Македонија
Паскали: Македонија е на добар пат со политика за долгорочни цели и визии
„Македонија и понатаму ќе има клучна улога на Балканот – географски добро поставена со култура која ги идентификува само Македонците. Важно е да се нотираат добрите политички одлуки на Владата и премиерот Груевски, особено во делот на зближување и градење добри односи со Кина, Индија и со Русија“, истакна американскиот аналитичар, Умберто Паскали, за програмата „Гласот на народот“.
Според Паскали, политиката на Груевски е со долгорочни цели и визии. Неговото однесување било и се уште е пример за многу други лидери, а неговиот оптимизам и активизам се предизвикувачки.
Американскиот аналитичар истакнува дека Македонија оди во добар правец и дека политичко лидерство, предводено од премиерот Никола Груевски, има доста постигнувања кои ќе бидат основа за понатамошна доверба од граѓаните, додавајќи дека Македонија може да биде горда на ваков политичар.
Паскали смета дека граѓаните на престојните претседателски избори поддршката треба да ја дадат за актуелниот претседател Ѓорѓе Иванов поради неговата професионалност, но и промоцијата на културата, хуманоста и идентитетот на Македонија.
„Неговиот интелектуален и човечки талент, неговата способност да создаде пријатели насекаде низ светот и да и даде лице на културата, историјата и хуманоста на Македонија. Лидери како овие го создаваат богатството на земјата, нивната политичка храброст ги одвлекува и им создава бес на оние кои сакаат да ја дестабилизираат земјата”, вели Паскали.
Според Паскали, Европската унија го покажа вистинското лице, во случајот со Украина. Тој тврди дека заедницата била клучниот спонзор на државниот удар и на насилството во Украина, но, вели дека Европа и САД во никој случај нема да сакаат војна. Владите на сите тие држави, според него, не се суверени туку управувани од финансиските центри на Волстрит и тие во Лондон.
„Некомпетентните водачи на меѓународната заедница изгубија секаква смисла и го фрлија оружјето на социјална дестабилизација, вооружена инвазија – направија фашистички марш во Киев, како тој на Мусолини во Рим, кој беше насочен кон рускиот народ. Беа со цел да и се даде на Русија третман како Либија, и тоа не го правеа тајно. По изјавите дадени од страна на Џорџ Буш до Михаил Горбачов дека НАТО не може да се користи за притисок кон Исток, сега американската Влада го направи токму тоа и кон руска територија”, вели Паскали.
Тој додава дека токму поради тоа западните дипломати веднаш побрзале да го признаат легитимитетот на новата Влада и да го поддржат Јацењук, кандидатот на Викторија Нуланд како нов премиер додека членовите на Парламентот биле брутално претепани на улица, нивните куќи нападнати, нивните семејства тероризирани, за наводно да се обезбеди нивната поддршка за демократскиот процес.
Сепак, Паскали тврди дека нападот кон Киев не бил своевидна војна против Русија туку всушност војна кон Европа.
Најважната точка, е дека оваа војна и политиката на грабеж не е во интерес на Европејците, па дури и на Американците, истакнува американскиот аналитичар Умберто Паскали за програмата „Гласот на народот”./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лукаревска: Од целосно заборавени, домашните претпријатија ги поддржавме со 100 милиони евра, ќе ја дуплираме поддршката
Се радувам што граѓаните и луѓето од бизнис заедницата се искрени и отворени. Разговараме без задршка, без страв, тоа е придобивка од слободата. Сакаме да создаваме партнерства во градењето на европската иднина. Ќе останеме заедно и заедно ќе ги решаваме предизвиците кои што нема да бидат ниту малку ниту лесни. Европската агенда е напорна, бара вклученост на сите, но тоа е најдобриот и најефикасниот начин секој ден работите да ги подобруваме, за да ги достигнеме европските стандарди, рече Лукаревска, носителката во ИЕ3 на СДСМ и Коалицијата за европска Македонија пред новинарите во Кочани.
-И до сега многу работевме за да бидеме конкурентни. Многу вложивме во зајакнувањето на домашните компании. Од целосно заборавени, без никаква финансиска поддршка, ние ги поддржавме со 100 милиони евра. Ќе продолжиме и во следните четири години, зашто тоа е важно и за компаниите и за сигурноста на вработените. Во наредниот мандат домашните компании ќе ги подржиме со 180 милиони евра. Поддршката ќе биде дуплирана. Заедно, партнерски со нив, ќе продолжиме да ја јакнеме домашната економија со јавни инвестиции од 3,5 милијарди евра.
