Македонија
Јанкулоска: Немаме доказ дека Јакимовски е поврзан со „Детонатор“
До овој момент немаме доказ или потврда за евентуална инволвираност или поврзаност на сега веќе поранешниот директор на затворот „Идризово“, Тони Јакимовски со криминалната група која беше уапсена во акцијата „Детонатор“, изјави министерката за внатрешни работи Гордана Јанкулоска.
„До овој момент ние немаме доказ или потврда за евентуална инволвираност или поврзаност со конкретната операција „Детонатор“, меѓутоа, како што претходно информиравме, операцијата продолжува. Јас не би сакала да шпекулирам за евентуално проширување на кривичната пријава, посебно заради фактот што сè уште се работи на овој случај“ изјави министерката за внатрешни работи, Гордана Јанкулоска.
Таа ги отфрли обвинувањата на опозицијата дека во акцијата не се апсат лицата кои биле на самиот врв во хиерархијата на криминалната група којашто вршеше терор во источна Македонија.
„Не е прв пат опозицијата кога има недостаток на идеи да застане на страна на криминалот или да не ги поздрави полициските операции и акции, така што ние веќе навикнавме на еден таков однос на опозицијата која преферира правдата да ја бара со протестирање пред судовите, наместо низ институциите. Но, тоа е нивен политички избор и јас не би го коментирала нивното однесување во таа смисла, меѓутоа по однос на јавноста, односно граѓаните, оваа операција нема да застане сè додека не биде разоткриен и последниот инволвиран во нелегалните активности“ изјави Јанкулоска.
Јакимовски беше сменет на вчерашната седница на владата, заедно со директорот на кумановскиот затвор.
Официјално, причината за неговата смена е поради тоа што му истекол шестмесечниот мандат. Јакимовски негира дека неговата смена е поврзана со обвинувањата на опозицијата дека е поврзан со „Детонатор“.
Во меѓувреме уапсен е и поранешниот, сега веќе пензиониран командир на кочанската полиција, Ванчо Тодоровски под сомнение дека ја злоупотребил службената положба и овластувања во врска со случајот „Детонатор“. Досега беа разрешени 16 командири на полициски станици во источна Македонија
Јанкулоска денеска се сретна со баварскиот министер за внатрешни работи Јоаким Херман./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Државниот пазарен инспекторат ги демантира објавите на Фејсбук од министерот Тошковски
Државниот пазарен инспекторат, ги демантира објавите на Фејсбук страната на техничкиот министер на МВР Панче Тошковски и Фејсбук страната на Министерството за внатрешни работи, каде се вели дека инспектори од Државниот пазарен инспекторат ја злоупотребиле својата службена положба и не постапиле во согласност со Закон за забрана и спречување на вршење на нерегистрирана дејност.
„Во период од 03- 06 месец 2023 година, од страна на МВР – СВР – Скопје од началникот на Единица за економски и компјутерски криминал, во повеќе наврати беше побарано од Државниот пазарен инспекторат спроведување на координирани акции. Имајќи предвид дека во ваков случај, координатор на акциите е МВР – СВР Скопје, Единица за компјутерски и економски криминал, пазарните инспектори не знаат во кои субјекти ќе вршат надзор се до време на започнување на надзорот кај субјектите. По насоки и во присуство на полициски службеници од Единицата за економски и компјутерски криминал, постапи пазарниот инспекторат во менувачници кои беа одредени од страна на Единицата за економски и компјутерски криминал. При надзорите е констатирано дека дел од субјектите се регистрирани во согласност со Законот за трговски друштва, а дел од нив биле нерегистрирани за што пазарните инспектори изрекле глоби во согласност со важечкиот Закон за забрана и спречување на вршење на нерегистрирана дејност и го известиле Државниот девизен инспекторат за понатамошно постапување како надлежен врз работењето на менувачниците“, велат од инспекторатот.
Од страна на инспекторите од Државниот пазарен инспекторат е постапено во согласност со своите законски овластувања, непречекорувајќи ги своите надлежности, со што не извршиле злоупотреба на својата службена положба и овластување.
„Изрично укажуваме дека пазарниот инспекторат нема надлежност да одзема парични средства кои се предмет на работење, ниту пак да проверува дали субјектот има лиценца од НБРСМ. Надлежностите за вршење надзор кај резидентити кои вршат менувачко работење има Државниот девизен инспекторат во согласност со Законот за девизна инспекција и Законот за девизно работење, каде е наведено дека девизниот инспекторат има надлежност кај резиденти кои вршат менувачко работење без лиценца од НБРСМ, да врши надзор, да одзема предмети и парични средства, според член 43, 46 и 51 од Законот за девизно работење“, велат од инспекторатот.
