекршиле сите одредби од наведениот закон и во три извршени вонредни инспекциски надзори на затекнатите лица во сите три објекти како менувачници ниту им издале решение за забрана за вршење нерегистрирана дејност, ниту им ги запечатиле просториите во кои ја вршеле противзаконската активност, ниту им ги одзеле средствата, предметите и опремата со кои е направен прекршокот ниту, пак, им изрекле глоба во износ од 1.000 до 20.000 евра.
Напротив, во сите три извршени вонредни надзори на сите три менувачници на секој од сопствениците им изрекле еднократна глоба во износ од 80 евра во денарска противредност и ги оставиле и понатаму менувачниците редовно да работат, со што постапиле спротивно на законот за забрана и спречување вршење нерегистрирана дејност и со неизвршување на својата службена должност го сториле кривичното дело злоупотреба на службената положба и овластувањето.