Македонија
Малку граѓани знаат дека не треба да одат на шалтер со куп документи
Законот за општа управна постапка е на сила од лани, но малку граѓани го искористиле своето право да се жалат кога некоја институција им бара куп други документи за издавање конкретен документ.
„Минатата година имавме мал број поплаки и би сакал да апелирам до сите граѓани да ја искористат оваа можност, затоа што токму измените на Законот за општа управна постапка, Закон за управна инспекција, се направени за нив, за да можат да го искористат овој член и да го пријават секој вработен, секоја институција што не ги почитува законите со кои нема да им се обезбедат документи по службена должност. Сé додека институциите не се поврзат меѓу себе за размена на документи, ние ќе продолжиме да ги информираме граѓаните за оваа можност, а на постерите е цитирана постапката за да можат граѓаните да си остварат своите права од еден шалтер“, рече министерот за информатичко општество и јавна администрација Иво Ивановски, при презентацијата на системот „Нема повеќе трчање по шалтери“, во Фондот за здравство.
Со измените на Законот за општа управна постапка, коишто стапија на сила минатата година, сите институции во Македонија се должни по службена должност да ги прибават сите оние документи за странките, без разлика дали се тоа правни или физички лица, доколку им недостига некој документ, кога бараат услуга од некоја институција.
Граѓаните можат да упатат жалба до Државниот управен инспекторат, од каде излегуваат на терен, ја утврдуваат фактичката состојба, дали навистина институцијата го враќа граѓанинот, и потоа Управниот инспектор ја задолжува институцијата да ја изврши услугата во рок од три дена, а доколку тоа не го направи, инспекторот ќе изрече казна и за раководителот на институцијата, раководителот на одделението и службеникот кој е на шалтерот.
„Станува збор за првиот шалтер каде што треба да ја добијат таа услуга, а таа институција по службена должност, по пошта или преку курири или преку друг начин што сами ќе си организираат, ќе ги обезбедат документите“, вели Ивановски.
Граѓаните за услугата ќе платат еднаш на еден шалтер, за сите документи кои им се потребни
„Вкупната сума трошок ќе биде платена на еден шалтер и според Законот во рок од три дена институцијата треба да ја повика странката и да им го врати предметот и да им ја направи услугата“, рече Ивановски.
Засега некои документи ќе мора да се набават во тврда копија, затоа што некои институции немаат компјутерска база на своите податоци, како, на пример, МВР за издавање Извод од матичната книга на родени, а останатите ќе се разменувата по електронска форма./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Апел за помош за малиот Војдан
„Почитувани, ви се обраќам како очајна мајка на Војдан, кој е дете со церебрална парализа. Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома.
Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката“.
Информации околу кампањата за собирање на донации имате тука