Македонија
Операција „Ариел“ влезе во судница
Во Основниот Суд 1 во Скопје, во четвртокот започна нов голем судски процес, во кој на 24 обвинети ќе им се суди за перење пари и злосторничко здружување.
Во Основниот Суд 1 во Скопје, во четвртокот започна нов голем судски процес, во кој на 24 обвинети ќе им се суди за перење пари и злосторничко здружување. Единаесет од обвинетите се во бегство, а другите се во притвор. Тие според обвинителниот акт заработиле милионски суми денари, формирајќи фирми преку кои со лажни фактури извлекувале пари. Судењето почна со читање на обвинителниот акт, кое трае повеќе од два часа. Повеќе детали за судењето по завршувањето на денешното рочиште.Во септември 2011 година македонската полиција откри случај во кој Македонци, Срби и Бугари здружени во меѓународна криминална група четири години переле пари, затајувале данок, ја злоупотребувале службената положба и испрале 22 милиони евра.Во акцијата под оперативно име „Ариел“ беа приведени се десет лица, а по уште 11 се трага.Дел од Македонците во 2007 година организирале криминална група која до 2010 година, организирано носела бугарски државјани на кои им исплаќале пари, за во нивно име да основаат правни лица, фирми, во кои Бугарите биле запишувани како основачи и управители.По основањето на друштвата, бугарските државјани целата документација од основањето им ја предавале на организаторите на криминалната група.Вака основаните друштва, организаторите на криминалната група ги користеле единствено за издавање лажни фактури на друштва корисници на лажните фактури од кои обезбедувале прилив на парични средства на сметките на вака основаните друштва, кои потоа ги подигале како готовина и истата за определен договорен надомест, од околу 5 до 10 отсто од износот на подигнатата готовина, ја предавале на рака на одговорните лица во друштвата корисници на лажните фактури.Членовите на криминалната група со издавањето на лажни фактури им овозможиле на друштвата корисници на лажните фактури да ја легализираат стоката набавена без документи, а воедно им овозможиле да извршат пребивање на влезниот ДДВ пресметан во лажните фактури со нивниот излезен ДДВ и неосновано да се стекнат со готовина.Во продолжение на акцијата „Ариел“ за разоткривање на организиран синџир од физички и правни лица осомничени за перење пари и даночно затајување, беа поднесени нови кривични пријави против шест правни лица и 23 физички лица за даночно затајување. Од 2005 до 2011 осомничените со затајување на данок го оштетиле Буџетот за речиси два милиона евра. Некои од нив биле раководители во фирми, додека другите биле соизвршители. Осомничените преку друштва основани од македонски и бугарски државјани издавале лажни фактури и ги насочувале кон шесте пријавени друштва-корисници на лажни фактури.Инаку вкупно осум од пријавените лица, како дел од организираната група, се пријавени во кривичната пријава поднесена за злосторничко здружување, перење пари и фалсификување на уништени деловни книги.Дел од друштвата се занимаваат со откуп на отпадно железо, дел со изведба на градежни работи и дел со купопродажба на трговска стока./крај/мф/км
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Д-р Филипче: Невработеност од најниски 7% и поддршка од 180 милиони евра за бизнисот
Во новиот мандат СДСМ предвидува 180 милиони евра директна финансиска поддршка за бизнис секторот, нови вработувања и историски најниски 7% невработеност.
Ова го истакна д-р Венко Филипче, носител на листата на кандидати за пратеници на СДСМ и Коалицијата за европска иднина. Денеска Филипче ја продолжува својата агенда во рамки на предизборното претставување во Изборната единица 4.
„СДСМ ќе внесе нова економска енергија за европски раст и стандард на граѓаните и бизнис секторот. Најуспешни се оние земји во кои се создаваат бизниси, каде што има претприемачка идеја и средина која го поттикнува нивниот развој“, рече Филипче.
Филипче потсети дека изминатите седум години мандат, СДСМ ја поддржуваше економијата на неколку колосеци.
„Ги охрабрувавме ентузијастите својата идеја да ја преточат во реалност да отворат свој сопствен бизнис. Локалната економија, малите бизниси се важен сегмент и околу нив градевме и ќе продолжиме да градиме стратегијата за развој на домашната економија“, вели Филипче.
