Контакт

Македонија

Македонија се понуди да биде домаќин на состанок на Северно-атланскиот совет

Објавено пред

Министерот за одбрана Фатмир Бесими во понеделникот во Брисел се сретна со заменикот-генерален секретар на НАТО, Александер Вершбоу, како и помошникот генерален секретар на НАТО за нови безбедносни предизвици, Габор Иклоди.

dobivaj vesti na viber

Во рамките на високите средби во НАТО, министерот Бесими ја потврди континуираната подготвеност за дијалог и соработка со НАТО, потврдувајќи ја на тој начин цврстата стратегиска определба на Македонија за членство во НАТО.

Од страна на високите претставници на НАТО беше поздравен досегашниот придонес на Македонија во меѓународни мировни операции со акцент на изкажаната подготвеност за придонес за поддршка на Авганистан по 2014 година. Исто така, го поздравија достигнувањата во реформскиот процес во одбраната, потенцирајќи го интересот на НАТО за што поскоро надминување на спорот со името и зачленување на Македонија во Алијансата.

Во Брисел се разговараше за можноста Република Македонија да биде домаќин на состанок на Северно-атлантскиот совет во 2013 година.

Инаку Република Македонија официјално го заврши 13-тиот циклус на Акциониот план за членство (МАП). Напредокот и реформите во одбраната на Македонија се позитивно оценети од страна на НАТО.

Во согласност со националните интереси на Македонија, стратешката посветеност и цели, и со цел да се заштити и унапреди мирот и стабилноста во светот и во регионот, активно придонесува во три меѓународни операции предводени од НАТО, ООН и ЕУ со 3 отсто од вооружените сили.

„Ќе продолжиме со нашиот придонес во пост-ИСАФ периодот во Авганистан по 2014 година, во согласност со одлуките на НАТО за потребните операции врз основа на нашите капацитети“, истакна министерот Бесими.

Во врска со имплементација на реформите во одбраната министерот Бесими информираше дека целта е да се постигне 50 отсто распоредливост и интероперативност на силите за цел спектар на мисии и операции предводени од НАТО. Воедно беше потврдено дека одржување на 90 отсто од кадровското екипирање на вооружените сили ќе се остварува исклучиво преку професионалниот состав на АРМ, односно нејзината професионализација од која нема да се отстапи.

Македонија цврсто стои до ставот за задржување целосно професионална армија, е пораката што ја пренесе министерот Бесими во седиштето на НАТО.

Во последната деценија, во согласност со законските барања врз основа на Охридскиот рамковен договор, етничката структура на армијата е подобрена, беше речено во разговорите во НАТО.

Воедно е поднесена и информацијата дека Министерството за одбрана ја усвои Програмата за етнички правична застапеност во АРМ со цел во наредните пет години да се подобри етничката структура на АРМ за истата да ја рефлектира структурата на населението во Република Македонија. Етничката правична застапеност како вредност на Охридскиот рамковен договор што го зајакнува единството на земјата треба дополнително да се унапреди како во квантитет преку зголемување на бројот така и во квалитет преку зголемување на учеството на командните позиции е заеднички заклучок од средбите во Брисел.

Во согласност со идејата за паметна одбрана, Македонија на средбите во седиштето на НАТО во Брисел во разговорите со вториот човек на НАТО и преставниците на САД и Турција ги нуди следниве ресурси како регионални и НАТО здружени капацитети: Регионалниот тренинг центар за комуникации (РТЦК) веќе стана ПзМ Центар; Полигонот за обука Криволак за борбени вежби; Медицинскиот центар за обука и Воената академија. Во 2013 година се вршат подготовки за формирање на Регионален мировен центар во Република Македонија за што е неопходна поддршка од Програмата за мировни науки и безбедност или други НАТО програми.

Македонија како претседавач на Иницијативата на Јадранската повелба во периодот јануари – јули 2013 година, преку министерот Бесими ја истакнува генерална заложба и поддршка на реализацијата на сите иницијативи во НАТО рамки (паметна одбрана, сајбер одбрана, декларирани сили итн.) и избегнување на удвојувања и зголемување на ефикасноста на регионалните иницијативи преку проектите за паметна одбрана.

