Македонија
Продолжува судскиот процес против Шиповиќ за случајот „Претседавач“
Мирослав Шиповиќ и уште единаесет други обвинети во четврток во 10 часот повторно ќе се најдат на обвинителната клупа во Основен Суд Скопје 1 за каде е закажано продолжението на судскиот процес за случајот „Претседавач“.
Во првото рочиште претседателот на Советот на општина Центар во случајот „Машинопромет” тврдеше дека не направил никаква злоупотреба на службената позиција како претседател на управниот одбор на фирмата.
Се бранеше дека ниту тој ниту некој друг од останатите 11-мина обвинетите се стекнал со имотна корист од еден милион евра, ниту пак е направена штета на државата од 17 милиони денари.
Судскиот процес за случајот „Претседавач” почна на 27 февруари, а Шиповиќ беше уапсен на 15 октомври на аеродромот во Виена на враќање за Македонија од САД.
Тој и единаесет други лица, меѓу кои и неговиот брат, се товарат дека направиле злоупотреби во „Машинопромет” и финансиски криминал од 1 милион евра.
Во својата одбрана на првото рочиште Шиповиќ истакна дека неговата фирма го откупила долгот на Машинопромет кон Поштенска банка само за да не се отвори стечајна постапка, а исто така тврдеше и дека членовите на управниот и надзорниот одбор не добивале ни паушал за нивната работа./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.