Македонија
Нови населби за проектот „Купи куќа, купи стан“
Општина „Гази Баба“ ќе понуди една цела нова населба во „Хиподром 2“ каде што ќе можат да се градат станови и куќи за потребите на проектот „Купи куќа, купи стан“.
Општина „Гази Баба“ ќе понуди една цела нова населба во „Хиподром 2“ каде што ќе можат да се градат станови и куќи за потребите на проектот „Купи куќа, купи стан“.
Освен оваа локација, како што најави министерот за финансии, Зоран Ставрески и во населбата Сопиште и Припор ќе може да се изгради една мини населба за овој проект.
„На располагање во моментов има околу 1.000, 1.500 станови кои се во фаза на градба во повеќе општини, во „Аеродром“, во „Ново лисиче“ и „Лисиче“, во „Гази Баба“, во делот на „Железарница“, во делот на Фас „11 Октомври“ и „Ѓорче Петров“. Ќе има локации и во „Сопиште“ во „Бутел“, „Чаир“. Во сите овие општини во моментов има во фаза на градба преку 1.000, 1.500 станови и ќе има во следниот период и локации за изградба на уште толку станови или куќи“, рече Ставрески.
Градоначалникот на општина „Гази Баба“, Тони Крстевски вели дека општина „Гази Баба“ е доста поволна локација за овој проект, бидејќи таму и претходно становите се продаваа под 900 евра за квадрат, како што предвидува проектот.
„Во моментов работиме на издавање на одобрение за градба за близу 550 станови. Тоа се локациите кај „Ќерамидница“, во делот на ФАС „11 Октомври“, локација во „Железарница“, во „Ченто“. За локацијата во „Железарница“ веќе е издадена градежната дозвола и почнато е со градба. За останатите две локации, за 15 дена дозволите ќе бидат готови и инвеститорите ќе почнат да градат. Општина „Гази баба“ од оваа недела ги зема ингеренциите од централната власт во делот на управувањето со градежното земјиште и планираме да отпочнеме со продажба на слободните државни парцели. Тоа е пред сè за целата населба „Хиподром 2“. Во нејзе е планирано околу 300 локации за индивидуално домување и околу девет локации за колективно домување“ рече Крстевски.
Градежниците се задоволни од она што го понудија градоначалниците и очекуваат овие понуди да предизвикаат голем интерес за градење.
Проектот „Купи куќа, купи стан“ предвидува добивање на субвенциониран станбен кредит од Владата. Овој кредит е наменет за сите граѓани, а пред сè за оние кои имаат средни и пониски примања на кои им е потребна помош на почетокот.
Владата очекува 2.500 кредити, а ако се работи за кредит за купување на стан, продажната цена со пресметан ДДВ не смее да надминува 900 евра за квадратен метар корисна нето-површина./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно со повремени врнежи од дожд, а на планините со повремен снег
Времето денеска ќе биде, променливо облачно со повремени врнежи од дожд, а на планините со повремен снег.
Локално, врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени.
Во Скопје променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени.
Од петок следува период на претежно стабилно и потопло време со пораст на температурите на воздухот.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.