Македонија
Докторите ќе посетуваат обуки за подобрување на комуникациските вештини
Унапредување на хоспиталната култура и подобрување на комуникацијата на здравствените работници со пациентите е целта на новите обуки што ќе бидат организирани во јавните здравствени установи во текот на следниот период, а почнувајќи од 11 јули во болниците во Скопје.
Како што информираше министерот за здравство, Никола Тодоров, организирањето на ваквите обуки произлегува од потребата за изградба на концептот на пациент-центричен здравствен систем кој до сега не бил имплементиран во Македонија, а кој го става пациентот во центарот на вниманието.
„Министерството за здравство започнува со едукација на здравствените работници во ЈЗУ со цел да придонесе кон постојано унапредување на хоспиталната култура во Република Македонија, а со тоа и кон зголемено задоволство на пациентите”, соопшти Тодоров на прес-конференција во понеделник и додаде дека обуките ќе ги опфатат како постојано вработените и нововработениот медицински персонал така и административно-техничкиот персонал.
Од 11 јули обуките ќе започнат во болниците во Скопје и ќе опфатат 300 учесници, а истата ќе трае три денови. Обуките ќе ги спроведува тим на експерти за комуникација во областа на здравството, а нивна главна цел е подобрување на комуникациските вештини на здравствените работници од различни профили.
„Особено внимание на обуките ќе биде посветено на аспектите на ефективна комуникација, развивање на комуникациски вештини, идентификување на потребите на пациентите и техники на совладување на комуникациските бариери. Предвидени се и предавања на теми од аспектот на емпатија со пациентите и нивните блиски, градење на односи на меѓусебна доверба и разбирање, значењето на невербалната комуникација, а воедно и примена на етичкиот кодекс на однесување во комуникацијата со пациентите”, појасни министерот.
Во текот на наредниот период планирани се 20 обуки во Охрид, Битола, Штип и Велес, со што ќе бидат опфатени илјада здравствени работници.
Тодоров нагласи дека МЗ во наредниот период ќе биде фокусирано на овој сегмент од здравството и дека за четири до пет години ќе може да се констатира дека Македонија има комплетно трансформирана организациска култура во јавното здравство.крај/мф/сд/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ковачки ги повика неопределените да гласаат: „ Да се обединиме околу идејата за Македонија повторно твоја“
Народот е подготвен и обединет за промени, приклучете се кон ВМРО-ДПМНЕ за да ја поразиме оваа ненародна и криминална влада на СДС и ДУИ, порача Драган Ковачки, член на ИК на ВМРО-ДПМНЕ и носител на изборна единица 3.
„Денеска сме во Кратово, Ранковце и Крива Паланка. Тука сме да презентираме проекти од Платформата 1198, ќе поразговараме со сите граѓани. Ги повикувам сите граѓани кои сеуште не се определиле и кои што ја чувствуваат позитивната енергија која што доаѓа од ВМРО-ДПМНЕ, да се обединиме околу идејата за Македонија повторно твоја, да се обединиме околу проблемите“, рече Ковачки.
Како што додаде вчерашниот митинг во Охрид покажал дека народот е подготвен и обединет за промени, а ВМРО-ДПМНЕ е партија за македонско национално единство.
Македонија
Успешна сложена дентална операција – изведена транспозиција на нерв
Вчера, успешно заврши сложениот хируршки зафат – транспозиција на нерв на пациент од земјата.
Оваа комплексна техника ја изведе искусен хируршки тим под водство на професор Мазен Тамими од САД, роден во Јордан.
Интервенцијата се изведе во присуство и во приватната специјалистичка ординација на реномираниот орален хирург и имплантолог од овие простори – Дијана Бојковска. Пациентот е во стабилна состојба, се чувствува добро, но претстои период на целосно заздравување по извршување на операцијата поради прилично атрофираната долна вилица.
Видеоприказ од интервенцијата ќе биде емитуван во рамките на меѓународниот имплантолошки конгрес, кој почнува денес во хотелот „Хилтон“ во Скопје, а ќе трае до 20 април. Напредната хируршка техника првпат ќе биде споделена со пошироката стручна јавност од земјата, но и од светот, бидејќи на конгресот ќе учествуваат врвни стоматолози, орални и максилофацијални хирурзи од четири континенти.
Дигитализација во стоматологијата и новите трендови во имплантологијата се дел од темите што ќе бидат во центарот на вниманието на овој конгрес. Конгресот предвидува теоретски, практичен дел и презентирање напредна хируршка техника во делот на имплантологијата.
Еминентни стоматолози специјалисти од Македонија исто така ќе земат активно учество на конгресот: д-р Митко Франгов, орален хирург и меѓународно лиценциран имплантолог, д-р Златко Вршковски, максилофацијален хирург и меѓународно лиценциран имплантолог, д-р Недим Касами, максилофацијален хирург и имплантолог, д-р Петар Вршковски, орален хирург и имплантолог, д-р Дијана Бојковска, орален хирург и имплантолог.
Во Македонија првпат стоматолозите учесници на конгресот ќе бидат дел од меѓународно акредитирана имплантолошка едукација и ќе добијат CME – европски кредит-поени.
Македонија
МОН известило дека деновите на изборите ќе се одработуваат во две саботи, а на 15 јуни и часовите пропшуштени поради самитот на ОБСЕ
Министерството за образование и наука (МОН) ги известило училиштата дека неработните денови на одржување на изборите ќе се одработат во две саботи, односно на 18 мај и 1 јуни, објави претседателот на Самостојниот синдикат за образование и култура (СОНК), Јаким Неделков.
Во дописот што го објави Неделков стои дека причината е за да се исполни одредбата од законот, со кој учебната година се остварува во 180 наставни дена, а притоа да не се продолжи учебната година.
МОН, покрај тоа, ги задолжува основните училишта во град Скопје на 15 јуни да ги одработат и пропуштените часови од 30 ноември лани, кој беше неработен ден поради одржувањето на министерскиот совет на ОБСЕ.
Неделков побара од министерот Јетон Шаќири веднаш да го повлече известувањето до училиштата.
„Од кога неработните денови преку ноќ стануваат работни? Министерот за образование веднаш да го повлече известувањето до училиштата, со кое се задолжуваат да ги одработат ‘неработните’ денови прогласени од Владата поради одржувањето на претстојните избори! Впрочем, и други учебни години завршувале и биле верифицирани од страна на министерот со помалку од 180 работни дена, како, на пример, учебната 2021/2022 година“, напиша Неделков на „Фејсбук“.
Владата, претходно, ги прогласи за неработни за сите граѓани деновите на одржувањето на изборите, 24 април и 8 мај.