Македонија
Меѓународна конференција за модерна легислатива за заштита на личните податоци
Дирекцијата за заштита на личните податоци во соработка со Делегацијата на Европската унија се организатори на меѓународната конференција „Модернизација на легислативата за заштита на личните податоци во Европа“ која ќе се одржи на 30 и 31 мај
Главни говорници на конференцијата којашто ќе биде отворена во среда со почеток во 10 часот во скопскиот хотел Арка, ќе бидат Аиво Орав, шеф на Делегацијата на Европската унија, Роберт Лидел, раководител на одделот за политика и информации, исто така при Делегација на Европската унија во Скопје, Јован Андоновски, државен секретар во Секретаријат за Европски прашања при македонската влада , Димитар Ѓеорѓиевски, директор на Дорекцијата за заштита на личните податоци, Катарзина Куадрат Гржибовска, европска супервизорка за заштита на личните податоци, Петра Вутке Гец, претставничка на Работна група 29, Жан-Филип Валтер, претседавач со Консултативниот комитет (T-PD) на Советот на Европа, и Војчех Рафал Виевиоровски, генерален инспектор за заштита на личните податоци на Република Полска
Освен главните говорници коишто ќе го дадат својот осврт за практичната примена на новите начела на одговорност и начелото на оцена на влијанието врз приватноста, новата улога на бордот за заштита на личните податоци и модернизацијата на Конвенцијата 108 на Советот на Европа, како што се наведува во најавата, на конференцијата ќе бидат презентирани и искуствата на надзорните органи за заштита на личните податоци на Албанија, Србија, Босна и Херцеговина и Црна Гора здобиени од имплементацијата на проекти во областа на заштитата на личните податоци финансирани од ЕУ.
Брзиот развој на технологијата како и развојот на механизмите за заштита на личните податоци неизбежно доведуваат до потребата за унапредување и на легислативата во оваа област. Во периодот кој следува, се очекува целосна модернизација на двата клучни прописи од областа на заштитата на личните податоци Директивата 95/46/ЕК и Конвенцијата 108 на Советот на Европа, па оттаму главната тема на конференцијата во Скопје е „Новите начела за заштита на личните податоци, како да се разберат и применат во практиката?!“/крај/со/мф(СТАВЕНА)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Патот Штип-Кочани во прекин поради сообраќајка
Од 17:10 часот, поради сообраќајна незгода на патниот правец Штип-Кочани, сообраќајот е во прекин во една насока, информираат од АМСМ.
Македонија
Маричиќ: Имаме план за зелена Македонија во која граѓаните ќе станат акционери на енергетските компании
Секретарот за меѓународна соработка на СДСМ Бојан Маричиќ денес во изјавата за медиуми се обврза дека СДСМ и Коалицијата за европска иднина нема да се откажат од стремежот за енергетска независност и од зелена енергија.
Во своето обраќање посочи дека е време да се сопре со фосилните технологии.
Изјави дека постоечките енергетски капацитети на фосилни горива да ги трансформираме во соларни електрани кои произведуваат зелена енергија.
„Тој процес го продолжуваме со голема новина: Државните енергетски компании ги даваме во рацете на граѓаните! Граѓаните стануваат акционери во енергетските компании. Висок процент од вкупниот број издадени акции во државните енергетски компании ќе се поделат еднакво на граѓаните. Секој граѓанин, вклучително и децата, ќе добие по најмалку 8.000 денари од вредноста на енергетските компании или 500 евра за едно четиричлено семејство.
Нашиот план е производството на енергија да се зголеми за најмалку 70% за да ги задоволиме домашните потреби за струја. Во наредните четири години за 100% да се зголемат капацитете со обновливи извори на енергија да достигне 60% од вкупната потрошувачка во државата.“
Маричиќ во својата изјава потврди дека целта и програмата на СДСМ е иста со онаа на Европската Унија и Европскиот зелен договор кој предвидува нула штетни гасови од фосилни горива до 2050 година.
„Нашата визија е зелена Македонија како здрава животна средина за граѓаните. Чиста вода за пиење во секое населено место, одржливо управување со отпад и расчистување на дивите депонии. Пречистување на отпадните води за здрава почва за здрава храна.“
Македонија
Со полициски хеликоптер пренесен македонски државјанин од Унгарија до Скопје
Денеска (20.04.2024) по добиено барање од ЦУК, со полициски хеликоптер Бел-412 од Одделот за воздухопловни единици, од Сегедин, Унгарија до Скопје е пренесен македонски државјанин кој доживеал мозочен удар на 18 април за време на службен пат во Унгарија. Тој е пренесен на скопскиот клинички центар „Мајка Тереза“.
Oва е втор пат да се извршува ваков вид воздухопловен транспорт од Сегедин до Скопје со хеликоптер на Министерството за внатрешни работи, откако и на 11 април беше успешно реализирана ваква акција.