Македонија
Скопје и Загреб со договорот ја зајакнаа соработката
Градоначалниците на Загреб и на Скопје, Милан Бандиќ и Коце Трајановски, во вторникот во загрепската палата Дверце ја потпишаа Повелбата за пријателство и соработка меѓу главните градови на Хрватска и на Македонија
Градоначалниците на Загреб и на Скопје, Милан Бандиќ и Коце Трајановски, во вторникот во загрепската палата Дверце ја потпишаа повелбата за пријателство и соработка меѓу главните градови на Хрватска и на Македонија, притоа истакнувајќи дека станува збор официјално продолжување на од порано започнатата добра и квалитетна соработка во секторот на енергетската ефикасност, култура и др. Како што се наведува во опширниот извештај на агенцијата Hina, загрепскиот градоначалник Бандиќ по кусата средба со скопскиот колега Трајановски и официјалното потпишување на договорот, рекол дека „денешниот договор претставува ставање точка на ’и-то“ со што ја потврдуваме претходно започнатата соработка.Целта на оваа Повелба е да им се овозможи на граѓаните на двата града остварување на заедничките цели и резултати, како и зајакнување на веќе постојните врски, со посебен акцент на проширување на стопанските и на културните врски; размена на искуства во еколошките програми, особено во заштитата на животната средина; меѓусебно запознавање на културата, историјата и традицијата; соработка меѓу музеите, универзитетите; мултикултурна соработка и јакнење на врските меѓу националните малцинства; ЕУ проекти; образованието (соработка меѓу средните училишта); урбанизмот и соработка меѓу јавните претпријатија, се вели во писмената изјава на Град Скопје.Притоа се додава дека со потпишувањето на оваа Повелба двата града ќе можат да имаат заедничка соработка во рамките на меѓународните организации и асоцијациите на градови во коишто членуваат, додека особено внимание ќе биде посветено на размената на искуства, практики и можностите за учество во проекти од заеднички интерес.Бандиќ, притоа, нагласил, дека предмет на интерес на идната соработка ќе биде размената на искуствата во јавното управување, но и во стопанството, па во рамките на овие заложби Трајановски ја посетил и компанијата „Кончар“, каде што ги загледал нископодните трамваи кои возат низ улиците на Загреб, како и филијалата на загрепскиот холдинг „Зрињевац“.„Во последните 20 години, во борбата за независност на двете држави, Загреб и Скопје беа во тешки услови, а денес владеат кризата и рецесијата. Нашата обврска е, како градоначалници, сите тие проблеми да ги решаваме во своите градови, но и да си помагаме едни на други како пријатели, токму тогаш кога е најтешко.’, изјавил Бандиќ порачувајќи им на годите од Скопје дека на располагање преку работната група ќе им бидат ставени експерти од загрепските градски канцеларии за да се разменат искуствата во јавното управување.Градоначалникот Бандиќ изјавил дека е особено задоволен од потпишувањето на оваа повелба за соработка, бидејќи повеќето договори од овој вид се потпишуваат за да почне некоја соработка, додека Загреб и Скопје зад себе имаат долга соработка и проекти.Како што пренесуваат од канцеларијата на скопскиот градоначалник Коце Трајановски, тој исто така изразил убедување дека со потпишувањето на договорот за пријателство и соработка ќе се продлабочи соработката меѓу Скопје и Загреб, особено во стопанството, но и во културата и уметноста, како и во образованието и во спортот. „Станува збор за најприродниот договор досега, бидејќи и без повелбата имавме добра соработка“, го цитира Hina скопскиот градоначалник кој особено ја потенцирал важноста на соработката на јавните претпријатија и управите на двата града. „Соработката на Скопје и Загреб е клучен фактор за реализирање многу заеднички проекти во интерес на нашите граѓани. Имајќи ја предвид стратешката цел на Република Македонија за полноправно членство во ЕУ и имајќи го предвид фактот дека постигнувањето на европските стандарди и усогласувањето со европските политики се клучни насоки за развој и просперитет, убеден сум дека главниот град Скопје, има најголемо влијание во процесот на евроинтергацијата на нашата земја. Во таа смисла, богатата меѓународната соработка што нашиот град ја развива со многу градови во светот, им дава дополнителна енергија и важност во евроинтегративните процеси. Убеден сум дека искуството што го има градот Загреб како град од земја којашто е длабоко влезена во процесот на евроинтеграциите може да му пренесе позитивни искуства на градот Скопје“, изјавил градоначалникот Трајановски на потпишувањето на Повелбата.Додека делегацијата на Скопје изразила поддршка на загреб за членството во Европската унија, претставниците на хрватската престолнина ветило поддршка и помош за Скопје во сите подготовки на патот до ЕУ., изјави заменичката на загрепскиот градоначалник Јелена Пвичиќ-Вукиќевиќ. Двајцата градоначалници на крајот од официјалната средба си размениле пригодни подароци, при што Трајановски добил позлатен Медал на градот Загреб, а Бандиќ добил на подарок дрес на фудбалскиот клуб Вардар, релјеф на Александар Македонски и реплика на малата статуа на божицата на плодноста пронајден на подрачјето на Македонија, којашто датира од периодот од шест илјади години пред Христа. На свечената церемонија на потпишувањето на Повелбата, присуствувал и македонскиот амбасадор во Хрватска, Данчо Марковски, кој ја потенцирал традиционално добрата соработка меѓу хрватските и македонските градови, споменувајќи дека веќе се потпишани меѓусебни договори за соработка меѓи Осјек и Струмица, како и меѓу Ријека и Битола./крај/хи/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош, Стевчо Јакимовски, на вчерашниот прв круг од претседателските избори освои само 8.103 гласа, односно 0,90 %. Тоа е помалку од бројот на собрани потписи за претседателската кандидатура зад која му се потпишаа 10.000 граѓани.
Јакимовски во неговата општина освои 2.143 гласа, а во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Силјановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
Стевчо има повеќе квадрати во една општина свои отколку гласови
— БУГАРСКИ ПАСОШ🇲🇰 (@NemamBgPasos) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на „Фејсбук“.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски-Џаро по кусо боледување, потврди семејството. Тој важи за еден од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како крал на местенките во фудбалот.
Соработуваше со големи музички ѕвезди, како Здравко Чолиќ, Мишо Ковач, Маја Оџаклиевска, Оливер Драгоевиќ, „Бјело дугме“, Тереза Кесовија, Лепа Брена.
Своевремено има изјавено дека организирал 5.000 концерти и многубројни турнеи во повеќе од тридецениската кариера како менаџер.