Државниот пазарен инспекторат ги повикува сите надлежни институции вклучувајќи го и обвинителството да постапат согласно нивните надлежности и да го решат овој случај до крај“, велат од Пазарната инспекција.
Македонија
Левица им поднесе кривични на членовите на ДИК и АВМУ
Левица им поднесе кривични на членовите на ДИК и АВМУ.
,,Правниот тим на Левица спрема кривична пријава за поттикнување на сторување кривично дело, Злоупотреба на средства од изборна кампања’ против сите членови на ДИК и АВМУ – поименично“, се вели во објавата на претседателот Апасиев.
Како што посочува лидерот Апасиев, тоа е прв чекор кон барање на она што законски следува.
„Ќе има и други.”, завршува тој.
Македонија
Ковачевски: СДСМ заедно со бизнис секторот ќе ја исполни целта за европска и развиена економија
Претседателот на Социјалдемократскиот сојуз на Македонија, Димитар Ковачевски оствари средба со претседателот на Стопанската комора на Северна Македонија, Бранко Азески и претставници на компаниите членки на комората.На средбата се разговараше за ефектите од досегашните мерки за приватнот сектор и економијата, предлозите на Комората, како и за идните мерки од програмата на СДСМ.
Претседателот Ковачевски, пред почетокот на средбата во изјава за медиуми, посочи дека средбите со бизнис секторот се секогаш добредојдени, особено во период на предизборие,за да се слушне гласот на бизнис заедницата, нивните ставови и предлози за креирање на идните политики за развој на економијата,
„Владата што јас предводводев, владата предводена од СДСМ, воспостави партнерски однос помеѓу стопанството и државата. И секогаш кога се носеа одредени мерки, особено во време на ковид кризата и енергетската криза, беше консултиран бизнис секторот. Само на овој начин ќе имаме ефикасни мерки и политики кои ќе ја движат економијата напред”, истакна Ковачевски.
При тоа, Ковачевски нагласи дека економијата беше високо на листата приоритети додека бил претседател на Владата, бидејќи не можеме да се зборува за напредна и развиена држава, ако нема силна и развиена економија, здрав приватен бизнис сектор кој ќе ја движи економијата и ќе генерира нови работни места.
„Во мандатот на Владата предводена од СДСМ вложени се 100 милиони евра со кои се поддржани 919 компании. Со оваа поддршка компаниите реализираа 500 милиони евра инвестиции. До 2017 година, имаше нула поддршка за домашните компании, единствена поддршка добиваа странските компании кои инвестираа во државата. А денес, само преку инвестициските циклуси на компаниите се отворија над 5.000 домицилни работни места, со достоинствени плати за нашите сограѓани. Тоа се компании кои растеа со оваа државна помош и кои денес претставуваат дел од извозниот потенцијал на нашата држава“, рече Ковачевски.
Северна Македонија денес е земја членка на НАТО и земја со отпочати преговори со ЕУ, стабилна, просперитетна и безбедна земја и поради тоа денес е земја која инвеститорите ја преферираат и сакаат да инвестираат. Во однос на досегашните мерки, Ковачевски потенцираше дека со правилните политики на Владата предводена од СДСМ, и во време на криза се оддржа ликвидноста на компаниите, се задржаа работните места, се заштитите стандардот на граѓаните, се зголемијаплатите и пензиите, се намали невработеноста.
„Низ целиот овој процес, коморите, приватниот сектор беа вистински партнери на Владата и тоа треба и ќе продолжи и понатаму во следниот мандат. Преку таа соработка дадена е сериозна поддршка на приватниот сектор кој беше опфатен во секој пакет антикризни мерки. Во последниот деветти пакет во вредност 662 милиони евра од кои 492 милиони евра се предвидоа за поддршка на приватниот сектор, преку мерки за одржување на ликвидноста на компаниите, конкурентноста, поддршка за инвестиции во обновливи извори, зачувување на работните места, поволни заеми за мали и средни претпријатија во износ. Вкупно 2,6 милијарди евра преку антикризните пакети се вратија назад кај граѓаните и стопанството“, рече Ковачевски, додавајќи дека и во време на криза, имаше континуиран пораст на платите.