Македонија
Оддадена почит на гробот на претседателот Трајковски
Владина делегација составена од вицепремиерот Владимир Пешевски, министерот за одбрана Талат Џафери и министерката за култура Елизабета Канческа Милевска во вторникот оддадоа почит на гробот на некогашниот македонски претседател Борис Трајковски, кој пред девет години загина во авионска несреќа во Босна и Херцеговина.
Воедно, венец на гробот на Трајковски положи и делегација од Армијата на Република Македонија.
Заменик-министерот за одбрана на Република Македонија, Емил Димитриев, пак, како дел од поширока делегација од државата, во вторникот положи венец на спомен-обележјето во месноста Ротимље, во близина на Мостар, Босна и Херцеговина.
Во состав на владината делегација за оддавање почит во Босна и Херцеговина, од Министерството за одбрана и од АРМ, покрај заменикот-министер за одбрана, Димитриев е и директорот на Генералштабот на АРМ, бригадниот генерал Димче Петровски. Воедно на спомен-обележјето цвеќе положи и државна делегација на Босна и Херцеговина, медицинскиот тим на АРМ, кој е дел од операцијата АЛТЕА, делегација од градот Мостар, дипломатскиот кор во БиХ како и Здружението на Македонци во БиХ.
Претседателот Борис Трајковски загина на денешен ден во 2004 година, во авионска несреќа во атарот на Матиќ Брдо кај селото Хусковиќи во близина на Мостар.
Во несреќата покрај претседателот Трајковски загинаа и Димка Илкова-Бошковиќ, Ристо Блажевски и Анита Кришан Лозановска од Кабинетот на Претседателот, Миле Крстевски од МНР, Борис Велинов и Аце Божиновски, членови на обезбедувањето на претседателот како и пилотите Марко Марковски и Бранко Ивановски.
Претседателот Трајковски помеѓу останатото цврсто веруваше во придонесот кој секоја индивидуа може да го даде за развојот на Република Македонија, а тоа може да се увиди и преку неговата позната мисла: „Сите ние споделуваме една иста судбина наречена Македонија”.
Во текот на денешниот ден, заменик-министерот Димитриев оствари и повеќе средби меѓу кои и со командантот на ЕУФОР, генерал мајор Дитер Хеидекер со кого разменија мислења за придонесот на Република Македонија во рамките на операцијата АЛТЕА, како и за иднината и перспективите за операцијата во Босна и Херцеговина. На средбата беше потврдена и подготвеноста на Македонија за понатамошен придонес во рамките на меѓународните мировни мисии, меѓу кои и во АЛТЕА во БиХ.
Дополнително, заменик-министерот за одбрана ги посети и припадниците на Армијата на Република Македонија кои во моментов се дел од АЛТЕА (11 припадници- медицински персонал и 1 помошник- правен советник во командата на ЕУФОР), додека положи и свежо цвеќе на споменикот на загинатите припадници на АРМ, дел од операцијата АЛТЕА, во хеликоптерската несреќа кај Катлановско Блаце на 12 јануари 2008 година. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно и посвежо време со повремени врнежи од дожд, максимални температури до 18 степени
Променливо облачно и посвежо со повремени врнежи од дожд, претежно во јужните делови. Ќе дува слаб до умерен ветер од северен правец. Минималната температура ќе биде во интервал од 0 до 6, а максималната ќе достигне од 10 до 18 степени.
Во Скопје променливо облачно и посвежо со слаб до умерен ветер од северен правец. Минималната температура ќе се спушти до 4, а максималната ќе достигне 17 степени.
За време на викендот ќе се задржи променливо облачно и посвежо време. Во недела на повеќе места ќе има врнежи од дожд кои повремено ќе бидат пообилни и услови за појава на изолирана нестабилност со грмежи. Поради спуштање на постудена воздушна маса на планините врнежите повремено ќе преминуваат во снег и на повисоките планини ќе се формира нова снежна покривка.
Македонија
Таравари од централниот митинг во Струга: Зголемување на минималната плата до 800 евра за борба против имиграцијата
Кандидатот за претседател од редовите на ВЛЕН, Арбен Таравари, ја изрази својата заложба за борба против имиграцијата преку зголемување на минималната плата во нашата земја. Во рамките на идната влада се планира зголемување на платите и до 800 евра, со што ќе се создадат нови можности младите мажи и жени да останат и да придонесат за развојот на државата.
Преку грантови за технологија и иновации, Таравари рече дека владата има за цел да ги поддржи нивните креативни идеи, фокусирајќи се на развојот на земјата како атрактивна алтернатива за младите.
„Иселувањето кај нас е над секоја норма, бројките се алармантни. Не можеме да останеме рамнодушни на оваа ситуација. Така како следна влада на ВЛЕН ќе донесеме одлука за покачување на платите. Ќе се заложиме минималната плата до крајот на нашиот прв владејачки мандат да биде 800 евра. Преку грантови за технологија и иновации, ќе ги поддржиме младите мажи и жени со нивните креативни идеи, кои првенствено служат за нашиот развој како држава. Ова ќе биде дополнителна причина да ја гледаат иднината овде со нас, недалеку од нивните домови, недалеку од нивниот роден град“, рече Арбен Таравари на централниот митинг во Струга.
Македонија
(Видео) Силјановска -Давкова: На 9 мај ќе го славиме Денот на победата над фашизмот и Денот на Европа, но ќе славиме и за Македонија
„На 9-ти мај ќе го прославуваме Денот на победата над фашизмот и Денот на Европа! На 9-ти мај, ќе ја славиме Македонија како твоја и Македонија како горда! Ви ветуваме дека ќе докажеме дека нема да ве срамиме, дека нема да ги заборавиме државните и нациолнални интереси, кои тие не само што ги заборавија, туку и ги погазија! Молам за доверба!“, рече Горданa Силјановска -Давкова, кандидат за претседател на Македонија.
„Верувајте ми, има моменти во историјата! А таков е овој, кога мора да сме заедно! Кога како никогаш досега, потребна ни е вашата поддршка! Без вас не може да направиме единство! Без вас Македонија не може да биде ниту твоја, ниту горда! Без вас не може да дојдеме до победа! Вие го имате првиот и последниот збор! Ви веруваме!
Денес е Денот на светското културно наследство. Охрид е незаменлив и ценет, драгоцен дел од него. Охрид е споменик и дом на европското христијанство! Да го чуваме! Не заборавајте: Без Охрид, Македонија нема да биде почитувана!
Час поскоро, активирајте го универизтетот на Плаошник! Оваа власт не знае што е култура, за неа културата е бизнис. Ако започна изградбата во времето на ВМРО-ДПМНЕ, мора да доврши.
Во насока на јакнење на културниот туризам ќе покренам организирање на меѓународен форум – Плаошник форум, на кој ќе се дискутира соработката на цивилизациите, религиите и културите. Сето ова во соработка со УНЕСКО и Министерството за култура! Упатувам порака дека: Плаошник може да биде центар на дијалог на цивилизациите! Дијалог на религиите! Центар на културен дијалог! Затоа сум горда на него!“, додаде Горданa Силјановска -Давкова.