Македонија
Одбележано завршувањето на проектот „Знаејќи повеќе за ЕУ знаеме повеќе за нас“
Европското движење во Република Македонија (ЕДРМ) во киното „Фросина“ во Младинскиот културен центар, ја организираше манифестацијара по повод завршувањето на проектот „Знаејќи повеќе за Европската унија знаеме повеќе за нас“.
Европското движење во Република Македонија (ЕДРМ) во киното „Фросина“ во Младинскиот културен центар, ја организираше манифестацијара по повод завршувањето на проектот „Знаејќи повеќе за Европската унија знаеме повеќе за нас“.
Овој проект е поддржан од Владата на Република Македонија и Делегацијата на Европската комисија, во тесна соработка со Фондацијата Конрад Аденауер. Покровител на Манифестацијата е Градоначалникот на Град Скопје, Коце Трајановски.
„Сакам да ја искажам нашата поддршка, како институција којашто е надлежна за средните училишта во Скопје, на оваа форма натпревари што придонесуваат за збогатување на знаењата од современите општествени текови на средношколците. Ние како држава секојдневно работиме на следење и имплементирање на позитивните искуства што се стекнуваат и создаваат во контактите меѓу европските земји, на кои им припаѓаме со нашата голема традиција и култура. За таа цел и Градот Скопје како главен град на државата, но и голем центар во областа на образованието и културата прави напори во целост да ги поддржи сите позитивни иницијативи меѓу кои и оваа интересна манифестација, со којашто, преку натпреварување на ученици од повеќе средни училишта, се доаѓа до пошироки и побогати сознанија за нашите врски со европските цивилизациски движења. Несомнено е дека реализацијата на вакви активности од едукативен карактер ќе дадат свој придонес во проширување на знаењата на средношколците за евроинтегративните поцеси во Република Македонија, како и формирање на евроамбиент во средните училишта, со активирање на самите ученици во процесот на осознавање на евроинтегративните процеси преку базични и функционални сознанија за Европската Унија“, истакна Гордана Клинчарова, Секретар на Град Скопје.
Проектот е со едукативен карактер, со повеќе видови активности како предавања за ЕУ, дебати, проверки на знаења, како и други менторски активности. Целна група се средношколците, а во реализацијата учествуваа и студентите на постдипломските Европски студии за интеграција, при Филолошкиот факултет во Скопје.
Во рамките на проектот се одржа и квиз натпревар на знаење за Европа и за Европската унија, а на завршната манифестација се одржа финалето на квизот на коешто учествуваа екипите на: СУГС„Георги Димитров“ од Скопје, гимназијата „Сами Фрашери“ од Куманово, гимназијата „Гоце Делчев“ од Куманово и гимназијата „Јосип Броз Тито“ од Битола. Најуспешни на квизот беа средношколците од гимназијата „Сами Фрашери“, второто место го освоија учениците од СУГС „Георги Димитров“, а третото место со еднаков број освоени бодови го делат учениците од гимназиите „Гоце Делчев“ и „Јосип Броз Тито“.
На манифестацијата се одржа и културно забавна програма, организирана од учениците и нивните наставници, на која настапија: хорот на гимназијата „Таки Даскало“ од Битола, учениците од СУГС „Георги Димитров“ со училишната претстава „Македонија е во Европа – Европа е во Македонија“, учениците од гимназијата „Јосип Броз Тито“ од Битола, со кратка драмска претстава и со музичка точка и учениците на СУГС „Зеф Љуш Марку“ со музичка точка./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Маричиќ: Оваа Влада ги покачи пензиите за 50 проценти и ветуваме дека во наредниот мандат просечната пензија ќе биде од 500 евра
Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде што тој е дел од листата на Социјалдемократскиот сојуз и Коалицијата за европска иднина.
Маричиќ јавно се обврза дека како член на наредната Влада што ќе ја предводи СДСМ ќе продолжи да работи за пензионерите да имаат убав и достоинствен живот.
„Оваа Влада ги покачи пензиите за 50% и ветуваме дека во наредниот мандат ќе биде просечна пензија од 500 евра. Исто така се обврзуваме на зимски регрес од 3000 до 6000 денари за секој пензионер, а најмногу ќе добиваат оние со најниски пензии. Исто така ветуваме енергетски пакет од 1500 денари месечно во текот на грејната сезона за оние пензионери на кои најмногу им треба“, вети Маричиќ.
Тој нагласи дека пензионерите тоа го заслужуваат.
„Без вашата генерација и без влогот кој што го дадовте немаше да имаме држава. Токму затоа сме дожни и обрзани да работиме пензионерите да имаат мирни и спокојни пензионерски денови и мирно да ги гледаат своите деца и внуци како растат. А како растат внуците така нека растат и пензиите“, нагласи Маричиќ на средбата со тетка Верица и пензионерите од Карпош.
Меѓународниот секретар на СДСМ и кандидат за пратеник, Бојан Маричиќ, порача дека тој, СДСМ и Коалицијата за европска иднина „не се откажуваат од подобриот животен стандард за спокоен живот за пензионерите“.
Македонија
Променливо облачно и посвежо време со повремени врнежи од дожд, максимални температури до 18 степени
Променливо облачно и посвежо со повремени врнежи од дожд, претежно во јужните делови. Ќе дува слаб до умерен ветер од северен правец. Минималната температура ќе биде во интервал од 0 до 6, а максималната ќе достигне од 10 до 18 степени.
Во Скопје променливо облачно и посвежо со слаб до умерен ветер од северен правец. Минималната температура ќе се спушти до 4, а максималната ќе достигне 17 степени.
За време на викендот ќе се задржи променливо облачно и посвежо време. Во недела на повеќе места ќе има врнежи од дожд кои повремено ќе бидат пообилни и услови за појава на изолирана нестабилност со грмежи. Поради спуштање на постудена воздушна маса на планините врнежите повремено ќе преминуваат во снег и на повисоките планини ќе се формира нова снежна покривка.
Македонија
Таравари од централниот митинг во Струга: Зголемување на минималната плата до 800 евра за борба против имиграцијата
Кандидатот за претседател од редовите на ВЛЕН, Арбен Таравари, ја изрази својата заложба за борба против имиграцијата преку зголемување на минималната плата во нашата земја. Во рамките на идната влада се планира зголемување на платите и до 800 евра, со што ќе се создадат нови можности младите мажи и жени да останат и да придонесат за развојот на државата.
Преку грантови за технологија и иновации, Таравари рече дека владата има за цел да ги поддржи нивните креативни идеи, фокусирајќи се на развојот на земјата како атрактивна алтернатива за младите.
„Иселувањето кај нас е над секоја норма, бројките се алармантни. Не можеме да останеме рамнодушни на оваа ситуација. Така како следна влада на ВЛЕН ќе донесеме одлука за покачување на платите. Ќе се заложиме минималната плата до крајот на нашиот прв владејачки мандат да биде 800 евра. Преку грантови за технологија и иновации, ќе ги поддржиме младите мажи и жени со нивните креативни идеи, кои првенствено служат за нашиот развој како држава. Ова ќе биде дополнителна причина да ја гледаат иднината овде со нас, недалеку од нивните домови, недалеку од нивниот роден град“, рече Арбен Таравари на централниот митинг во Струга.