Македонија
Џафери: Рамковниот договор не прави поделби на Албанци и Македонци
Нема ништо спорно во оддавањето почит на паднатите борци од УЧК, пред споменикот во Слупчане, каде што во чест на 11-годишнината од Рамковниот договор се поклонија неколку министри и офицери, смета заменик премиерот Муса Џафери.
Тој, во изјава за „Zhurnal plus“ вели дека не треба вакви настани да се користат за кавга меѓу партиите и институциите.
„Не верувам дека е во интерес на јавноста, оваа тема да биде предмет на расправа меѓу двете страни. Ставовите на нашите функционери беа децидни, дека треба да се направи рехабилитација на двете страни, има закон за амнестија, тоа се предуслови за спогодба“, вели Џафери, за „Zhurnal plus“.
Џафери кој беше еден од министрите кои се поклонија пред споменикот на паднатите борци од УЧК, заедно со министерот за одбрана Фатмир Бесими и, министерот за правда Блерим Беџети и Џелаљ Бајрами, вели дека токму тие, како функционери не треба да ги злоупотребуваат паднатите борци.
„Уште помалку, ние како функционери треба да ги злоупотребуваме паднатите борци, од која и страна да се.“, вели Џафери, додавајќи дека меѓуетничкото помирување не било лесно во ниту една држава, па ни во Македонија.
„Ние одиме по институционален пат. Го почитувавме 13 август, Денот на Охридскиот рамковен договор и тоа го направивме, во интерес на мирот. Нивното дело е ценето и нема потреба за вакви полемики. Не можеме да ја коригираме историјата, можеме да ја смениме сегашноста од 2001 наваму. Да ги вреднуваме на достоинствен начин овие дела и да се надминеме себеси, затоа што поважно е да има мир, отколку да се попречуваме меѓусебно и да има конфликт и нетолеранција. Затоа што тоа не служи на иднината која треба да биде заедничка, ние сме се согласиле на ова преку Охридскиот рамковен договор“, додава Џафери./крај/zh/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Беќаровски навести дека си оди од Токсикологија: Дон Кихот конечно го напушта оклопот
Доктор Нико Беќаровски навести дека ќе си замине од Клиниката за Токсикологија.
Во статус на социјалните мрежи, Беќаровски порача дека е време на приватните клиники да се отвори Одделение за детоксикација и Клиничка токсикологија.
„35 години бев најголем борец за здрав јавен здравствен сектор. Дон Кохот конечно го напушта оклопот. Време е во некоја од приватните болници да се отвори Одделение за детоксикација и клиничка токсикологија. Бројот на консументи на психоактивни супстанции секојдневно расте“, пишува Беќаровски.
Ова се случува откако вчера на прес-конференција заедно со уште пет докторки од Стручниот колегиум на Клиниката за токсикологија јавно ја прозваа економската директорка на Клиниката за токсикологија Бесија Иљази, дека не дозволува вработување на двајца дипломирани биолози и еден болничар. Наместо, тоа, таа инсистира да се вработат осумнаесетмина на кои им истекле договорите за дело, а меѓу нив има лица кои немаат соодветно образование.
Беќаровски кој е раководител на Одделението за интензивна нега на Клиниката рече дека едниот од нив, болничар, вршел притисок врз лаборант- барал урина во која имало наркотици, да биде сменета со урина која е чиста, ама лаборантот не прифатил.
За образованието на Иљази, лекарите не знаат ништо, ниту за познавањето на јазици – со оглед на тоа што македонскиот не го зборува, а Беќаровски се обидел да комуницира со неа на англиски јазик.
Министерот за здравство Илир Демири најави разрешување на медицинскиот директор на Клиниката за токсикологија, д-р Данил Петровски, но не и економската директорка бидејќи немал сознанија за прекршок.
Македонија
Дожд и снег на повисоките места: ЦУК апелира на внимателност поради најавените метеоролошки промени
ЦУК апелира за внимателност заради најавените метеоролошки промени со дожд, со доумерен ветер и со снег на повисоките места.
Кога се оди со возило на планините е препорачливо да се има полн резервоар гориво и да се внимава на лизгавоста и проодноста на патот, велат од ЦУК.
„Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации“, се наведува во соопштението.
Истовремено, ЦУК информира дека е потребно и корисно да се следат препораките и информациите од медиумите за превенција, а и за реагирање при итни случаи.
„Во реонот на автопатот A2 Кичево-Охрид, што е во изградба, во период од 12 до 16 часот ако се слушнат силни детонации, граѓаните да не се вознемируваат, во повеќе наврати ќе се извршат минирања на теренот“, информираат од ЦУК.
Македонија
Странски новинари, преведувачи: вкупно 942 набљудувачи ќе ги следат претседателските избори
Вкупно 942 набљудувачи, странски новинари и преведувачи се акредитирани за следење на Претседателските избори на 24 април.
Како што е објавено на веб страницата на ДИК, заклучно до 19 април, акредитирани се 342 домашни и 568 странски набљудувачи и преведувачи, од кои најбројни се од ОБСЕ/ОДИХР.
Парламентраните избори во земјава ќе ги следат над 2000 домашни и странски набљудувачи.
Изборите за шеф на државата ќе ги следат и странски новинари.
Седмите претседателски избори во земјава ќе се одржат на 24 април, а евентуалниот втор круг заедно со парламентарните на 8 мај.