Контакт

Македонија

Пратениците го изгласаа законот за стечајните работници

Објавено пред

Донесени новите измените на Законот за стечајните работници со кој се предвидува на околу 3.000 лица кои поради приватизација на претпријатијата со доминантна сопственост на државата во периодот од 2000 до 2004 останаа без работа по основ на стечај, ликвидација на фирмите да им беде обезбеден материјален месечен надоместок од околу 7.100 денари, односно 34 проценти од просечната плата исплатена за минатата година и исплаќање на здравствено осигурување.

Законот го поддржаа сите присутни во салата, вкупно 66 пратеници, без против и воздржани.

Министерот за труд и социјална политика, Диме Спасов, истакна дека со овие измени ќе се реши проблемот на 3000 стечајци и истакна дека со законот ќе бидат опфатени лицата што имаат најмалку 25 години работен стаж, а во меѓувреме ако биле вработени да не им е прекинат работниот однос по нивна вина или волја.

Пратеничката група предводена од опозициската СДСМ претходно за време на расправата се изјасни дека ќе ги поддржи измените иако нивните членовите сметаат дека ова е лошо законско решение бидејќи со него проблемот нема да биде решен целосно и нема да бидат опфатени сите стечајни работници.

Пратеникот Маријанчи Николов за време на расправата истакна дека во Македонија треба да има избори бидејќи само така на владата ќе и текне дека во земјава постојат граѓани кои што живеат на работ на егзистенцијата, чија што материјалната состојба е толку лоша што луѓето буквално немаат што да јадат и со што да ги платат сметките. Сепак, како што додаде, се сомнева во неговата сериозност бидејќи во буџетот на Република Македонија нема ставка со која се предвидува реализација на овој закон, а на владата и текнало да го решава статусот на стечајците пред изборите затоа што се обидува повторно да го стави прашањето на стечајните работници на колосекот на манипулација.

Во реплика, Илија Китановски од ВМРО-ДПМНЕ истакна дека Владата донела два закона со кои го решава проблемот на околу 6.000 стечајци и оти логично е законите да важат за оние фирми кои се во државна или доминантна државна сопственост.

Пратеничката Весна Бендевска од СДСМ оцени дека законот е селективен бидејќи со условите што ќе треба да ги исполнат стечајците за да добијат месечен надоместок, ќе се реши проблемот само на одредена група невработени кои останале без работа по основа на стечај или ликвидација и ќе биде ист како оној од 2008 година со кој биле опфатени 20 проценти од стечајните работници.

Пратеничката Цветанка Иванова од собраниската сала побара да бидат опфатени сите работници на кои им престанал работниот однос по основ на стечај, ликвидација, технолошки вишок, а работеле во општстествени фирми и фирми со државен капитал и предложи намалени критериуми за стажот.

„Ниту првиот закон од 2008 е успешен, уште повеќе нема да биде успешен овој закон. Од податоците коишто ги имаме, од вкупно поднесени околу 10.000 барања, одбиени се над 7.500 барања, а основа поради која се одбиени овие барања е дека фирмата во која работеле не е претежно државна, а некои затоа што до денот на престанокот на работен однос под стечај, ликвидација немаат полни 25 години, рече Иванова.

Mинистерот Спасов рече дека со законот во 2008 биле опфатени 3000 невработени граѓани кои останале без работа по основ на стечај, ликвидација и технолошки вишок, а со денешниот закон се менува законот од 2008 заради целосен опфат и дополнителни околу 3000 граѓани кои по тој основ останале без работа.

