Кризата го Грција не треба да биде оправдување за тамошните власти за одбегнува иницијативи за надминување на спорот со името, рекол претседателот Ѓорге Иванов на денешната средба со американскиот заменик-помошник државен секретар за името Филип Рикер.

Кризата го Грција не треба да биде оправдување за тамошните власти за одбегнува иницијативи за надминување на спорот со името, рекол претседателот Ѓорге Иванов на денешната средба со американскиот заменик-помошник државен секретар за името Филип Рикер.

Актуелната состојба во разговорите со Грција била главна тема на средбата на Иванов со Рикер. Македонскиот претседател оценил дека има недостаток на волја кај грчката страна за ангажман за надминување на отвореното прашање.

„Како загрижувачки развој на настаните, претседателот Иванов го посочи недостатокот на волја кај грчкото раководство сериозно да се ангажира за надминување на ова прашање. Претседателот Иванов истакна дека објективните политички и економски проблеми со кои се соочува Република Грција не треба да се оправдување за грчкиот политички врв да одбегнува иницијативи за изнаоѓање на заемно прифатливо решение и изрази незадоволство од одлуката на грчките власти да ја прекинат практиката на директни средби на високо ниво меѓу двете држави. Претседателот Иванов ја повтори подготвеноста на Република Македонија, како и досега, активно и конструктивно да учествува во процесот кој се води во ОН, и искажа очекување дека нашиот сосед ќе покаже одговорен однос, дека ќе покаже конструктивност и во целост ќе ја почитува Времената спогодба и пресудата од Хаг“, велат од кабинетот на Иванов.

Рикер, пак, од своја страна ја поздравил македонската реакција на пресудата Меѓународниот суд на правдата во Хаг, што според него придонело за подобрување на атмосферата за надминување на спорот.

„На средбата беше повторен официјалниот став на САД кој останува непроменет. Вашингтон силно ја поддржува евроатлантската интеграција на Република Македонија, дека ги исполнува условите за членство, дека двете страни се охрабруваат да дојдат до заемно прифатливо решение со што ќе се деблокира интеграцијата во Алијансата. Рикер нагласи дека македонската реакција на пресудата беше за поздравување и придонесе кон создавање на подобра атмосфера за надминување на спорот. Беше констатирано дека двете земји ќе продолжат тесно да соработуваат во насока на реализација на крајната цел, полноправно членство во Алијансата, и во тој контекст го поздрави долгогодишниот ангажман и високиот професионализам на македонските мировници во меѓународните мисии“, соопштуваат од кабинетот на Иванов. /крај/со/ач