Се планира во текот на 2013 година да се отпочне регионална обука во врска сајбер одбрана со што уште еднаш ќе се потврди лидерството на Република Македонија и од нејзина страна имплементација на новиот концепт на НАТО.

Првиот човек на Министерството за одбрана на Македонија во Брисел воедно имаше одвоени средби и со амбасадорот на САД во НАТО Иво Далдер и амбасадорот на Република Турција во НАТО Хајдер Берк. Во рамките на овие средби Бесими изрази подготвеност за интензивирање на билатералната соработка со двете пријателски земји, со цел што поскоро зачленување на РМ во НАТО и придонес кон стабилноста и безбедноста во регионот и пошироко. Беше договорена и динамика на активности со Турција која е контакт амбасада на НАТО за Македонија за периодот 2013-2014 година.

Во попладневните часови Бесими ќе оствари официјална средба со Врховниот Командант на Сојузничките Сили – Европа, адмиралот Џејмс Ставридис. Клучна тема на средбата ќе биде пост – 2014 Авганистан, плановите на Алијансата по завршувањето на ИСАФ мисијата, како и планираниот придонес на Македонија во поддршка на понатамошна демократизација на авганистанското општество. /крај/мф/ач



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Објавено пред

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90 дена. Откога во понеделникот Комерцијална банка извести дека склучиле договор за продажба на имотот на фабриката со друштва основани од холандската холдинг-компанија „Полиникел холдинг БВ“ (Polynickel Holding BV), која е дел од турската „Јулдирим груп“ (Yildirim Group), нивни претставници вчера имале состанок со Синдикатот и со градоначалникот на Кавадарци, Митко Јанчев. Ги известиле дека почнуваат со подготовки за рестартирање на фабриката, кое очекуваат да биде во јуни.

dobivaj vesti na viber

„Од вчера почна да тече рокот од 90 дена во кој новите сопственици на фабриката ќе ги враќаат назад вработените. Нè известија дека ќе ги преземат 120-те вработени кои останаа на работа за да ја одржуваат печката додека сопственик беше Комерцијална банка, а за другите ќе има огласи. Ова рестартирање на фабриката се разликува од последното што го направи ‘Еуроникел’, кој зеде обврска да ги преземе и сите вработени. Новите сопственици ја купија само фабриката, без вработените, но вчера нè известија дека ќе ги задржат оние што останаа да ја одржуваат печката, а другите ќе може да се јават на огласите што ќе ги распишуваат во следните месеци. Со производство, според сегашните најави, ќе се почне во јуни, кога истекува и рокот во кој рекоа дека ќе ги враќаат назад вработените“, вели Игор Ѓерасов, претседател на Синдикатот на индустријата, енергетиката и рударството на Македонија (СИЕР), за „Макфакс“.

Многумина од вработените во „Еуроникел“, кои останаа без работа, стравуваат дека ќе извисат и новиот газда нема да ги врати на работа оти ќе бараат работници преку оглас. Градоначалникот Јанчев, пак, уверува дека тие ќе имаат предност за вработување.

„Добивме уверување дека ќе имаат предност вработените, но и без тоа во фабриката се бараат стручни луѓе и луѓе со искуство, а никој подобро не ја знае работата отколку досегашните вработени. Новите сопственици веќе влегоа во фабриката. Ќе ги направат неопходните ремонти, ќе направат план за работа и ќе ги враќаат постепено вработените. Тие дури рекоа дека се и загрижени дека нема да успеат да ја пополнат потребната бројка работници оти многумина заминаа во странство, некои си најдоа друга работа. Добивме цврсти уверувања дека ќе почнат со производство. Веќе имаат договори за снабдување со руда од Брегот на Слоновата Коска и од Гватемала. И, денес да тргне рудата, ќе треба еден месец за да стигне, а во тој период ќе почне и постапката за враќање на работниците. Мора да оди преку оглас оти така предвидуваат законите кај нас“, вели градоначалникот Јанчев за „Макфакс“.

Побарувањата од 2,1 милиона евра за четири неисплатени плати вработените ќе чекаат да им бидат исплатени во стечајната постапка за „Еуроникел индустри“, која беше отворена на почетокот на февруари. На стечајната постапка ќе чекаат и сите доставувачи што пријавиле долгови, но приоритет за исплата имаат платите на вработените.

