Македонија
Бројот на мигранти во Македонија зголемен за 50 отсто
Територијата на Македонија, поради своите географски специфики, е еден од потенцијалните коридори за транзит на мигранти кон земјите кон Европската унија.
Напливот на илегални мигранти особено од земјите од Африка и Азија е во нагорна линија, покажуваат податоците на МВР. Најмногу мигранти има од Пакистан, Авганистан, Бангалдеш, Сомалија, Палестина, Бангладеш, Алжир.
„Во рамки на полициските активности за сузбивање на илегалната миграција, МВР во посочениот период разоткри 21 случај на кривичното дело криумчарење на мигранти, а против 29 лица беа поднесени соодветни кривични пријави. Економската криза во соседна Грција има голем удел во новонастанатата состојба, а нејзиното нерешавање може да очекуваме дека само ќе ги зголеми ризиците во земјава. Факт е дека и претходно нашата јужна граница беше најмногу на удар на илегалците, кои во потрага по побогат живот сакаат да заминат во европските земји. Со продлабочувањето на егзистенцијалните проблеми овој тренд само добива значење“, изјави министерката за внатрешни работи Гордана Јанкулоска.
Ефикасното обезбедување на границите, според министерката за внатрешни работи, подразбира соодветен тренинг и примена на современите стандарди и современа опрема со која би се реализирале поставените задачи.
Амбасадата на САД во Македонија донираше опрема наменета за потребите на Граничната полиција на МВР, во рамки на Програмата за контрола на извозот и граничната безбедност (EXBS).
„Програмата за контрола на извоз и гранична безбедност е активна во Македонија веќе осум години и нуди и дава поддршка на Владата на Македонија во вид на обуки и донации на опрема, зајакнување на капацитетите. Во овие осум години се обезбедени над 850.000 американски долари во опрема и беа реализирани над 50 обуки што резултираше со бројка од околу 300 лица кои се вработени во министерството за внатрешни работи да бидат обучени за гранична контрола и контрола на извозот“ рече американскиот амбасадор во Македонија, Пол Волерс.
По изјавата на британскиот премиер Дејвид Камерон дека ќе наметне строги гранични контроли кои би ги блокирале грчките граѓани да влегуваат во Обединетото Кралство, ако Грција биде принудена да се повлече од единствената валута, македонското МВР е подготвено да даде сопствен придонес во политиките на ЕУ.
„Ние како надлежно министерство за надзор на државната граница ги следиме сите случувања и во регионот и пошироко и Македонија во континуитет настојува да се профилира како сериозен партнер во делот на заедничката европска миграциска политика. Доколку дојде до вакво нешто, Македонија ќе даде сопствен придонес за да се вклучиме во заедничките политика на ЕУ, за контролирање на миграциските текови бидејќи факт е дека согласно статистиката и понатаму бројките зборуваат дека најмногу мигранти доаѓаат преку јужната граница“ изјави Јанкулоска./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Османи: Европскиот фронт е голема идеја чие време е дојдено
Кандидатот на Европскиот фронт, Бујар Османи, вечерва на митинг пред граѓаните на Кичeво изрази благодарност до лидерите на Европскиот фронт и коалицијата која, како што вели Османи, е продолжение на битките во континуитет една по една, за разбивање на замоците на етничките монополи.
„Европскиот фронт не е политичка партија. Европскиот фронт не е ни коалиција на политички партии, Европскиот фронт е голема идеја. Тоа е одлична идеја чие време дојде, лавина што ги собра соништата на секој граѓанин на оваа земја, за еднаквост, за правда и просперитетен живот во ЕУ. И ова го гледам како ентузијазам, како насмевка во секое населено место каде што одам, бидејќи Европскиот фронт е трета унија, но сега со малку поинаква димензија“, истакна Османи.
Кандидатот на Европскиот фронт, Османи понатаму истакна дека останува уште едена последна тврдина на етничкиот монопол.
