Македонија
Хауит во извештај повикува на итен почеток на преговорите
Британскиот европратеник Ричард Хауит во извештајот на Европскиот парламент за напредокот на Македонија, го повторува барањето до Европскиот Совет – одредување датум за старт на пристапните преговори на Македонија со ЕУ без одлагање, јавува Дојче Веле на македонски јазик.
Британскиот европратеник Ричард Хауит во извештајот на Европскиот парламент за напредокот на Македонија, го повторува барањето до Европскиот Совет – одредување датум за старт на пристапните преговори на Македонија со ЕУ без одлагање, јавува Дојче Веле на македонски јазик.
Во извештајот на Хауит, до кој дојде Дојче веле пред неговото разгледување од страна на Комисијата за надворешни работи на ЕП, се испраќа и повик за итно започнување на пред-скрининг процесот на хармонизација на законодавството и придобивките на ЕУ, како и за спроведување на втората фаза на Спогодбата за стабилизација и асоцијација.
Известувачот изразува и загриженост поради впечатокот кој започнува да се развива дека земјата е „надмината“ во процесот на евроинтеграцијата од другите земји од Западен Балкан, што може да биде контрапродуктивно за постојаното подобрување на меѓуетничките односи во земјата и дека отсуството на редовен напредок во приближувањето кон ЕУ на земјата, претставува ризик за стабилноста и безбедноста на сите земји во регионот.
Во извештајот се поздравени и добрите односи на земјата со нејзините соседи.
Околу спорот за името, известувачот потсетува на содржината на пресудата на Меѓународниот суд на правдата од Хаг.
Хауит понатаму ја нагласува важноста на зачувување на континуитетот во процесот на проширување, и во овој контекст ја поздравува понудата на македонската влада да се постави рок за успешно решавање на спорот за името најдоцна до крајот на скрининг – процесот.
Во таа насока се повикуваат Европската комисија и Советот да започнат со развивање општо применливи арбитражни механизми во насока на решавање на билатералните прашања меѓу земјите кандидати за членство и земјите-членки.
Во извештајот се поздравува успешното одржување на парламентарните избори во Македонија и подобрениот политички дијалог како и добрите резултати на макроекономски план. Борбата против големата невработеност Хауит ја гледа во стимулирање на инвестициите и подобрена деловна клима.
Тој го поздравува подобрувањето на борбата против корупцијата, но го дели ставот на Европската комисија дека корупцијата останува „сериозен проблем“, со повик борбата против корупцијата да не биде врз селективна основа.
Повик за надминување на поделбите на децата по етничка основа во училиштата
Ричард Хауит нагласува дека Охридскиот рамковен договор е модел за целиот регион за успешно решение на меѓуетничките конфликти со истовремено зачувување на територијалниот интегритет и структури на државата.
Околу пописот на населението, се признава важноста за негова организација во целосна согласност со ЕУРОСТАТ стандардите. Притоа известувачот на ЕП ја нагласува важноста на прагот од 20% за давање одредени права во согласност со Охридскиот рамковен договор, но инсистира на тоа, дека дискриминацијата никогаш не може да се оправда кон албанското или било која друга малцинска етничка заедница врз основа на нивниот број во населението.
Во извешајот е испратен повик за зголемување на напорите за борба против поделбата меѓу децата од различни етнички групи во образовниот систем, како и согласност со препораката на Европската комисија за посилен поттик на процесот на децентрализација, како за значителен ребаланс помеѓу централниот и локалните буџети.
Британскиот европратеник го поздравува фактот дека слободата на мислата, совеста и религијата се општо гарантирани во Македонија. Но сепак, во предложениот текст тој изразува длабока загриженост за последните случувања во медиумите и се повикува земјата да покаже апсолутна посветеност на медиумскиот плурализам.
Хауит испраќа и повик за правична распределба на приходите од рекламирање на владата меѓу сите национални радиодифузери, без оглед на уредувачката содржина. Поддржана е и препораката на Европската комисија државниот телевизиски сервис да ја исполнува објективно и непристрасно улогата на јавен радиодифузен сервис. А, испратен е и повик за избегнување на судските процеси, за декриминализирање на клеветата.
Во извештајот се споменува потребата од зајакнување на антидискриминаторски политики, посебно за подобрување на животните услови на ромската заедница. Потоа, и потребата за продолжување на судските реформи, континуираниот напредок во подобрување на условите во затворите и зајакнување на парламентарниот надзор на разузнавачките и контра-разузнавачките служби, како и потребата да продолжат чекорите кои треба да доведат до професионална и непристрасна државна служба.
Во извештајот, умешно е избегнато користењето на придавката „македонски“, но затоа пак британскиот европратеник ја зема во предвид резолуцијата на Собранието на Република Македонија во која се изразува загриженост за отсуството на терминот „македонски“ во извештајот на Европската комисија за напредокот во 2011-та година и во 2009-та година и покрај фактот дека оваа придавка е норма во означувањето на јазикот на земјата, културата и идентитетот во текстовите на Обединетите нации. Хауит притоа жали за негативните реакции кои поради ова беа предизвикани во јавното мислење оваа година и ја повикува Европската комисија да го земе ова во предвид при подготовка на идните извештаи.
Извештајот на Ричард Хауит е првична верзија на текстот на резолуцијата, за која ќе треба да расправа Комисијата за надворешни работи на ЕП в понеделник, по што можно е да се очекуваат и негови промени пред да се најде на пленарна сесија. /крај/dw/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.