Македонија
Од 1 февруари поевтини лекови
Од 1 февруари лековите во земјава ќе се продаваат по пониски цени, соопшти министерот за здравство Никола Тодоров.
Од 1 февруари лековите во земјава ќе се продаваат по пониски цени, соопшти министерот за здравство Никола Тодоров.
Според најавата, вкупно1.299 лекови ќе бидат поевтини во просек за 32,54 отсто. Кај дел од лековите намалувањето на цената ќе се движи и до 70 отсто.
Методологијата на Министерството за здравство за пресметка на новите цени на лековите, ги прифатиле производителите и нема лекови кои ќе се повлечат од македонскиот пазар
„Ниту една компанија не се повлече од пазарот на Република Македонија и сите компании поднесоа барање за утврдување на цените на лековите согласно новата методологија. Ова покажува дека оваа реформа во делот на лековите е успешно имплементирана и ќе овозможи сериозна заштеда во здравствениот систем и во јавните здравствени установи, но ќе ја почувствуваат и граѓаните затоа што следствено со намалување на цените за голема продажба ќе се намали и малопродажната цена“ рече Тодоров./крај/макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.