Македонија
Одговор на реакцијата на амбасадата на Полска
Со уважување и со особена почит кон огромните полски жртви во Втората светска војна ја прифаќаме забелешката од амбасадата на Република Полска во Република Македонија за веста „Бугарија првпат се извини за депортацијата на повеќе од 11 илјади Евреи”.
Со жалење констатираме дека споменатата спорна фраза „тие биле однесени во логорот Треблинка во Полска и ликвидирани” немаше никаква намера да повреди, уште помалку да наведи или, пак, да имплицира што и да е, туку едноставно станува збор само за актуелно географско одредување, што е ноторен факт, и кој беше на истиот начин формулиран во агенциските вести на неколку агенции од регионот, но што не го земаме како предмет на сопствен одбрана.
Впрочем, и кога некој денес би напишал дека македонските Евреи се испратени во нацистичките логори на смртта од просториите на Тутунскиот комбинат во Скопје, а во токму една од нив е сместена редакцијата на Макфакс, дали тоа би значело дека некој имплицира оти за нивното депортирање во трагедијата е одговорен Тутунскиот комбинат или, пак, Макфакс.
Меѓутоа, исто така елементарното знаење на читање на новински текст налага дека една изделена фраза не може да се зема вон контекстот, кој недвосмислено укажува на виновникот за оваа трагедија на Евреите во текот на Втората светска војна.
Патем, посочената официјална определба на УНСКО – „германските концентрациони логори во окупирана од нацистите Полска”, е веќе користена во информациите на Новинската агенција Макфакс.
Оттаму, уште еднаш се извинуваме затоа што без никаква намера сме го предизвикале чувството на навреда.
Но и сме и натаму убедени во своето солидно и повеќе од основно познавање на Втората светска воја, се придржуваме до кодексите на светското професионално новинарство (и покрај таквите забелешки што ги упатува кон редакција г-ѓа Марта Пжениосло, вршител на работите во амбасадата на Република Полска во Скопје, кои ги сметаме за произволно толкување, најверојатно предизвикано од чувството на навреденост за што имаме секако разбирање и повторно се извинуваме поради ненамерното предизвикување на истите), за што всушност сведочат и 20-те години успешно работење на агенцијата./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Николоски: Како носител на ИЕ 4 за мене најдрага е победата на ВМРО-ДПМНЕ во Струмица, во следните две недели ќе продолжиме да работиме уште поинтензивно
Денес продолжуваме со кампањата за парламентарните и претседателските избори, денеска се спојуваат повторно двете кампањи. Продолжуваме тука од Струмица каде што планираме големи проекти по формирање на влада предводена од ВМРО-ДПМНЕ. Повикувам сите граѓани да ја прочитаат нашата програма Платформа 1198 каде што нудиме решенија за најкрупните проблеми на граѓаните, пред се во делот на владеење на правото и воспоставување на функционален систем на владеење на правото и правна држава, понатаму економскиот развој, решенија за состојбите во образованието и во здравството, поддршка за пензионерите, но и за најмладите преку проектот „Купи куќа“ и бројни други проекти кои што ги имаме во Платформата 1198, порача Александар Николоски, потпретседател на ВМРО-ДПМНЕ и носител на изборна единица 4.
„За нас е огромна привилегија поддршката која што ја добивме вчера, сметаме дека резултатот кој што вчера го постигна Гордана Силјановска Давкова и ВМРО-ДПМНЕ е обврска во следните две недели уште поинтензивно да се среќаваме со сите кои што сакаат да се сретнат со нас, да го објасниме нашиот концепт и визија и да ја побараме поддршката. Очекувам на 8 мај да има убедлива победа за Гордана Силјановска Давкова и најмногу пратеници за ВМРО-ДПМНЕ кој што ќе овозможат стабилна влада која што нема да биде уценува од никого и кој што ќе овозможат во опозиција да одат и СДСМ, но и политичката партија ДУИ“, кажа тој.
Додаде дека е среќен како носител во ИЕ 4 што имаат победа во Струмица.
„Тоа мислам дека е голем сигнал не само за Струмица, не само за струмичката околија туку за цела Македонија. Победата за Струмица за мене е најдрага од сите победи вчера, сакам да се заблагодарам на тимот позади мене, во следните две недели ќе работиме уште поинтензивно за да имаме уште поубедлива победа и Струмица конечно да го добие она што го заслужува, а тоа е економски развој и воведување на функционална правна држава каде што ќе има јасно владеење на правото, а не она што се случуваше во годините наназад“, рече Николоски.
Македонија
Стојчевски: Родена е третата политичка сила во македонскиот политички блок
Даниел Стојчевски, носителот на листата на Движењето ЗНАМ за Наша Македонија во ИЕ 2 истакна дека е родена третата политичка сила во македонскиот политички блок.
„Граѓаните испратија јасна порака. Изборното востание со својата незапирлива позитивна енергија се шири низ цела Македонија. На граѓаните им е доста од неказнета корупција,неправда,сиромаштија,лажни ветувања и криминална власт. Ние од Движењето ЗНАМ за Наша Македонија,искрено и чесно сме посветени на идејата нашата татковина да ја иградиме како просперитена држава во која обединето живеат среќни граѓани ,и никогаш нема да дозволиме граѓаните да бидат поделени по политичка, етничка или верска припадност“, истакна Стојчевски.
Се заблагодари на подршката на граѓаните и гласот кој го дале за како што рече, просперитетна Македонија.
„Ви благодариме за довербата која ни ја давате, да стигнеме до нашата заедничка цел, да ја видиме Македонија таму каде што заслужува да биде“, посочи тој.
Македонија
Таравари по веста дека имал тајна средба со Ахмети: Тоа е лага, но навикнат сум на понудите на Ахмети и не би било изненадување доколку дојде до мене
Претседателскиот кандидат на албанската опозициска коалиција „Вреди“, Арбен Таравари ја демантира веста дека вчера тајно се сретнал и добил понуда од претседателот на Демократската унија за интеграција, Али Ахмети по резултатите од претседателските избори.
„Со жалење денеска од еден многу сериозен албански медиум дознав дека синоќа се сретнав со господинот Ахмети и други функционери на ДУИ, за да слушнам понуда од господинот Ахмети. Не, не е вистина“, пишува Таравари ан социјалните мрежи.
„Кој ја кажал оваа вест лаже“, додава тој во напишаното.
„Синоќа му честитав на мојот тим и мирно денес продолжуваме со нашата работа кон промена! Навикнат сум на понудите на Ахмети и мислам дека не би било изненадување доколку дојде до мене, но оваа вест е лажна“, потенцира Таравари.