Македонија
Трајановски рефераше за сработеното
Зад нашата работа стојат дела, рече скопскиот градоначалник Коце Трајановски, осврнувајќи се на досега сработеното како прв човек на главниот град.
Зад нашата работа стојат дела, рече скопскиот градоначалник Коце Трајановски, осврнувајќи се на досега сработеното како прв човек на главниот град.
Градночаналниците на ВМРО-ДПМНЕ, според Трајановски, се првите што понудиле конкретна програма за работа и се потрудиле да го реализираат ветеното.
„Зад нашата работа како градоначалници стојат дела, кои се видливи и мерливи. Градоначалниците на ВМРО-ДПМНЕ изградија, реконструираа и ставија во употреба 610 улици низ целата држава од кои има булевари, раскрсници, сообраќајни кракови, реконструирани се околу 100 училишта-средни и основни во Република Македонија, изградени се над 100 километри пешачки патеки, околу 230 километри канализациона мрежа, се градат катни гаражи, паркиралишта, паркови. Ова се делата кои сведочат за работата на градоначалниците на ВМРО-ДПМНЕ“, рече Трајановски.
Во делот на решавањето на сообраќајниот метеж и зголемувањето на безбедноста во сообраќајот, Трајановски ги наведе проектите за проширување на булеварите „ Митрополит Теодосиј Гологанов“, „ Илинден“, „Свети Климент Охридски“, пробивањето на булеварот „Македонска Војска“, изградбата на кружниот тек во Ѓорче Петров, обновувањето на асфалтот на булеварите „Партизански одреди“, „Кузман Јосифовски Питу“ и „Крсте Мисирков“, како и на улиците „Даме Груев“, „Васил Аџиларски“ и „Стив Наумов“ и обновувањето на коловозот на улиците „Козле“, „Крушопек“ и на дел од улицата „Радишанска“, кракот од „Јужноморавски бригади“, „Пелагонија“, „Волковска“, повеќе улици во населбата Усје, патот за Хиподром, патот за Инџиково.
Во однос на зголемувањето на безбедноста на пешаците, Трајановски го посочи обновувањето на тротоарите и пешачките патеки по должината на шест булевари во центарот на градот.
Во својот отчет спомена и за новиот лик на мостовите „Гоце Делчев“, „Мост на револуцијата“ и изградбата на нов мост на Вардар кај Сарај, изградбата на катни гаражи на улиците „Даме Груев“, „Мито Хаџивасилев-Јасмин“ и нови паркинзи пред Зоолошката градина, под Транспортниот центар, на улицата „Васко Карангелевски“.
Трајановски спомена и за проектите во однос на спорот, јавната хигиена, социјалната заштита, културата, а не ја заобиколи и изградбата на новиот амдинистративен објект на Град Скопје и реновирањето на фасадите во централното градско подрачје.
„Оваа отчетност значи дека градоначалниците на ВМРО-ДПМНЕ и јас како градоначалник на градот Скопје не бегаме од обврската да се соочиме со граѓаните. Ние работиме во нивен интерес и ќе продолжиме да го реализираме ветеното. Тоа е она што не разликува од другите. Како градски татко продолжувам да бидам отворен и достапен за секој кој сака да придонесе за развој и подобрување на животот на граѓаните. Ние она што го ветивме и го остваруваме“, рече Трајановски на денешната прес-конференција. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Постигната либерализација во товарниот транспорт за и од трети земји со Црна Гора
Министерството за транспорт и врски на Северна Македонија и Министерството за собраќај и поморство на Црна Гора потпишаа Протокол за либерализација на товарниот транспорт за и од трети земји.
Согласно Протоколот, либерализацијата ќе стапи на сила од 1 мај 2024 година и ќе има важност една година, период во кој ќе се прави анализа на состојбата во меѓународниот патен превоз, се со цел да се постигне конечно ослободување од системот на дозволи и во наредниот период.
Ова беше постигнато на состанокот на македонско-црногорската мешовита комисија за меѓународен патен превоз на патници и стока кој се одржа во Скопје.
До сега, двете земји врз база на реципроцитет разменуваа вкупно 300 дозволи за и од трети земји кои беа од огромно значење за товарниот транспорт.
Либерализацијата е чекор напред кон отстранување на сите админстративни постапки во однос на дозволите, процес што ќе придонесе за побрз и ефикасен транспорт како и зголемување на економската соработка меѓу Северна Македонија и Црна Гора.
Со Протоколот исто така двете страни се обврзаа да пристапат кон меѓусебно признавање на Сертификатите за професионална компетентност на возачите за учество во меѓународниот патен сообраќај. На состанокот се усогласија и процедурите во делот на превозот на патници меѓу двете земји.