Лукаревска истакна дека дел од овие средства ќе бидат вложени и во праведна енергетска транзиција и енергетска независност.
-Домашното производство на електрична енергија ќе го зголемиме за 70%. Со тоа државата ќе постигне енергетска независност, и самостојно ќе задоволува 100% од сопствените потреби за струја. И тоа главно од гас и од чисти и обновливи извори. Рековме НЕ за малите хидроцентрали и за сите фосилни технологии кои ни ги загадуваат воздухот и почвата.
Сето ова е продолжување на нашата досегашна работа, зашто тоа е важно за стабилноста и за нашата европска иднина.
Не се откажуваме, ќе го задржиме континуитетот, зашто немаме време за губење. Важни се овие избори за да ја славиме победата за европска Македонија, рече Лукаревска во Кочани
Македонија
Митрески: Ги зголемуваме субвенциите за енергија на 120 илјади денари за домаќинства, ранливите потрошувачи ќе добијат поголема поддршка
„Енергетската независност на Македонија е значаен приоритет за СДСМ и за Коалицијата за европска Макединија. И во време на најголемата енергетска криза, граѓаните не го почуствуваа недостатокот на светскиот пазар, затоа што водевме мудри политики и обезбедивме енергија за целата држава. Во наредниот мандат гарантираме зголемување на вкупното домашно производство на енергија за најмалку 70 проценти во однос на 2019 година, со што ќе бидеме енергетски независни“, изјави Јован Митрески, носител на ИЕ 5 за СДСМ и Коалицијата за европска Македонија.
Тој најави дека во наредниот мандат ќе биде зголемен капацитетот на обновливи извори на енергија за најмалку 100 проценти, а еден милион граѓани ќе добиваат енергија од обновливи извори.
„Ги зголемуваме субвенциите од 80 илјади на 120 илјади денари за домаќинства, ги зголемуваме мерките за заштита на правата на ранливите потрошувачи на енергија. Воведуваме забрана за изградба на нови мали хидроцентрали“, додаде тој.
Митрески најави и дека ќе продолжи поддршката на бизнисите, преку 180 милиони евра директна финансиска поддршка на домашните компании за инвестиции во производството и 3,5 милијарди капитални инвестиции и гарантираме стабилна даночна политика.
„Воведуваме 0 проценти данок на личен доход за минимална плата, како и по 200 евра за во првите 12 месеци за секое прво вработувањ на лица до 26 години. Планираме инвестиции од над 2,7 милијарди евра, за модернизација на инфраструктурата во сите општини, квалитетна инфраструктура е предуслов за растечка економија и повисок животен стандард“, додаде Митрески.
Македонија
Сајкоски: Во програмата „Платформа 1198“ за Битола предвидено е изградба на обиколница што ќе ја поврзува со Грција
Битола и битолчани ќе бидат во фокусот на идната влада предводена од ВМРО-ДПМНЕ.
За Битола се предвидени многу инфраструктурни проекти. Во новата програма „Платформа 1198“ за Битола е предвидено да се изгради обиколница што ќе ја поврзува со Грција. Предвидено е да се изгради автопат кој што ќе поврзува Битола со Прилеп, а исто така предвидено е да се изгради патот Градско-Прилеп, со тоа што Битола ќе биде поврзана инфраструктурно и ќе има добра можност за економски развој, рече Ѓорѓија Сајкоски, генерален секретар на ВМРО-ДПМНЕ и носител на изборна единица 5.
Исто така, додаде Сајкоски, предвидено е реконструкција и рехабилитација на патот Кичево-Охрид, подобрување на патната инфраструктура кон Ресен, а во програмата на ВМРО-ДПМНЕ „Платформа 1198“ предвидено е подобрување на железничката инфраструктура.
Како што рече Сајкоски, со ова, Битола ќе добие можност за економски раст и развој, можност за подобра иднина на сите, и за младите и за возрасните.
– Битола ќе го добие процутот онаков каков што треба да го има низ годините. Битола ќе биде економски центар во регионот, рече Сајкоски.