„Петнаесет дена од стапување во сила од законот ќе се дефинира списокот на претпријатија во доминантна сопственост на државава. Триесет дена по стапување во сила на законот граѓаните коишто се невработени по основ на стечај, ликвидација и технолошки кои ги исполнуваат условите дефинирани во законот имаат право и можност да поднесат барање. Колку од нив ќе поднесат барање, таа претпоставка не може да се направи. Јасно се дефинирани условите во законот и никој никого не манипулира. Токму тоа е разликата – фер односот кон гласачите и граѓаните е во решенијата кои ги нудиме. Разликата е една и единствена. Имавте и време и можност да го решите ова прашање на голем број граѓани пред многу години. Тоа не го направивте“, истакна министерот за труд и социјална политика./крај/мф/ап



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

ВМРО-ДПМНЕ: Кадар на ДУИ на чело на транспортниот инапекторат, една година не правел контрола во „Беса транс“

Објавено пред

Нема поголема антиевропска кампања од тоа ДУИ да е за Европа, наведува опозициската ВМРО-ДПМНЕ преку соопштение.

„Дали ДУИ е европска по Бекир Асани кој сред бел ден во центарот на Скопје тепаше полицајка пред очите на голем број очевидци, за после да се врши притисок врз жената да каже дека не ја тепал, туку се удрила во пајак?

Дали европско во ДУИ е Нефи Усеини кој од Охрид направи градежна џунгла и градеше кај ќе стигне?

Дали европско во ДУИ е тоа што кадар на нивната партија на чело на транспортниот инапекторат година дена не правел контрола во Беса транс, која возеше без лиценци?

Дали европски во ДУИ е можеби Шкодране Дардишта за која Владата уште нема коментар после заканите?

Или можеби европско во ДУИ е тоа што се градеа платформи на Матка, дивоградби кај Мавровка?

Кои се кадрите на ДУИ бандитите од ова соопштение?

За какви тоа европски вредности зборува ДУИ?

Кога ДУИ зборува за Европа, е исто како кога криминалец зборува за чесност“, наведува ВМРО-ДПМНЕ.

Прикажи повеќе...

Македонија

Мицкоски: Функционерите во власта се корумпирани, затоа ни се случуваат несреќи како таа во Бугарија, Тетово и Ласкарци

Објавено пред

Во посетата на Свети Николе и тековните проекти на Општината, претседателот на ВМРО-ДПМНЕ Христијан Мицкоски, на новинарско прашање во врска со трагичната несреќа која се случи во Бугарија, истакна дека раководните лица од власта се корумпирани и не си ја вршат работата за која се платени, затоа ни се случуваат несреќи како таа во Бугарија, претходно несреќата во Тетово, како и несреќата со автобусот во Ласкарци.

„Ова е уште една катастрофална постапка на македонските власти, јас сум вчудоневиден од тоа како овој автобус, дури 135 пати ја поминувал границата без да биде запрен, овој за којшто велат дека бил роднина на лидер од владеачка партија, а е директор на овој транспортен инспекторат го нема да излезе во јавноста и да објасни како ова возило и 135 пати ја напуштало границата и како се дозволило ова возило да ги помине сите ако воопшто постојат технички прегледи и да објасни на јавноста што се случува. А, во суштина се случува голема корупција која претставува едно сериозно ткиво коешто шестоко ги има зафатено институциите и системот“, критикуваше Мицкоски.

Тој исто така истакна дека не би било чудно по толку корупција да се продолжи сето ова додека е ова владеачка коалиција на власт, а вели дека од тие причини се потребни брзи парламентарни избори бидејќи оваа влада е некредибилна затоа што народот на локалните избори одлучи, а ВМРО-ДПМНЕ издвојува сериозна победа.

– Се додека оваа некредибилна влада на СДСМ и ДУИ продолжи ќе продолжат поразите, за жал тие порази продолжуваат да не чинат десетици загубени човечки животи, а тоа е поради тоа што раководните лица не ја вршат работата за која се платени, затоа ни се случуваат вакви несреќи кои овој пат однесоа 45 човечки животи, а пред некој месец во модуларната болница, пред некоја година во Ласкарци со „Дурмо турс“, посочи Мицкоски од Свети Николе.

Прикажи повеќе...

Македонија

Османи: Историски најголем буџет за дипломатијата

Објавено пред

Министерот за надворешни работи, Бујар Османи, на денешната прес конференција го претстави Буџетот на министерството за надворешни работи за 2022 година кој воедно преставува историски најголемиот буџет на МНР, со кој не само што се прекинува праксата за намалување на средствата наменети за дипломатијата, туку има зголемувањето од без малку 30% (28%) во однос на 2021 година што преставува сериозен потенцијал за обновување на сите функции на дипломатијата.

