Македонија
Најави за протести и апели за смиреност
Протести и контрапротести се најавуваат за петок и сабота низ Македонија, по апсењата на повеќе лица во акцијата „Монструм“, кои се осомничени дека го извршиле петкратното убиство во Смилковци, кога беа убиени недолжни граѓани.
За денеска попладне по петочната молитва, муслиманските верници во повеќе градови најавуваат дека ќе излезат на протести против акцијата „Монструм“.
Под мотото „Стоп за монтираните случаи“ ќе протестираат, против, како што велат монтираните процеси против Албаницте.
Освен во Скопје протести се закажани и во други крадови низ Македонија, Тетово, Гостивар, Дебар, Кичево и Струга.
За сабота, пак, се најавени контрапротести против ширењето на радикалниот ислам.
Сите политички фактори во Македонија вчера повикаа протестите кои се најавени за денеска и за утре, да бидат мирни и достоинствени.
Премиерот Никола Груевски вчера порача дека секој има право да протестира, тоа е човечко и демократско право, но треба да се внимава на сопствената одговорност, да не се подлегне на одредени манипулации и нечии туѓи агенди.
„Апелирам до секој од демонстрантите, изразувајќи го своето мислење за она за што ќе излезат, да внимаваат на својата лична одговорност. Секој има таква одговорност во нашето општество, така што и тие што ќе протестираат имаат лична одговорност за своите постапки, да бидат законски и да не ги нарушуваат соживотот и меѓуетничкото и меѓуверското живењее кои со векови егзистираат на овој простор, а така ќе биде и во иднина“ изјави Груевски.
И владејачката ВМРО-ДПМНЕ и опозициската СДСМ апелираат протестите да бидат мирни и без насилство.
Апел до учесниците во протестите испратија и албанските политички партии, ДУИ и ДПА.
Владејачката партија ДУИ порача демонстрантите да го искажат својот став на достоинствен, мирен и демократски начин. Истовремено, се апелира до граѓаните да имаат трпение и да им дозволат на институциите да ја завршат својата работа во случајот со петкраткното убиство.
Претседателот на ДПА Мендух Тачи, во четвртокот навечер ги повика Албанците да не учествуваат на протестите најавени за денеска по завршувањето на петочната пладневна молитва низ џамиите во државата.
„Ќе ги замолам денеска сите Албанци да не се приклучуваат на утрешните протести затоа што не ги знаеме организаторите. Не смееме да влетаме во авантури, не смееме да ги надоврземе работите од етнички и религиозен аспект. Ние никогаш не сме имале религиозни проблеми, етнички да, изјави Тачи.
Апели за мирни протести испратија и амбасадата на САД во Скопје и Делегацијата на ЕУ во Скопје. /крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Апел за помош за малиот Војдан
„Почитувани, ви се обраќам како очајна мајка на Војдан, кој е дете со церебрална парализа. Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома.
Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката“.
Информации околу кампањата за собирање на донации имате тука