„Тврдината која нè загрижува сите и секогаш ни го дава тој сигнал дека се уште не е сè како што треба, сè уште нема еднакви можности за сите, таа е тврдината на првиот претседател. Значи, браќа и сестри, се натпреварувам, на 24 април да ја разберете тежината на оваа мисија, дека вашиот глас не е само за мојата кандидатура, вашиот глас, вашата поддршка е за да ја разбиете последната тврдина на етничкиот монопол и за заокружување на еднаквоста на сите заедници во нашата заедничка држава“, заклучи Османи.
Македонија
Таравари: Ќе ја вратиме некогашната репутација на Куманово и Липково
Ќе ја вратиме некогашната репутација на Куманово и Липково. Ќе го поврземе Куманово со Гњилане и Прешево, ќе инвестираме во агробизнис, грантови и земјоделци Ќе ги поврземе Куманово со Гњилане и Прешево, ќе инвестираме повеќе во агробизнисот, во грантови за земјоделците и во економски развој за да ја вратиме некогашната репутација на земјоделството и производството на регионот на Липково и Куманово. Ова беа дел од пораките кои претседателскиот кандидат Арбен Таравари ги испрати вечерва од општина Липково. Оваа општина ја донесе ДУИ на власт а како награда добива само штета, неправда и лошо владеење.
„Наместо да се привилегира и развива овој регион кој некогаш важеше за кризен регион, лошото владеење на ДУИ го втурна во повеќекратни кризи. Економска и земјоделска криза, невработеност и миграциска криза, но и безбедносна криза и монтирани случаи. Никој повеќе од жителите на овој крај не ги почувствувал последиците од лошото владеење на ДУИ“, нагласи Таравари во својот говор.
Но, според него, оваа состојба ќе заврши со гласот на самите граѓани, кој ВРЕДИ и ќе ја донесе долгоочекуваната промена.
„Ќе донесеме повеќе правда, прво за политичките монтирани случаи, каде што ќе се заложиме за правда и обештетување за оние Албанци кои неправедно се држат во затвор. Никогаш не го забораваме војникот на слободата и жител на овој крај, Реџаил Ќерими, кој неправедно беше држен во затвор 13 години и почина во ќелијата кога отворено се знаеше дека нема врска со она за што го обвинуваа, изјави Таравари.
Меѓу другото, Таравари од Липково повтори дека со доаѓањето на ВРЕДИ на власт ќе се забрани коцкањето, а ќе се простат и долговите од фирмите за брзи кредити кои исто така рече дека ќе се затворат.
Македонија
Кои се седнатите на софра со најголемите криминалци од Грчец, Шиша бар, со оние од убиствата во Ханиоти, прашува Силјановска-Давкова
Ги нема сликите низ весниците кои се најдобар доказ, бидејќи сликите понекогаш повеќе кажуваат од зборовите, за тоа кој е кој во ова корупциско и криминално гнездо, вели професорката Горданa Силјановска -Давкова вечерва од Велес.
„Колку претседатели сте виделе, колку премиери сте виделе, колку министри за внатрешни работи сте виделе седнати на софра со најголемите криминалци од Грчец, Шиша бар, со оние од убиствата во Ханиоти? Може да се сликате со некого на улица, ама на софра да бидете тоа значи дека сте во спрега. Значи, во право е претседалот на ВМРО-ДМПНЕ кога вели дека, не само со чинење, не само со криминални активности, туку и со замижување пред криминалот и корупцијата вие сте соучесник во нив, посочи Силјановска Давкова и додаде:
„Во овие избори има нешто специфично, до ѕидот сме доведени. Вие заслужувате власт соодветна на вашето достоинство, власт од којашто нема да се плашите и срамите, туку ќе се гордеете“, порача вечерва од Свети Николе, кандидатката за претседател на државата, поддржана од ВМРО – ДПМНЕ и коалициските партнери