Македонија
Случај Нешковски: „Тигарот“ Игор Спасов доби 14 години затвор
Игор Спасов, „тигарот“ кој беше обвинет за убиство на скопјанецот Мартин Нешкоски е осуден на 14 години затвор, јавува репортерот на Макфакс.
Игор Спасов, „тигарот“ кој беше обвинет за убиство на скопјанецот Мартин Нешкоски е осуден на 14 години затвор, јавува репортерот на Макфакс.
Спасов според обвинителниот акт крвнички го натепал скопјанецот Мартин Нешкоски поради банална причина. Мартин сакал да се качи на бина на која се прославувала победа на предвремените избори лани во јуни.
Судењето траеше неколку месеци. Беа сослушани над 30 сведоци. Секој сведок со своја приказна. Сите се виделе но и ништо конкретно не запомниле. Се појавија и сведоци кои биле директни учесници во дел од настанот , кои дури при крај на процесот отворија битни елементи од кои се расчистува полека случајот кој ја потресе и политичката јавност но и младината.
Спасов упорно тврди и се соочуваше со своите колеги дека бил на задача го бркал Нешкоски но не го убил. Тврдеше и се обидуваше да докаже дека некој друг е оној го задал смртоносниот удар над носот на Нешкоски од што се создало внатрешно крварење. Според обдукцијата токму тоа е причина за смртта на момчето, но никој не го даде одговорот како последица од чиј удар е.
Излегоа сведоци кои збунети од изгледот на Спасов , кој пуши брада и коса се двоумеа дали е тоа момчето што го виделе вечерта но имаше и такви кои брадата не ги збуни и беа категорични дека Спасов е виновникот.
Семејството на Нешкоски преку своите тројца адвокати и обвинител покажаа со прст кон Спасов но на крајот во судницата мајката на Нешкоски праша : “Кој го уби кој ?Кажи!“. Таа го праша токму обвинетиот Спасов кој сигурен во себе со гордо крената глава кажа дека не е виновен и жали бидејки некој сака да го претстави како голем злосторник и нечовек. Признава дека се карал и се бркал со Нешкоски но никако не прифаќа дека го претепал до смрт.
Судскиот процес се одвиваше во тешка и мачна атмосфера. Малечка судница многу луѓе. Судот не обезбеди ниту елементарни услови за роднините на Нешкоски да го пратат судскиот процес. Постојано беа на нога столче едвај се наоѓаше само за мајката на Мартин.
Доказната постапка заврши. Александар Нешкоски брат на убиениот Мартин и семејството без оглед на пресудата најавуваат понатамошна борба за да дојдат до вистината кој го уби нивниот Мартин. Денеска ќе ја чујат пресудата, на пладне ќе протестираат и ќе оддадат почит на местото каде Мартин издиша. Веќе утре ја продолжуваат потрагата. /крај/км/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска-Давкова: Потребен ни е професионален кадар на соодветни безбедносни позиции
Денес во хотел „Хилтон“ (DoubleTree by Hilton Skopje) се одржа втората трибина од циклусот за претставување на клучните точки од програмата „Македонија повторно горда“ на тема „Национална безбедност“ на кандидатката за претседателка на Македонија професор д-р Гордана Сиљановска-Давкова.
Учесници беа проф. д-р. Тимчо Муцунски, Наќе Чулев поранешен министер за внатрешни работи, Анастасија Илиеска поранешен државен секретар во МВР, Емил Димитриев, поранешен премиер на Република Македонија.
– Како ќе бидеме ние Европска држава ако сме постојано во кризна состојба. Нас не дефинираа како држава која е цикличен, постојан хибриден режим, партизирана нефункционална заради врхушката на ДУИ и СДСМ. Мора да ни се случи game change и во безбедносниот сектор, зошто станавме пропадната држава. Еднаш треба да создадеме систем без оглед кој е на власт. Професионалниот кадар да биде на соодветни позиции. Да продолжиме да ги исполнуваме стандардите на НАТО, рече претседателската кандидатска Силјановска-Давкова.
Македонија
Николоски: Идната Влада на ВМРО-ДПМНЕ ќе донесе закон за забрана на увоз на тутун, за да се откупи македонскиот по повисоки и пристојни цени
Александар Николоски, потпретседател на ВМРО-ДПМНЕ и носител на изборна единица 4 денес заедно со кандидати и идни пратеници во новото македонско Собрание од општините Конче и Радовиш, беше во посета на капитални инфраструктурни проекти во општина Конче. Според Николовски, работата на градоначалникот покажува дека и во малите средини во Македонија може да се работи успешно и убаво доколку се има волја и доколку се работи чесно.
– Можам да кажам дека после изборите ќе има огромна поддршка за општина Конче со цел да се реализираат проектите кои што се од витално значење за сите оние кои што живеат овде. Тука е секако и поддршката на земјоделието каде што можеби и најбитната работа поврзана со земјоделието е тутунот кој што се одгледува најмногу во општина Конче. Планираме да го донесеме законот за тутун кој што два пати го поднесувавме во Собранието, но досегашното мнозинство на СДСМ и ДУИ го блокираше. А, причината зошто го блокираше е затоа што имаа бизнис интереси. Имено, со тој закон ќе се забрани увоз на тутун во Македонија со цел да целокупниот македонски тутун, македонското злато да се откупува по повисоки и пристојни цени, како би можеле сите земјоделци пристојно да живеат. Така што тоа е она наше основно ветување односно тутунот, рече Николоски.
Тој вети и зголемувањата на субвенциите за тутун, воведување на само три класи, а не како досега што има шест или седум класи зависно од откупувачите.
– Во делот на земјоделието планираме возобновување на сите водоснабдителни системи како и изградба на нови и комплетно нов систем на субвенции кој што ќе го врати достоинството на македонскиот земјоделец. А, тука ќе работиме интензивно и на она што е желба на жителите и на Конче и на општина Радовиш а тоа е носење на една поголема странска инвестиција која што треба да отвори нови и добро платени работни места за жителите на целиот овој крај, рече Николоски во Конче.
Тој повика граѓаните масово да излезат и на претседателските и на парламентарните избори оти тоа е клучно. Како што рече Николовски, со масовна излезност ќе може да се спречи оваа влада на СДСМ и на ДУИ, а двете политички партии да одат во опозиција и конечно да се удри во чело на криминалот и корупцијата во Македонија, да се воведе функционален систем на владеење на правото и Македонија економски да се развива.
Македонија
Пендаровски: Прифаќам дебата со сите противкандидати
Кандидатот за претседател Стево Пендаровски ја прифати поканата на националниот јавен сервис за учество на дебата со сите противкандидати во претседателската трка, информираат од неговата кампања.
„Решив да ја прифатам поканата за заедничка дебата на националниот јавен сервис – Македонска радио телевизија, со оглед на тоа дека сите мои противкандидати ја прифатиле поканата да учествуваат во дебатата.
Дополнително, информирам дека останувам на претходно изнесениот став дека е потребно да се расветли случајот во кој имаше јавно изнесени индиции дека јавниот сервис бил користен за изработка на лажни анкети и дебати за рејтингот на политичките партии и кандидатите за претседатели, а со тоа и фабрикување на јавното мислење.
Останувајќи доследен на принципот на транспарентноста за мојата работа и како претседател и како кандидат за претседател во тековната кампања, ја информирам јавноста за овие прашања за кои имаше интерес изминатите денови“ изјави Пендаровски.