Македонија
Иванов – Тадиќ: Суштината на евроинтеграциите е во внатрешните реформи
Македонија и Србија не треба да се обесхрабруваат од пречките на патот кон Европската Унија, туку треба да работат на реформите што ќе резултираат со исполнување на сите потребни критериуми за членство, заклучија претседателите Ѓорге Иванов и Борис Тадиќ по денешната средба во Скопје.
Македонија и Србија не треба да се обесхрабруваат од пречките на патот кон Европската Унија, туку треба да работат на реформите што ќе резултираат со исполнување на сите потребни критериуми за членство, заклучија претседателите Ѓорге Иванов и Борис Тадиќ по денешната средба во Скопје.
Иванов порача дека одлагањето на доделувањето на датум за старт на пристапните преговори не ја обесхрабрува Македонија да работи на исполнувањето на сите потребни критериуми. Целта, како што рече, е да ја создадеме Европа внатре во државата.
„Ние продолжуваме со сите наши реформи, со сите достигнувања на европски вредности, критериуми и принципи внатре во државата. Како држава имаме цел да ја создадеме Европа внатре во државата. Тогаш многу полесно ќе одат преговорите, многу полесно ќе можеме да и кажеме на унијата дека сме зрели да бидеме нејзин член“, рече Иванов.
Ваквата порака на Иванов, порача Тадиќ треба да биде пренесена во Белград. Призна дека откако Србија не се стекна со кандидатски статус за членство, дошло до обесхрабрување кај дел од српските политичари. Посочи дека тој лично ќе продолжи да ја убедува меѓународната заедница дека Србија има легитимни интереси на Косово.
„Обесхрабрувањето и откажувањето беше карактеристика во политиката на западниот Балкан во децениите зад нас. Суштината на европските интеграции се внатрешните реформи и реформи на вредностите. Никогаш не треба да се откажуваме и тоа треба сите заедно да го научиме. Истовремено, треба да имаме една добро планирана и една добро проектирана политика. Србија има иднина во Европската Унија, потполно сум уверен и Македонија и целиот наш регион. Тоа е сосема сигурно е најсигурната зона за нашите граѓани“, рече Тадиќ.
Во однос на спорот меѓу МПЦ-ОА и СПЦ, двајцата претседатели со став – црковниот проблем не е прашање со кое треба да се занимаваат властите во Македонија и Србија.
„Што се однесува до господинот Вранишковски, господинот Јован, неговото доаѓање во Македонија непосредно пред мојата посета е негов личен чин и се однесува на правната постапка што се води во Македонија против него и нема никаква врска со моето доаѓање во Македонија. Не сум ниту известен за неговото доаѓање, бидејќи тој има право да се однесува како секој граѓанин во согласност со своите интереси“, рече Тадиќ.
„Црковните прашања да ги оставиме на црквите, а судските случаи на судот“, рече Иванов.
Двајцата претседатели размениле мислења и за економската соработка меѓу двете земји, како и инфраструктурното поврзување. Подетално за двете прашања ќе се разговара на попладневниот Македонски-српски бизнис форум, каде Тадиќ и Иванов ќе имаат свои обраќања.
Посетата на Македонија Тадиќ ќе ја заокружи утре со средби со српската заедница во земјата. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Милошоски: Владата од ВМРО-ДПМНЕ ќе додели поголем број на средства за Радовиш, реконструкција на стоковната куќа и инфраструктурата ќе бидат во првите приоритети
„Би сакал да изразам благодарност за поканата од страна на градоначалникот и соработниците на Општина Радовиш. Од она што може да се забележи општина Радовиш во моментов има два крупни проблеми, првиот е еден мал скромен буџет, а вториот проблем е што самата централна власт на општината и прави опструкции со политички намери“, рече Антонијо Милошоски, кандидат за пратеник во изборна единица 4.