Во таа насока, ќе продолжи креирањето на политики кои ќе го поттикнуваат бизнисот и економскиот развој преку транспарентно и отчетно однесување со секој денар на граѓаните, додава Филипче.
Со цел, пак, подобро управување со енергетските компании кои имаат клучен удел во вкупната економска активност, СДСМ државните енергетски капацитети ќе ги предаде во рацете на граѓаните.
„Планираме енергетските компании да ги вратиме кај граѓаните. Секој граѓанин, вклучително и деца, ќе добие по најмалку 8.000 денари од вредноста на енергетските компании или 500 евра за едно четиричлено семејство. Така контролата за работењето на енергетските компании ќе биде во рацете на граѓаните“, завршува Филипче.
Македонија
Силјановска-Давкова: Потребен ни е професионален кадар на соодветни безбедносни позиции
Денес во хотел „Хилтон“ (DoubleTree by Hilton Skopje) се одржа втората трибина од циклусот за претставување на клучните точки од програмата „Македонија повторно горда“ на тема „Национална безбедност“ на кандидатката за претседателка на Македонија професор д-р Гордана Сиљановска-Давкова.
Учесници беа проф. д-р. Тимчо Муцунски, Наќе Чулев поранешен министер за внатрешни работи, Анастасија Илиеска поранешен државен секретар во МВР, Емил Димитриев, поранешен премиер на Република Македонија.
– Како ќе бидеме ние Европска држава ако сме постојано во кризна состојба. Нас не дефинираа како држава која е цикличен, постојан хибриден режим, партизирана нефункционална заради врхушката на ДУИ и СДСМ. Мора да ни се случи game change и во безбедносниот сектор, зошто станавме пропадната држава. Еднаш треба да создадеме систем без оглед кој е на власт. Професионалниот кадар да биде на соодветни позиции. Да продолжиме да ги исполнуваме стандардите на НАТО, рече претседателската кандидатска Силјановска-Давкова.
Македонија
Николоски: Идната Влада на ВМРО-ДПМНЕ ќе донесе закон за забрана на увоз на тутун, за да се откупи македонскиот по повисоки и пристојни цени
Александар Николоски, потпретседател на ВМРО-ДПМНЕ и носител на изборна единица 4 денес заедно со кандидати и идни пратеници во новото македонско Собрание од општините Конче и Радовиш, беше во посета на капитални инфраструктурни проекти во општина Конче. Според Николовски, работата на градоначалникот покажува дека и во малите средини во Македонија може да се работи успешно и убаво доколку се има волја и доколку се работи чесно.
– Можам да кажам дека после изборите ќе има огромна поддршка за општина Конче со цел да се реализираат проектите кои што се од витално значење за сите оние кои што живеат овде. Тука е секако и поддршката на земјоделието каде што можеби и најбитната работа поврзана со земјоделието е тутунот кој што се одгледува најмногу во општина Конче. Планираме да го донесеме законот за тутун кој што два пати го поднесувавме во Собранието, но досегашното мнозинство на СДСМ и ДУИ го блокираше. А, причината зошто го блокираше е затоа што имаа бизнис интереси. Имено, со тој закон ќе се забрани увоз на тутун во Македонија со цел да целокупниот македонски тутун, македонското злато да се откупува по повисоки и пристојни цени, како би можеле сите земјоделци пристојно да живеат. Така што тоа е она наше основно ветување односно тутунот, рече Николоски.
Тој вети и зголемувањата на субвенциите за тутун, воведување на само три класи, а не како досега што има шест или седум класи зависно од откупувачите.
– Во делот на земјоделието планираме возобновување на сите водоснабдителни системи како и изградба на нови и комплетно нов систем на субвенции кој што ќе го врати достоинството на македонскиот земјоделец. А, тука ќе работиме интензивно и на она што е желба на жителите и на Конче и на општина Радовиш а тоа е носење на една поголема странска инвестиција која што треба да отвори нови и добро платени работни места за жителите на целиот овој крај, рече Николоски во Конче.
Тој повика граѓаните масово да излезат и на претседателските и на парламентарните избори оти тоа е клучно. Како што рече Николовски, со масовна излезност ќе може да се спречи оваа влада на СДСМ и на ДУИ, а двете политички партии да одат во опозиција и конечно да се удри во чело на криминалот и корупцијата во Македонија, да се воведе функционален систем на владеење на правото и Македонија економски да се развива.