Македонија
Извештајот на ЕК поттик за работа на Министерство за локална самоуправа
Во областа на децентрализацијата на власта, се забележани достигнувања, но и застој, во Извештајот на Европската комисија, потенцира Министерството за локална самоуправа.
„Во целина, се истакнува дека процесот на децентрализација продолжува. Како достигнувања се бележени во извештајот се: донесена нова Програма за спроведување на процесот на децентрализација и локална самоуправа за периодот 2011- 2014, и донесен соодветен Акциски план за нејзина реализација. Осумдесет и четири од вкупно 85 општини влегоа во втора фаза на фискална децентрализација’, со тоа се овозможува поголем и посуштествен трансфер на надлежностите и на финансиското управување на локално ниво. Данокот на додадена вредност (ДДВ) кој треба да им се префрли на општините е зголемен на 4,2%. Ова се проценува како мерка со која “се зајакнува финансискиот капацитет на општините и капацитетот во преземањето на нови одговорности“, посочуваат од МЛС.
Како предизвици и забелешки кои се ги констатирала Европска комисија, се финансиската независност на општините, како и неспроведување во целост на делот на Законот за регионален развој, кои остануваат главни предизвици на Македонија во иднина.
„Делот на Законот за регионален развој кој се однесува на финансиските алокации преку одговорните тела, не се спроведува во целост“, велат од МЛС.
Финансиската независност на општините останува предизвик.
Сепак, забележено е некакво зголемување во прибирањето на локалните даноци и такси, иако некои општини бележат потешкотии во прибирањето на данокот на сопственост.
Во извештајот се истакнува дека треба да се забрза напредокот во постигнувањето на целите на децентрализацијата, предводен особено од Министерството за локална самоуправа и од Министерството за финансии.
„Ограничени механизмите за адресирање на истакнатите диспаритети во пружањето на јавни услуги и руралните и малите општини се значително маргинализирани“, сметаат од министерството.
Во извештајот се препорачува Зајакнување на ефикасноста на општините одговорни за финансиско управување преку подобрување на управувањето со одговорностите, со обезбедување на соодветен број на вработени и кратење на административните процедури.’
Како препорака што произлегува од Извештајот на Европска комисија, е и тоа дека а треба да се зголеми напредокот на децентрализацијата во областа на локалната самоуправа, особено во делот на фискална децентрализација.
Министерството за локална самоуправа има забелешка на Извештајот на ЕК, во кој не се спомнува напредокот и успехот во областа на управувањето со градежното земјиште, кое има значајна улога во локалниот економски развој.
„Посакувам напредокот и успесите што ги постигнавме досега, кои се проценуваат на последниот извештај на Европската комисија, да биде поттик за да работиме сите за да се надминат забелешките кои ги забележи ЕК во нејзиниот извештај, бидејќи овие забелешки се добронамерни и одат во интерес на граѓаните, во интерес на општините и во целина во интерес на Република Македонија“, соопшти МЛС./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.