„Со промената на власта овие два проблеми за Радовиш ќе бидат надминати, затоа што новата влада на ВМРО-ДПМНЕ планира да додели за секоја општина поголем број на средства секоја година и за тие средства да бидат искористени за корист на општината и граѓаните.
Реконструкцијата на стоковната куќа и нејзината пренамена во објект кој ќе го користат граѓаните и ќе биде од јавен интерес е еден од првите проекти на кој сакаме да дадеме поддршка на општина Радовиш.
Исто така би сакале да дадеме поддршка за сите оние околни населени места во општина Радовиш за да може инфраструктурата во тие места да биде поддржана и со средства од централната власт.
За да може тоа да се случи ние би сакале да има што поголема излезеност. За да се случат промените нас ни треба тоа да го направиме заеднички со сите граѓани без разлика на нивната политичка, национална или социјална припадност и мислам дека во овој случај победникот се насетува кој ќе биде. Нам ни треба разликата да биде поголема по број на пратеници за да можеме како влада да не зависиме и да не бидеме уценувани од други политички субјекти и да ја постигнеме нашата политичка цел, формирање на влада во која нема да учествува ДУИ.
Сметаме дека оваа партија досега не направи добри работи, напротив, стана еден фактор на висока корупција и криминал и ВМРО-ДПМНЕ има намера во новата влада да не вклучува вакви субјекти за да можеме реформите и на државата и помошта на општините да ги спроведуваме на поефикасен начин“, соопшти Антонијо Милошоски, кандидат за пратеник во изборна единица 4.
Македонија
Времето утре – променливо облачно со сончеви периоди
Времето утре ќе биде променливо облачно со сончеви периоди. Попладне во источните делови ќе има повремен локален дожд. Ќе дува слаб до умерен ветер од северозападен, а во западните делови од западен правец. Минималната температура ќе биде во интервал од 0 до 7, а максималната ќе достигне од 13 до 20 степени.
Во Скопје променливо облачно со сончеви периоди. Ќе дува слаб до умерен ветер од северен правец. Минималната температура ќе се спушти до 2, а максималната ќе достигне до 19 степени.
Продолжува периодот на променливо облачно време со повремени локални врнежи од дожд. Во недела и во вторник на повеќе места ќе има врнежи, кои повремено ќе бидат пообилни и поројни проследени со појава на грмежи и засилен ветер. Поради спуштање на постудена воздушна маса во недела на планините врнежите повремено ќе преминуваат во снег и ќе се формира нова снежна покривка.
Македонија
Ибраимоски и Глигорова: „СТОП за исвршителите, брзите кредити и должничкото ропство“ е еден од главните постулати на програмата „Храбро за Македонија“
Носителот на пратеничката листа на коалицијата „Храбро за Македонија“ во изборната единица пет, Самка Ибраимоски, денеска заедно со активистката и кандидатка за пратеничка Ана Глигорова ја посетија Битола каде се потпишуваше петицијата „СТОП за извршителите и брзите кредити“.
Воедно, Ибраимоски и Глигорова нагласија дека оваа борба за правда, за враќање на извршителите кадешто им е местото и ослободување на народот од должничко ропство е еден од главните приоритети на предизборната програма на коалицијата „Храбро за Македонија“.
– Денеска бевме во Битола, на средба со граѓани. Имавме петиција за „СТОП на извршителите“ и стоп за кеш кредити, успешна петиција. Суштината на нашата кампања во изборна единица пет, ќе биде токму оваа агенда: „СТОП за извршители и СТОП за брзи кредити“. – нагласи Глигорова.
– Ме радува што сите граѓани ја прифатија нашата иницијатива и се потпишаа многу луѓе и тоа е добро, што народот почна поинаку да размислува за разлика од претходно. И очекувам дека и во другите градови, како што се Ресен, Охрид, Струга, Демир Хисар и другите околни места, ќе ни ја дадат поддршката за парламентарните избори, истакна претседателот на ПЦЕР и носител на пратеничката листа, Самка Ибраимоски.