Ова е прва средба на македонско-црногорската мешовита комисија за меѓународен патен превоз на патници и стока после тринаесет години, на која се донесоа низа мерки со кои значително се подобрува соработка меѓу Северна Македонија и Црна Гора во делот на патниот и товарниот транспорт.
Македонија
Воздухопловните сили на Италија од денеска ќе патролираат над македонското небо
Министерката за одбрана Славјанка Петровска и италијанскиот министер за одбрана Гвидо Крозето во Центарот за обука на пилоти во касарната „Страшо Пинџур“ во Петровец го потпишаа Техничкиот договор со кој Италијанските вооружени сили и официјално се вклучија во НАТО мисијата за воздухопловно патролирање над македонското небо.
Министерката Петровска по потпишувањето истакна дека со вклучувањето на Италија во оваа НАТО мисија, единството во Алијансата го гледаме на дело.
„Често споменуваме дека Алијансата е приказ на сојузништво и единство, но зборовите не можат да го отсликаат тоа што можеме да го видиме на дело – италијански и грчки воени воздухоплови, во координација со македонското воено воздухопловство гарантирајќи ја безбедноста на небото на Северна Македонија“, рече министерката.
Со Италија изградивме вистинско сојузништво и развивме силна соработка, рече Петровска, и додаде дека фактот дека италијански воздухоплови ќе ја гарантираат безбедноста на нашиот воздушен простор е приказ за целосна меѓусебна доверба.
Италијанскиот министер Крозето порача дека со денешното потпишување на овој историски договор, Италија заедно со Грција ја презема обврската за заштита на небото на Северна Македонија и дополни дека сојузништвото во Алијансата значи своите сили да се стават на располагање на други земји кога има потреба за такво нешто.
„Италија има чест што може да даде свој придонес во оваа насока и ѝ благодари на Северна Македонија за довербата“, рече Крозето.
Небото на Северна Македонија со официјалниот почеток на НАТО „air policing“ мисијата во нашата земја во декември 2021 година, и официјално стана дел од колективниот систем на Алијансата за воздушно патролирање. Досега, воздухопловното патролирање беше доверено на грчкото воено воздухопловство, а отсега тоа ќе се врши со воздухоплови на грчките и на италијанските воздухопловни сили, во координација со военото воздухопловство на Армијата на Република Северна Македонија.
Мисијата за воздухопловно патролирање на нашето небо ја раководи Сојузничката воздухопловна команда на НАТО, а тактичката контрола на мисијата е под раководство на Центарот за комбинирани воздухопловни операции во Торехон, Шпанија.
Македонија
(Видео) Шкријељ: Понудата на ДПМНЕ е понуда за блокада на ЕУ, над 80 проценти од листите се истите пратеници
Составот на кандидатските листи за пратеници од ВМРО-ДПМНЕ потврди дека нема никаква промена во оваа партија. Ова е понуда за блокада на европскиот пат на државата, тоа е кристално јасно, истакна на денешната прес-конференција Санела Шкријељ, пратеничка на СДСМ.
„Над 80% од предложените кандидати за пратеници се истите кои досега спроведуваа активна блокада на македонското Собрание.
Освен блокада на европскиот пат на државата повеќе од 2 години Собранието е под опструкции, блокади, кочење, од страна на ВМРО-ДПМНЕ
Наместо за интересот на граѓаните и државата се спроведуваа теснопартиски инетерси а често слушнавме и навреди и омаловажувања кон жените-пратенички.
Во време на криза во Собранието ја блокираа помошта за граѓаните и компаниите.
Беа против минималната плата и раст на платите и против членството на државата во ЕУ.
Тропаа и вревеа со вувузели во парламентот“, вели таа.
Оценува дека граѓаните беа сведоци на одолговлекувања, бесмислени реплики, штанцање илјадници амандмани за блокада на законите, незакажување седници и неставање на дневен ред на клучни закони во парламентарните комисии, предводени од опозицијата.
Со истите лица на листите, Белата палата, според Шкријељ потврдува дека се определува за блокада на европскиот пат на државата. Со ДПМНЕ е можно само враќање назад.
В„о ВМРО-ДПМНЕ нема никаква промена и не можат да донесат никакви промени на подобро, напротив.
Затоа, кристално јасно е.
Изборот пред граѓаните на претстојните избори ќе биде помеѓу надеж и просперитетна европска иднина со СДСМ и безнадежност, враќање 10 години назад со ДПМНЕ далеку од ЕУ“, прецизира пратеничката на СДСМ.