Македонија
Димитриев: Македонија останува на курсот кон членство во НАТО
Заменик-министерот за одбрана, Емил Димитриев и началникот на Генералштабот на АРМ, генерал-мајор Горанчо Котески, во четвртокот во Министерството за одбрана остварија средба со претставниците на високата делегација на НАТО, Директоратот за планирање на силите, предводени од Рок Косирник.
Заменик-министерот Димитриев, во текот на средбата, информираше дека Македонија е цврсто посветена кон континуираниот и долготраен придонес во меѓународните мировни операции, а беше разговарано и за процесите на трансформација, реформирање и за развој на распоредливите способности, потоа за предизвиците во опремувањето и во модернизацијата, како и за состојбата со буџетот во одбраната.
Истовремено на средбата, во контекст на понатамошното учество на АРМ во мисијата на НАТО во Авганистан пост-2014 година, Македонија ја потврди својата политичка посветеност, во согласност со потребите на Алијансата и можностите на државата.
Во линија на тоа, генералот Котески истакна дека Армијата на Република Македонија ќе продолжи да работи на сопствениот развој со исто темпо како и досега, истовремено свесни за светската финансиска и економска криза и импликациите врз домашната економија.
Од страна на НАТО-тимот беше истакнато дека Македонија дава исклучително висок придонес во меѓународните операции, додека истовремено беше поздравен и добриот напредок во имплементацијата на Партнерските цели 2012 година. Предводникот на НАТО-тимот, Рок Косирник, и додаде дека мажите и жените – дел од контингентите на АРМ во меѓународните мировни мисии се вистинските и најдобри амбасадори на Македонија, на глобалната сцена, а како особено позитивен чекор и сигнал ја посочи трансформацијата на Армијата, со акцент на целосната професионализација на истата.
На денешната средба учествуваше и државниот секретар во Министерството за одбрана, Сашо Стефаноски, како и останати високи претставници од Министерството и од АРМ.
Во средата беа водени интензивни експертски разговори поврзани со повеќе прашања од областа на одбраната, на кои учествуваа лица од Министерството за одбрана, АРМ, Воената академија, Министерството за финансии, Министерствата за внатрешни и надворешни работи, Центарот за управување со кризи, Дирекцијата за заштита и спасување како и одбранбените аташеа на земјите-членки на НАТО, акредитирани во Македонија.
Посетата на тимот од Директоратот за планирање на силите е дел од редовниот процес на периодично евалуирање на постигнатиот напредок во развојот на системот за одбрана на Македонија, активност која се одвива на секои две години. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Притвор од 48 часа за две лица кои се задржани по убиството на лекарот во Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.
Македонија
ВМРО-ДПМНЕ: Нашата идна Влада ќе спроведе ограничување на маржите на лековите и проширување на позитивната листа за бесплатни лекови
„Владата на ВМРО-ДПМНЕ ќе спроведе ограничување на маржите на лековите и проширување на позитивната листа за бесплатни лекови“, велат од ВМРО-ДПМНЕ.
„Идната влада ќе имплементира модел за намалување на цените и ограничување на маржите на лековите и медицинската опрема. Народот не смее да го преплаќа лекот.
Ќе се спроведе ревидирање и модернизирање на позитивната листа на лекови со вклучување на најголем дел од основните лекарства кои граѓаните ги користат.
Лековите мора да се издаваат согласно потребите на пациентот, со персонализирана и индивидуализирана терапија. ВМРО-ДПМНЕ има за цел да го крене здравството на сосема ново ниво“, соопшти ВМРО-ДПМНЕ.