„Отсекогаш надворешната политика била притисната меѓу потребата за силна, современа и професионална дипломатија од една страна, и економската состојба и со тоа буџетските приоритети на државата од друга страна. Буџетот на МНР за 2022 година е предвиден на една милијарда и шестотини и педесет милиони денари, или околу 27 милиони евра; што преставува зголемување од нешто над 360 милиони денари, или околу шест милиони евра“, истакна Османи.

Министерот информирајќи ја јавноста за буџетот на МНР за 2022 година напомена дека овие средства ќе бидат наменети за издатоците поврзани со пополнување на сите испразнети амбасадорски места, доекипирање на амбасадите и конзулатите со дополнителен дипломатски кадар, а во овие средства се влезени и издатоците за економските советници во амбасадите, но и зајакнување на кадарот за комуникација со дијаспората.

Покрај редовната дипломатска активност, во следната 2022 година Република Северна Македонија ги започнува и обврските поврзани со претседавањето со ОБСЕ во 2023 година; процес кој суштински трае три години, почнувајќи за нешто повеќе од еден месец, на 1 јануари следната година. За оваа намена во буџетот за 2022 година предвидени се околу 110 милиони денари, или без малку 1,8 милиони евра. Соодветно на преземените обврски за претседавањето со ОБСЕ, во 2022 година предвидено е да се упатат над 15 лица во мисијата во Виена, кои ќе работат и на нашата улога во рамките на претседавачкото трио, но и ќе се подготват за финалното преземање на претседателството со ОБСЕ во 2023 година.

„Само да напоменам дека за самото претседавање во 2023 година, дополнително уште од сега се мапирани нови осум милиони евра, но тоа е ставка која ќе биде дел од буџетот за 2023 година“, дополни Османи.

Во зголемувањето на буџетот влегува и преземената обврска согласно одлуката на Владата која одобри повеќегодишните буџетски средства во висина до пет милиони евра, за реализација на активности на повеќе дипломатски и конзуларни имоти. Се работи за имотите во: Цирих, Атина, Канбера, Будимпешта, Бразилија и Анкара, токму онаму каде што е утврдено дека поради неопходната потреба од реконструкции, реновирања и потребни адаптации, веќе подолго време нашите имоти не се користат за потребите на дипломатско конзуларната мрежа. Реализацијата на овие капитални инвестиции понатаму ќе обезбеди заштеди на годишните трошоци кои сега се одвојуваат за наемнини и други редовни трошоци.

Прикажи повеќе...

Најново

Македонија4 часа

Имаме мнозинство и очекуваме дополнително да се зголеми, рече Османи

Има мнозинство во парламентот кое очекуваме дополнително да се зголеми, изјави министерот за надворешни работи, Бујар Османи одговарајќи на новинарски...

Свет4 часа

Светската медицинска асоцијација: Можеби вакцината против Ковид ќе треба да се дава секоја година

Дополнителна доза од вакцината против коронавирусот веројатно ќе биде потребна секоја година, смета претседателот на Светската медицинска асоцијација, Франк Улрих...

Македонија4 часа

Кои се луѓето кои го следат секој мој потег, прашува Аријанит Хоџа по објавената фотографија од средбата со Муса Џафери

Министерот во оставка од Движењето Беса, Аријанит Хоџа ја искоментира фотографијата што се појави на социјалните мрежи, а на која...

Македонија5 часа

Сопственикот на „Беса Транс“: Овие тестови се од Алах

Сопственикот на автопревозникот „Беса Транс“, Беким Хаџиу, преку социјалната мрежа „Фејзбук“ се огласи во врска со автобуската несреќа во која...

Свет6 часа

ГАВИ: Омикрон видот се појави поради неправедната распределба на вакцините во светот

Меѓународната асоцијација за промоција на правична вакцинација во светот, ГАВИ, оцени дека појавата на новиот сој на коронавирусот-омикрон укажува на...

