Македонија
Бесими: Нашите мировници се светски миротворци
„Оваа мисија има огромно значење, пред сè за меѓународниот углед и за позицијата на нашата земја, за нејзиното евроатлантско интегрирање и за севкупните консеквенци за меѓународната безбедност“, истакна министерот за одбрана Фатмир Бесими.
„Оваа мисија има огромно значење, пред сè за меѓународниот углед и за позицијата на нашата земја, за нејзиното евроатлантско интегрирање и за севкупните консеквенци за меѓународната безбедност“, истакна министерот за одбрана Фатмир Бесими на денешната свеченост во касарната „Кузман Јосифовски – Питу“ во Тетово по повод испраќањето на контингент на АРМ од составот на Втората механизирана пешадиска бригада во силите ИСАФ во Авганистан.
Пред присутниот военодржавен врв, претседателот и врховен командант на вооружените сили, Ѓорге Иванов, истакна дека одбраната на нашата безбедност започнува далеку од нашите граници и дека токму овој контингент е избран да ја извршува оваа тешка, но благородна задача. Како што истакна тој, Република Македонија останува посветена на преземените обврски и задачи, со желба да му помогне на народот во Авганистан да изгради демократско општество ослободено од тероризам, општество кое се базира на почитувањето на човековите права и владеење на правото.
По повод оваа свеченост, командантот на контингентот, мајорот Мухарем Мухареми, изрази задоволство од подготвеноста на припадниците да докажат дека се сосема рамноправни со своите колеги од другите армии кои во моментот се дел од силите ИСАФ.
„Постигнатите резултати, залагањето и посветеноста на работата ми дава за право да верувам во подготвеноста на припадниците на контингентот за извршување на комплексни задачи кои произлегуваат од поставената мисија“, додаде тој.
Во новата ротација ќе заминат 149 припадници на АРМ кои заедно со најстариот национален претставник и двајца штабни офицери ќе бидат распоредени во главната команда на ИСАФ во Кабул. „Леопардите“ во наредните шест месеци, во рамките на контингентот од Обединетото Кралство ќе бидат задолжени за обезбедување на главната команда, а покрај тоа ќе извршуваат и сложени задачи како патролирање и обезбедување на објекти од витално значење, обезбедување комуникации и сл. Дел од оваа ротација е и менторскиот тим за обука на Авганистанските безбедносни сили (OMLT-3), кој во истиот период задачите ќе ги извршува во Мазар-е-Шариф и тоа под команда на вооружените сили на Германија.
Новина во оваа ротација е фактот дека припадниците на овој контингент ќе бидат првите кои ќе заминат во Авганистан носејќи ја новата борбена униформа на Армијата на Република Македонија со автохтона дигитална шара, која паралелно со докажаната професионалност претставува уште еден белег според кој ќе се препознаваат припадниците на Армијата на Република Македонија. /крај/мо/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Герасимовски: Конечно Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.
Македонија
Петровска: Судот донесе одлука дека Ковачки неправедно ме клеветел
Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки, неправедно ја клеветел.
„Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел да ми го наруши угледот и честа во очите на јавноста, Овој е само еден од низата примери на неодговорно, нечесно и валкано однесување на политичката сцена од страна на Ковачки“, пишува Петровска.
Во продолжение таа додава дека не сака пари од нечесник и се откажува од паричниот надомест.
„Секој го прави тоа што најдобро го знае, тие со лагите, јас со труд и одговорна и чесна работа“, додава Петровска.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.