Македонија
Груевски ја нагласи важноста на зоната Жабени за населението во цела Пелагонија
Индустриската зона Жабени крај Битола наскоро ќе создаде многу работни места за населението од целата најјужна област во земјата Пелагонија, изјави премиерот и лидер на ВМРО-ДПМНЕ Никола Груевски во сабота при посетата на зоната и фабриката за автомобилски делови на германскиот производител „Kromberg & Schubert“, придружуван од актуелниот градоначалник на Битола и кандидат за уште еден мандат, Владимир Талески
Премиерот Никола Груевски притоа за медиумите изјави дека во разговорите со раководството на фабриката му било пренесено нивното задоволство зашто условите за бизнис во Македонија и квалитетот на работната сила се над нивните очекувања.
Во моментов работат за „БМВ“ и за „Миниморис“, следниот нивни купувач е „Ауди“, како и други меѓународни брендови во автомобилската индустрија. Веќе се извезува во Темишвар, Романија, а има договорен извоз и за Словачка и за други држави.
„Работата тргна и мене ми е мило што тоа е така… Имав можност првпат да ја видам зградата во која веќе се произведува и каде се вработени над 300 луѓе, а се планира до крајот на годината да се вработат над илјада. Согласно со нивниот план, во наредните две до две ипол години бројот треба да достигне до 2.500 директни вработувања. Секогаш кога има директни има и голем број индиректни вработувања“, рече Груевски и додаде дека очекува оти задоволството на германскиот инвеститор ќе биде добра препорака за други компании кои во иднина ќе доаѓаат со намера да вложат во Македонија.
Дополни дека за изградбата на индустриската зона Жабени треба да му се честита на битолскиот градоначалник Владимир Талески, зашто, како што потенцираше, овој проект бил еден од неговите најдобри чекори.
„Веројатно тоа ќе биде еден од неговите најголеми проекти во неговиот сегашен и иден мандат. Се работи за многу крупен и многу значаен проект за Битола и за целиот пелагониски регион. Досега се продадени 32 локации на кои ќе се градат погони. Колку и да вработуваат луѓе, нека бидат и по сто, сепак, тоа ќе бидат голем број вработувања. Затоа мислам дека беше одличен потегот кога се одлучивме со градоначалникот Талески да се инвестира тука, да се донесе инфраструктура, да се дозволи почетна цена на земјиштето од едно евро за квадрат, но најважно е да се изградат фабриките и да се вработат луѓето“, рече Груевски.
Посочи и на други зацртани проекти на локалната самоуправа во идните четири години кои се од значење за Битола – проектот топлификација кој е во напредна фаза. Завршена е физибилити-студијата, по која ќе следува изработка на проектот, а потоа и изведбата. Најави и реконструкција на железничката пруга кон Грција што ќе почне идната година и која, главно, ќе се финансира од ИПА-фондовите.
Градоначалникот на Битола Владимир Талески од своја страна рече дека индустриската зона Жабени е резултат на континуитетот во соработката со Владата и најави дека веќе следната седмица ќе има нови 40 вработувања во фабриката „на германскиот производител, со што вкупниот број засега ќе достигне 400 нововработени. Очекува наскоро да почне изградба на уште две фабрики во оваа индустриска зона и посочи дека пет други одобренија за градба се во постапка.
„Индустриската зона Жабени беше голема идеја, една проекција која звучеше нереално во прв момент и бевме необјективно напаѓани… Континуитетот на соработката меѓу локалната самоуправа и Владата овозможи еден ваков бренд, ваков гигант каков што е ’Kromberg & Schubert’, да види бел ден овде, во срцето на Пелагонија“, рече Талески./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Штипјанец и скопјанец фатени како ги фотографираат гласачките ливчиња, а жител на Бучим го покажал ливчето на набљудувач
Од отворањето на гласачките места досега имаме регистрирано две фотографирања на гласачко ливче, едно во Скопје, а едно во Штип. Покрај тоа, во Бучим, радовишко има едно лице кое го покажало гласачкото ливче на набљудувач, изјави портпаролот на МВР, Тони Ангеловски.
Тој додаде дека досега МВР нема регистрирано посериозни нарушувања на јавниот ред и мир при гласањето, односно гласањето се одвива мирно и без проблеми.
Ангеловски дополни и дека димна бомба е испукана на гласачко место, а пријавени се и летоци врз паркирани автомобили во Чаир и графити.
До 11 часот е пријавено дека на гласање излегле 229.473 граѓани и одѕивот од 3,85, колку што беше до девет часот, се искачи на 12,78 отсто.
Македонија
Димна бомба на гласачко место, летоци врз паркирани автомобили во Чаир и графити пријавени во МВР
Портпаролот на МВР, Тони Ангеловски, информираше за текот на изборниот процес од отворањето на избирачките места.
„Досега МВР нема регистрирано посериозни нарушувања на јавниот ред и мир при гласањето, гласањето се одвива мирно без проблеми. Од отворањето на гласачките места досега имаме регистрирано две фотографирања на гласачко ливче, едно во Скопје, а едно во Штип. Покрај тоа, во Бучим, радовишко има едно лице кое го покажало гласачкото ливче на набљудувач.
За сите овие настани, како што вели тој, се преземаат мерки за расчистување на случаите.
„Покрај тоа, на територија на општина Чаир се забележани летоци кои биле оставени на паркирани возила, а исто така се испишани и два графити. На едно гласачко место во Скопје покрај испишаниот графит, од страна на претседател на избирачки одбор е пријавено дека во 6.30 часот во ходникот е пронајдена испукана димна бомба. Веднаш се преземени мерки и активности и на ова место гласањето се одвива непречено“, додава Ангеловски.
Апелира до граѓаните и улесниците на изборите, во текот на гласањетоо, до завршувањето, да се воздржат од било какви инциденти.
Македонија
На 12,78 отсто се искачи одѕивот до 11 часот, најголем во Демир Капија – 23,99 отсто
До 11 часот на гласање излегле 229.473 граѓани и одѕивот од 3,85, колку што беше до девет часот, се искачи на 12,78 отсто.
Најголем е одѕивот во Демир Капија – 23,99 отсто, каде што од вкупно 3.208 граѓани до 11 часот гласале 769.
На седмите претседателски избори во земјата право на глас имаат 1.814.317 граѓани на 3.480 избирачки места.