Македонија
Обид за шверц на 770 мобилни телефони преку „Александар Велики“
Мобилните царински екипи ноќеска спречиле шверц на вкупно 770 мобилни телефони на аеродромот „Александар Велики“, информираат од Царинската управа.
Мобилните царински екипи ноќеска спречиле шверц на вкупно 770 мобилни телефони на аеродромот „Александар Велики“, информираат од Царинската управа.
Телефоните се пронајдени во багажот на двајца косовски државјани со српски патни исправи, кои пет минути по полноќ пристигнале од Виена. Го привлекле на царинските служби, бидејќи со себе носеле четири патни торби и една голема пластична кеса. По контролата во нивниот багаж се најдени 770 парчиња најнови модели на мобилни телефони iPHONE 4, HTC, NOKIA, SAMSUNG, од кои за 240 постои сомнение дека прекршуваат права на интелектуална сопственост.
При распитот, едно од лицата изјавило дека е транспортер за фирма од Косово која на банкарска сметка во Дубаи му префрлила 60.000 долари, со кои во готово ги купил телефоните. Другото лице рекло дека телефоните не се негови и дека првообвинетиоот на аеродромот во Виена го замолил да му направи услуга и за него да пренесе една кеса, која ја ставил во својата торба.
Вредноста на мобилните телефони на пазарот би достигнала околу 120 илјади американски долари.
Стоката е привремено задржана и против лицата ќе бидат поднесени соодветни пријави. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Предизборен молк пред утрешните претседателски избори, денеска гласа дијаспората, болните и затворениците
Започна предизборниот молк пред утрешните претседателски избори. Молкот завршува на 24 април во 19 часот, кога се затвораат избирачките места.
Денеска ќе гласаат избирачите запишани во посебниот извод од избирачкиот список, односно дијаспората, затворениците, лицата во старските домови, болните и изнемоштени и внатрешно раселените лица.
Гласањето за претседател започна во саботата, први гласаа членовите на избирачките одбори кои отпатуваа да го спроведат гласањето во дијаспората.
Во посебниот извод од избирачкиот список се запишани 191 избирачи кои треба да го спроведат гласањето во дијаспората.
Во дипломатските претставништва и конзуларни канцеларии треба да гласаат наши граѓани кои живеат во странство а кои се пријавиле за гласање.
Право на глас имаат 1.814.317 гласачи запишани во единствениот избирачки список. Избирачките места се отвораат во 7 часот, а гласањето трае до 19 часот. Се гласа на 3480 избирачки места во целата земја.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Македонија
Време денес повремено со пороен дожд и грмежи, температурата ќе достигне 14 степени
Вренето денес ќе биде претежно облачно со повремени врнежи од дожд, наместа пообилни (и над 20 л/м²) и поројни, проследени со грмежи особено во западните и јужните делови од земјата. Ќе дува слаб до умерен, а долж Повардарието и во источните делови повремено засилен ветер од југоисточен правец. Минималната температура ќе биде во интервал од 4 до 10, а максималната ќе достигне од 11 до 17 степен.
Во Скопје облачно со повремени врнежи од дожд повремено пороен и проследен со грмежи. Ќе дува слаб до умерен јужен ветер. Минималната температура ќе се спушти до 6, а максималната ќе достигне до 14 степени, јавува УХМР.
Ветерот долж Повардарието ќе продолжи да засилува и во среда. Во среда и четврток ќе има локална појава на повремено пороен дожд и услови за грмежи. Потоа следи период на претежно стабилно и постепено потопло време.