Македонија
Груевски со честитка по повод католичкиот Божиќ
Премиерот Никола Груевски денеска упати честитка до д-р Киро Стојанов, Скопски бискуп и Апостолски егзарх во Република Македонија, по повод големиот христијански празник Христовото раѓање – Божиќ, што утре го слават католиците.
Премиерот Никола Груевски денеска упати честитка до д-р Киро Стојанов, Скопски бискуп и Апостолски егзарх во Република Македонија, по повод големиот христијански празник Христовото раѓање – Божиќ, што утре го слават католиците.
„Празнувањето и одбележувањето на овој голем чин во историјата на човештвото од секогаш претставувало најинтимен и најрадосен момент во душата на секој верник и следбеник на христовото учење. Затоа што со овој чин се исполни надежта на родот човечки и се потврдија љубовта, вербата и добрината како основни принципи на животот. Од тогаш, па сè до денес, благословен е секој оној кој го следи богоугодниот пат на живот базиран на вредности, без лоша мисла, на живот во кој соработката, заедништвото, човекољубието, толеранцијата и создавање на добри дела се наши ориентири. А токму Божиќ е празникот кој постојано и постојано нè просветлува, нè потсетува и насочува, да ја негуваме, унапредиме и удвоиме нашата верба во овие вредности“, се вели во честитката.
Понатаму се додава дека заеднички треба да работиме за просперитет на државата.
„Во духот на овие вредности, обединети и сложни, да продолжиме со посветената работа за реформирање и модернизирање на нашата Татковина, за развој на економијата, обезбедување на економски раст и зголемување на стандардот на граѓаните, за овозможување на понатамошни услови за развој на образованието и културата, за подобрување на состојбата и континуирана помош на социјално ранливите групи, за унапредување на јавните дејности во интерес на ефикасно остварување на потребите и интересите на населението, за остварување на стратешките цели за наша интеграција во НАТО и Европската Унија, и изградба на силна и напредна Република Македонија“, порачува Груевски во честитката по повод католичкиот Божиќ. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Отстранети 100 кубни метри отпад од диви депонии во Ѓорче Петров
Во текот на изминатите два дена екипите на ЈП „Комунална хигиена“ – Скопје, во координација со Град Скопје, спроведоа акција за отстранување неколку диви депонии лоцирани во скопската општина Ѓорче Петров.
Во рамките на акцијата беа подигнати и транспортирани приближно 100 кубни метри претежно кабаст, градежен и мешан комунален отпад, при што се отстранети 60 кубни метри отпад од обемна дива депонија на улицата Црногорска, во близина на автобуската постојка, како и 40 кубни метри отпад од неколку помали диви депонии лоцирани на улиците Македонска војска, Христо Батанџиев, Борис Сарафов, Никола Пушкаров и Лука Геров.
Град Скопје и ЈП „Комунална хигиена“ – Скопје апелираат до граѓаните правилно и совесно да го одлагаат својот отпад и на тој начин да придонесат кон заштитата на животната средина и јавното здравје.
Македонија
„Алкалоид“ најпосакуван работодавец за 2023 година – апсолутен победник според „Вработување.ком“
„Алкалоид“ најпосакуван работодавач за 2023 година – апсолутен победник според „Вработување.ком“ „За една успешна и амбициозна компанија огромен предизвик е да се одржат високото ниво на организациска култура, фокусот на резултати и високото ниво на етички вредности. ’Алкалоид’ секогаш се стреми да ги регрутира најдобрите кандидати на пазарот на трудот, без оглед на тоа за која позиција станува збор“.
„Алкалоид“ АД Скопје по вторпат е прогласен за апсолутен победник за најатрактивен работодавач, односно најпосакувана македонска компанија за работа за 2023 година, врз основа на следните критериуми: следење на интересот за објавите и за огласите на компаниите од страна на посетителите на интернет-страницата „Вработување.ком“, интересот на апликантите и спроведената анкета на тема „Во која компанија би се вработиле без размислување?“. Настанот за првпат се реализираше во 2023 година низ симболиката на оскари за работодавачите во земјава, со цел афирмирање на позитивните практики на македонскиот пазар на трудот.
Наградата за работодавач на годината му беше врачена на Генералниот директор и Претседател на Управниот одбор на „Алкалоид“, Живко Мукаетов, кој изјави: „Ова е награда на 3.000 семејства кои работат во ’Алкалоид’ во Македонија и подружниците во странство! Признание за целиот оној труд, знаење и вештини кои се вградени во секој наш производ и во секој наш процес во изминатите 88 години постоење. Ова признание е доказ дека во Македонија навистина има квалитетни луѓе.“
„Алкалоид“ континуирано негува стимулирачка работна средина и постојано го надградува системот на бенефиции за своите вработени, кој вклучува: обезбедено доброволно приватно здравствено осигурување, бенефиции за децата на вработените во форма на субвенциониран износ за вонучилишни активности, новогодишен линеарен надомест за секој вработен, исплата на регрес за годишен одмор во износ над законски утврдениот минимум, награди за вработените за лојалност и дополнителни надоместоци во согласност со вклученоста во успешно завршени интерни проекти, годишен наменски буџет за едукации и за стручни доусовршувања, редовни тим-билдинг активности, можности за кариерен развој во компанијата и надвор од неа, подарок за секое новороденче на вработен, новогодишни пакетчиња за децата на вработените и друго.
ПР
Македонија
Левица на парламентарните избори ќе настапи со слоганот ,,Неподмитливите во Собранието”
Левица со слоганот ,,Неподмитливите во Собранието” ќе настапи на Парламентарните избори.
Партијата ги објави слоганот и првиот предизборен спот.
Во екот на кампањата за претседателските избори, од денеска официјално стартува и кампањата за изборите за пратеници.