Градоначалникот Јанчев вели дека веќе договорил со стечајниот управник  Ацо Петров, кога ќе заврши стечајната постапка, да поднесат кривични пријави против раководството на „Еуроникел индустри“, кое минатата година ја доведе до стечај фабриката.

Прикажи повеќе...

Македонија

Тошковски од Струмица: Управните служби ќе издаваат лични документи и во сабота

Објавено пред

Министерот за внатрешни работи Панче Тошковски денеска беше во посета на струмичкиот крај, каде што оствари работни посети на Секторот за внатрешни работи Струмица, Отсекот за управни работи Струмица и канцеларијата за управни работи во Ново Село. Министерот Тошковски од страна на раководството на СВР Струмица беше брифиран дека, генерално, безбедносната состојба на подрачјето што го покриваат е стабилна и не се забележува позначајно зголемување на бројот на извршени кривични дела, а во тој поглед имаат солиден процент на реализација. Како проблем на чие решавање треба да се работи што побргу беше истакната слабата кадровска пополнетост, односно недостиг на човечки ресурси за работа.

dobivaj vesti na viber

„Во делот на управните служби би сакал да потенцирам дека во интерес на струмичани повторно ќе почне процес на издавање лични документи и во сабота (од наредната), а работиме на тоа да се издаваат лични документи и во текот на работната недела по 16 часот со цел луѓето, по завршување на работните обврски, да може да си ги подигнат готовите документи“, нагласи министерот Тошковски.

Што се однесува до канцеларијата за управни работи во Ново Село, и покрај опструкциите на Владата со поништувањето на наредбата на колешката, која доброволно прифати да помогне во овој дел, како што потенцира Тошковски, со почетокот на континуираното функционирање на базната станица таа опслужува граѓани од поширокото подрачје на Струмица и бројот на фотографирања на оваа територија се зголеми 32 %.

Прикажи повеќе...

Македонија

(Видео) Јавното обвинителство се координира со другите институции за обезбедување фер и демократски изборен процес

Објавено пред

Координација на активностите за успешно спроведување на претстојните избори, со поддршка од сите институции што се дел од овој процес, беше тема на денешниот состанок на јавниот обвинител на Република Северна Македонија, Љупчо Коцевски, со претседателот на Владата на Република Северна Македонија, Талат Џафери. На средбата присуствуваше и јавниот обвинител Џељаљ Бајрами, претседател на Комисијата во Јавното обвинителство за следење евентуални изборни нерегуларности поврзани со извршување кривични дела од Глава шеснаесет – кривични дела против изборите и гласањето од Кривичниот законик и други кривични дела што би биле сторени при организирањето и спроведувањето на изборите.

dobivaj vesti na viber

На средбата заеднички се констатира дека двојните избори во државава се од исклучителна важност во рамките на очекувањата за напредок на Република Северна Македонија во евроинтеграцискиот процес и во таа насока се потенцира улогата на сите надлежни институции и потребата од ефикасно дејствување со цел спроведување фер и демократски изборни процеси. Се нагласи и очекувањето од двете страни дека сите учесници во изборите го согледуваат својот дел од одговорноста и ќе придонесат во поттикнувањето и одржувањето атмосфера на конструктивност.

Во Јавното обвинителство на Република Северна Македонија, денеска, јавниот обвинител Бајрами и членови на Комисијата остварија работна средба со членовите на Државната изборна комисија, на која двете институции меѓусебно се информираа за текот на подготовките за организација и следење на изборниот процес, како и потенцијалните ризици. Привремената комисија во Јавното обвинителство непосредно ќе комуницира со членовите на ДИК во текот на спроведувањето на изборниот процес и особено на денот на гласањето за да се информира за сите евентуални изборни нерегуларности што би можеле да бидат предмет на кривична одговорност за сторителите.

Прикажи повеќе...

Најново

Македонија49 минути

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија2 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија3 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ4 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија4 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија4 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија7 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет8 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет8 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија8 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион8 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет8 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет9 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија23 часа

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија1 ден

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија1 ден

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија1 ден

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија1 ден

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...

Свет1 ден

Бајден: Да ja ​​заштитиме Украина од месарот Путин

Американскиот претседател Џозеф Бајден уште еднаш го навреди рускиот претседател Владимир Путин говорејќи пред гласачите во американската сојузна држава Северна...