Македонија
Разлика од 24 илјади лица од списокот на МВР и Избирачкиот на ДИК
Околу 24 илјади лица изнесува разликата меѓу Избирачкиот список во ДИК и податоците изнесени од Министерството за внатрешни работи, под објаснување дека тоа се лица кои до крајот на годината ќе станат полнолетни, што за претставникот на СДСМ во Работната група при ДИК, е невозможно.
Заклучно со 31.10.2012 година во Државната изборна комисија (ДИК) се води Избирачки список на граѓани со и без биометриски лични исправи во кој се запишани 1.878.029 избирачи, а истовремено се води Иизбирачки список само на граѓани со биометриски лични исправи во кој се запишани 1.745.136 избирачи.
„Имаме посебен избирачки список, каде се запишани избирачи кои немаат биометриска лична исправа од 132.893, од кои 32 илјади се надвор од државата“, рече претседателот на Работната група, Бедредин Ибраими.
Бројката во однос на септември е намалена за околу седум илјади лица, со тоа што тогаш бројот на лица со стари лични документи изнесуваше 139.711.
„Сметам дека е исклучително корисен заклучокот кој беше донесен практично Избирачкиот список во претстојниот период кога доаѓаат изборите е онака како што пишува и во Законот, а тоа е само со оние лица кои имаат право да гласаат. Притоа на оваа работна средба, отворивме како политичка партија две дилеми, коишто се поврзуваат со бројките што ни се дадени овде од страна на државните институции, а тоа е дека на 30-ти септември 2012 година постоои разлика меѓу бројот на избирачи од МВР и ДИК и таа разлика не е мала, туку напротив изнесува 24.255 лица“, рече Јани Макрадули, претставник на СДСМ во Работната група за прочистување на Избирачкиот список при Државната изборна комисија.
Според него, ако се знае дека резултатите во некои општини завршуваат со разлика од четири, пет, шест гласа, а дури спомна и случај со еден глас разлика што завршил пред неколку години, посочи дека мора да се разреши овој проблем.
„Втора дилема која се отвора е бројот на лица коишто немаат валиден документ за гласање, на пример во скопските општини, а коишто многуи се разликуваат. На пример, во Општина Центар има околу 4.500 лица, а во Општина Аеродром околу 350 лица, што зборува за една нерамнотежа и неусогласеност“, рече Макрадули.
Исто така, тој побара МВР да достави преглед на издадени лични карти по општини за последните шест месеци.
„На тој начин ќе ги демистифицираме сите оние забелешки коишто постојат во јавноста и само на тој начин ќе придонесеме за градење доверба во рамки на изборниот процес“, рече Макрадули.
Посочи дека СДСМ ја поддржува теренската активност за проверка на речиси 133 илјади лица коишто немаат валиден документ за гласање.
„Многу повеќе ја поддржуваме таа ревизија отколку да влеземе во процесот да постои уште еден список потоа на денот на гласањето коешто само ќе го отежни процесот на гласање, со оглед на искуството што го имам од 1990-тите години, од кутии до кандидат“, додаде Макрадули.
„Политичките партии се согласни да се оди на терен, но тоа не е работа на оваа група. ДИК секогаш е подготвена ако има пари и човечки ресури да излезе на терен, но во однос на избирачкиот список нема да има кој знае каков ефект. ДИК работи на јавни исправи издадени од овластени органи од државата“, рече Ибраими кој информира дека разговарал со повеќе претставници на политички партии, но за таква активност државата треба да обезбеди пари.
За денот на изборите Ибраими предложи решение според кое би постоел покрај официјалниот Избирачки список, паралелно да постои список на луѓе без валидни документи, па доколку некој во меѓувреме извадил, податоците од нив да бидат запишани во тој список.
Тоа отвора дилема дали ќе треба печатење на дополнителни 133 илјади гласачки ливчиња, што е можност за манипулација.
Спомна дека има отстапување на бројот на избирачи по изборни единици, од +5 отсто, во однос на просечниот број на избирачи по изборни единици, а тоа е во ИЕ бр.6, што Министерството за правда и другите органи треба да го решат.
На последниот состанок што ќе се оджи на почетокот од декември треба да има точни податоци.
