Македонија
Научно-стручна расправа по предлогот на Белата книга на одбраната
Научно-стручна расправа по Предлогот на Белата книга на одбраната на Македонија во понеделник ќе се одржи во организација на Министерството за одбрана.
На свечено отворање ќе говорат министерот за одбрана Фатмир Бесими и шефот на Советодавниот тим на НАТО полковник Александар Александров.
На научната дебата ќе присуствуваат 30-тина преставници од академската и стручна јавност во земјава кои се очекува да дадат свој придонес кон уште поквалитетен документ. На овој начин, велат од Министерството за одбрана, отпочнува нов процес на соработка со научната јавност во Македонија зајакнувајќи ги евроатланските интеграции на земјата.
Белата книга на одбраната на Република Македонија се публикува по седум години од последниот ваков документ во 2005 година и за прв пат се носи на крајно транспарентен начин во дијалог со стручната заедница.
Оваа Бела книга на одбраната треба да претставува сеопфатен транспарентен документ кој ја презентира националната безбедносна и одбранбена политика, придонесот во евро-атланската и регионалната безбедност и стабилност, долгорочниот план за развој на одбраната, како и поддршката на одбраната со ресурси. Со оваа книга се реафирмираат националните вредности и интереси и за целосно остварување на приоритетните цели особено оние поврзани со што поскоро пристапување кон полноправно членство во НАТО и во ЕУ.
Овој документ се публикува на почетокот на новиот циклус на трансформација на одбраната и се придржува на принципот на целосна отвореност и транспарентност со цел за подобро разбирање на актуелните состојби, проекциите, активностите и очекувањата кои произлегуваат од остварувањето на одбранбената политика.
Белата книга на одбраната е транспарентен документ, кој сеопфатно ја претставува и објаснува националната безбедносна и одбранбена политика на Република Македонија.
Таа транспарентно овозможува генерално согледување на одбранбената политика за домашната, странската и стручната/академската јавност. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одѕивот до 17 часот изнесува 44,18 отсто – за околу 9 проценти повеќе во споредба со претходните претседателски избори
До 17 часот во првиот круг од претседателските избори, своето право на глас го оствариле 397.612 избирачи, или 44,18 отсто.
Како што соопшти претседателот на Државната изборна комисија (ДИК), Александар Даштевски, засега најголема е излезноста во Новаци, каде гласале 67,19 отсто, а најмала во Пласница – 15,5 отсто.
Засклучокот е дека гласањето се одвива мирно.
Во споредба со првиот круг од претседателските избори во 2019 година, до 17 часот, излезноста е поголема за околу 9 отсто.
Досега до ДИК се доставени 308 приговори, од кои 85 се усвоени, 27 отфрлени како неуредни, а 38 се одбиени. Останатите се во процес на обработка.
Македонија
Петмина си ги фотографирале гласачките ливчиња, полицијата ги фати
Пет лица во периодот од 11 до 14 часот, биле фатени од страна на полицијата оти ги фотографирале своите гласачки ливчиња додека го остварувале своето право на глас, објави МВР.
-Во 11.10 часот е пријавено дека во село Коџалија, општина Радовиш на избирачко место број 1602 С.А. од с.Коџалија го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок.
-Околу 12.15 часот е пријавено дека на избирачко место број 2683/1 во Скопје А.С. (40) од Скопје го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок.
-Околу 12.15 часот е пријавено дека А.И.(48) од Охрид на избирачко место број 1271 во Охрид го фотографирал гласачкото ливче. А.И. е приведен во полициска станица и по документирање на на случајот ќе биде поднесен соодветен поднесок.
-Во 12.35 часот е пријавено дека на избирачко место бр.0006 во Берово, Д.Т.(42) го фотографирал гласачкото ливче. Д.Т. е приведен во полициска станица и по документирање на на случајот ќе биде поднесен соодветен поднесок.
-Во 13.57 часот е пријавено дека на избирачко место 2555 во Скопје С.С. го фотографирала гласачкото ливче. Се преземаат мерки за расчистување на случајот, по што ќе биде поднесен соодветен поднесок, се наведува во извештајот на МВР.
Македонија
Одѕивот до 15 часот е 35,89 отсто, најмалку гласале во Центар Жупа, а најмногу во Новаци
До 15 часот до Државната изборна комисија пристигнати се податоци за одѕив на гласачите од 2.110 избирачки места.
Од вкупно запишани 1.092.341 гласач на овие избирачки места, гласале 392.066, односно 35,89 проценти.
Според податоците што се пристигнати досега, најголем одѕив е забележана во Новаци со 57,69 % а најмал во Центар Жупа, 13,11 %.
Гласањето досега се одвива мирно на сите избирачки места.
До овој момент до ДИК се доставени вкупно 233 приговори за заштита на личното избирачко право. Од нив, 38 приговори се усвоени и на избирачите им е овозможено да го остварат своето право на глас, 21 приговор се отфрлени како неуредни, а 22 се одбиени. Другите приговори се во обработка.
На страницата rezultati.sec.mk може да се следи во живо одѕивот на гласачите, вкупен и по општини.