Македонија23 часа

Почна постапката за кандидирање за претседател на СДСМ, изборите на 12 декември

Централниот одбор на СДСМ на синоќешната седница донесе одлука за започнување на процесот за организирање внатрепартиски непосредни избори за претседател,...

Македонија1 ден

ДУИ смета дека оставката на Заев од премиерката позиција треба да почека

Првиот вицепремиер Артан Груби, денеска изјави дека ДУИ верува оти оставката на премиерот Зоран Заев од функцијата прв човек на...

Македонија1 ден

Двајцата пациенти од автобуската несреќа се хоспитализирани на Пластична хирургија во Скопје

Пациентка на 17 годишна возраст и пациент на 49 годишна возраст, повредени во сообраќајната несреќа што се случи на автопатот...

Македонија1 ден

Филипче предлага матичните лекари да бидат парично наградени ако 70 отсто од нивните пациенти се вакцинирани

Министерот за здравство Венко Филипче вели дека во последниве неколку дена се разгледуваат мерки за невакцинираните лица кои нема да...

Македонија1 ден

Бугарското обвинителството ги презеде материјалите од Македонија за истрагата за автобуската несреќа

Македонското државното јавно обвинителство денеска ги предаде на бугарското обвинителство материјалите поврзани со истрагата и со идентификацијата на жртвите во...

Македонија1 ден

Османи: Со Бугарија сме најблиски соседи, блиски пријатели и можеме да си помагаме и во добро и во лошо

„Бугарските институции постапија професионално и им обезбедија мир на семејствата на жртвите, бидејќи имаше премногу шпекулации, што дополнително ги оптоваруваше...

Свет1 ден

Можеме да ги приспособиме вакцините кон новата варијанта за околу 100 дена, велат од „Фајзер“

Производителите на вакцини изразија уверување дека ќе можат брзо да ги приспособат своите вакцини доколку се прошири варијантата Омикрон. Новиот...

Свет1 ден

Автобус се заби во куќа во Мексико, најмалку 19 загинати

Најмалку 19 лица загинаа, а 32 се повредени во автобуска несреќа што вчера се случи во Мексико, кога автобус се...

Македонија1 ден

Двајца од повредените во несреќата се отпуштени од болницата „Пирогов“

Двајца повредени во сообраќајката на автопатот „Струма“ се отпуштени од болницата во „Пирогов“. Отпуштените се во добра и стабилна состојба,...

Македонија1 ден

ВМРО-ДПМНЕ: Кој дал наредба автобусите на „Беса-транс“ да поминуваат граница над 100 пати без дозвола?

„Оставки и Спасовски и Бочварски, Беса транс возеле без дозволи, минувале граници и контроли, системот работел за мафијата. Скоро 140...

Македонија2 дена

Прифатена оставката на Заев, на 12 декември ќе се бира нов претседател на партијата

На 12 декември, недела, ќе се одржат внатрепартиски избори во СДСМ, откако Централниот одбор на партијата вечерва ја констатирал оставката...

Регион2 дена

(Видео) Пукање во автобус со калашников во Косово, убиени возачот и двајца ученици

Во автобус вечерва е пукано од калашников кај селото Глоѓане кај Дечани, во Косово, а според последните информации загинале четири...

Македонија2 дена

Алтернатива ќе преговара за влез во Владата

Алтернатива одлучи претседателот Африм Гаши да преговара со премиерот Зоран Заев или идниот мандатар за влез во Влада. Според нив,...

Топ2 дена

Скопјанец повикан во полициска станица поради говор на омраза за автобуската несреќа

Скопјанец бил повикан во полициска станица на информативен разговор поради говор на омраза за автобуската несреќа во која загинаа 45...

Популарно2 дена

Македонија ќе игра против Италија во полуфиналето на плејофот за Светското првенство во Катар

Фудбалската репрезентација на Македонија ги доби ривалите за баражот за пласман на Светското првенство во Катар. Денешната ждрепка во Цирих...

Досие