ДИК изработи и спот, што ќе биде прикажуван на националната телевизија, со кој ги информира граѓаните да извадат нови лични документи, без кои нема да можат да го остварат правото на глас на денот на избори./крај/бб/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Пендаровски: Прифаќам дебата со сите противкандидати
Кандидатот за претседател Стево Пендаровски ја прифати поканата на националниот јавен сервис за учество на дебата со сите противкандидати во претседателската трка, информираат од неговата кампања.
„Решив да ја прифатам поканата за заедничка дебата на националниот јавен сервис – Македонска радио телевизија, со оглед на тоа дека сите мои противкандидати ја прифатиле поканата да учествуваат во дебатата.
Дополнително, информирам дека останувам на претходно изнесениот став дека е потребно да се расветли случајот во кој имаше јавно изнесени индиции дека јавниот сервис бил користен за изработка на лажни анкети и дебати за рејтингот на политичките партии и кандидатите за претседатели, а со тоа и фабрикување на јавното мислење.
Останувајќи доследен на принципот на транспарентноста за мојата работа и како претседател и како кандидат за претседател во тековната кампања, ја информирам јавноста за овие прашања за кои имаше интерес изминатите денови“ изјави Пендаровски.
Македонија
Коалицијата ВЛЕН најавува спектакуларен митинг во понеделник на плоштадот Скендербег – не добиле дозвола на митинг на Плоштад Македонија
Шефовите на изборната кампања на Коалицијата ВЛЕН денеска ја информираа јавноста за централниот митинг што ВЛЕН (ВРЕДИ) планира да го одржи во понеделник на 22 април, 2024 година.
– За да бидеме максимално транспарентни пред граѓаните, сакаме да ве информираме дека, како што налага процедурата, поднесовме барање до Град Скопје за да го организираме централниот митинг на плоштадот Македонија, за сите да видат што значи извонреден митинг, со слободна волја и без притисок, додека корумпираната власт во бегство да види што значи народна поддршка, што тие одамна ја немаат, беше кажано на денешната прес конференција.
Од ВЛЕН (ВРЕДИ) информираа дека од Град Скопје се уште немаат никаков одговор на барањето да се одржи митинг на Плоштад Македонија, што тие го толкуваат како негативен одговор. Според шефовите на изборната кампања на претседателскиот кандидат Арбен Таравари, негативна одлука донеле градоначалничката Данела Арсовска, Блерим Беџети и Левица кои се во коалиција. Причината за тоа, според нив е обид да ја спречат коалицијата ВЛЕН да го организира централниот митинг поради, како што рекоа, големата поддршка што ја има ВЛЕН (ВРЕДИ) од граѓаните.
– Секој одговор што ќе дојде во понеделник ќе биде закаснет и тенденциозен поради краткото време за организирање. Но, ние не остануваме со скрстени раце, заедно со нашите структури и народ, решивме да ја завршиме оваа исклучително позитивна кампања за претседател нигд едруго освен овде, на нашиот плоштад, на плоштадот што гоноси името на нашиот херој Ѓерѓ Кастриоти Скендербеу, да ја најавиме победата на Коалицијата ВЛЕН, со голем собир!, рекоа од ВЛЕН нагласувајќи дека централниот митинг ќе се одржи во Скопје, на плоштадот Скендербег, на 22 април, понеделник, во 20:30 часот.
Македонија
Стојаноска: „Платформа 1198“ предвидува рамен данок со што, Македонија ќе стане една од земјите во регионот со најниски даноци
Додека министрите на ДУИ мака мачеа да постигнат гол или кош повеќе во просториите на министерствата и додека мака мачеа да договорат тендер плус, и на сето ова, секако, министрите на СДСМ не смеат да гугнат, тетовските стопанственици, пак, мака мачат да опстанат, рече Дафина Стојаноска, носител на изборна единица 6.
– Поради овие аздисани политичари, во програмата на ВМРО-ДПМНЕ „Платформа 1198“ се ветува рамен данок кој што ќе остане и во иднина, се ветува Македонија да стане една од земјите во регионот со најниски даноци. И, се ветува на стопанствениците поголема поддршка и помош. Токму поради овие причини, стопанствениците во Македонија ќе гласаат за бројот два (2), затоа што сакаат Македонија да се врати во нивни раце и Македонија повторно да ја направиме горда, додаде таа.