Македонија
КБ не дозволува да биде вплеткана во нечесни игри околу „Сведмлк“
Комерцијална банка денеска остро реагираше по повод одредени изјави, во кои банката е посочена како најголем виновник за неисплатата на долгот од
Комерцијална банка денеска остро реагираше по повод одредени изјави, во кои банката е посочена како најголем виновник за неисплатата на долгот од „Сведмилк кон фармерите“.
Ваквите изјави и коментари не одговараат на реалноста. Заради заштита на својот углед и реноме и да не дозволи да биде вплеткана во нечесни игри, Комерцијална банка ја објавува хронологијата на настаните поврзани со „Сведмилк“, се вели во реакцијата.
На 26.05.2008 година, Комерцијална банка му одобри на „Сведмилк„ краткорочен кредит. Со оглед на тоа што и покрај пролонгирањето на обврските „Сведмилк„ не го враќаше кредитот, Комерцијална банка на 01.12.2008 година, ја блокираше жиро сметката на „Сведмилк„ заради наплата на своето побарување.
Подоцна банка изразила согласност да ја деблокира сметката на „Сведмилк„ за период од 6 месеци, но само доколку претходно сите банки и доверители се согласат да потпишат Спогодба, со која и после 6 месеци и го признаваат на Комерцијална банка првиот приоритет во наплатата.
Иако, предлогот бил оценет како коректен на средбата, на која присуствувале претставници на тогаш потенцијалниот купувач „Феникс Енереџи“, заменик министерот за земјоделие и претставници на сите банки – кредитори, Спогодбата не е потпишана.
Според тоа, Комерцијална банка не е виновна што новиот сопственик на „Сведмилк„ не си ги извршува своите обврски и не крши никаков договор или Спогодба, затоа што и покрај понудата од Банката таква Спогодба се уште не е потпишана од „Сведмилк„ и доверителите, се вели во соопштението.
Воедно Комерцијална банка демантира дека има никаков бизнис или политички интерес, туку единствено бара да и се вратат парите од кредитот, исто како што и млекопроизводителите си ги бараат парите за своето продадено млеко.
На крајот би сакале да ја известиме јавноста, дека заради изречените невистини и клевети кон Комерцијална банка и заради тоа што понудената спогодба се уште не е прифатена, Комерцијална банка ја повлекува понудата за потпишување на Спогодбата.
Жиро сметката на „Сведмилк„ ќе остане блокирана од страна на Комерцијална банка се` до целосна наплата на нејзиното побарување, стои во соопштението. /крј/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонски концепт: Ја поздравуваме одлуката на кандидатот Пендаровски да го истрча и вториот круг
Колку беше важна победата на кандидатката Гордана Силјановска Давкова во првиот круг, толку е важна одлуката на кандидатот Стево Пендаровски да го истрча и вториот круг и да не ги бојкотира претседателските избори, велат од Македонски концепт.
„Бојкот никогаш не бил решение, ниту на Референдуми, ниту на Попис на население, ниту пак на Избори. Мора да се почитува волјата на народот и да биде мирно предадена власта на победничката Коалиција „Твоја Македонија“, предводена од ВМРО ДПМНЕ, а чиј дел е и нашата партија Македонски Концепт.
Партијата Македонски Концепт честита на огромното водство на кандидатката Гордана Силјановска Давкова, што е резултат на нашите политики за обединување на опозицијата, нешто што го депласираше и детронизирање ДУИ и нивните сдса измеќари, а со цел уште поголема победа во вториот круг на 8ми Мај, повикуваме на уште поголемо обединување и окрупнување на Коалицијата „Твоја Македонија“ со останати добронамерни политички партии и членови и симпатизери на останати партии, чии водства се платеници на ДУИ, но нивните поддржувачи се искрени Македонци и искрено се радуваат на оваа голема македонска победа.
Македонски Концепт го реафирмира својот став за граѓански концепт на Уставот на државата и ги повикува сите македонски граѓани, без разлика на етничка, верска, партиска или друга припадност, да се вклучите во нашите активности и на 8ми Мај да дадете поддршка на Коалицијата „Твоја Македонија“ и број 2 на гласачкото ливче и за претседателски и за парламентарни избори“, велат од партијата.
Македонија
ВМРО-ДПМНЕ: Народот избра промени, да излеземе уште помасовно на 8. мај
Огромната поддршка обврзува за промени и брзи резултати, да излеземе уште помасовно на 8-ми мај, а потоа следува економска трансформација на Македонија, порача ВМРО-ДПМНЕ по првиот круг од претседателските избори.
„Народот избра промени. Македонија повторно ќе биде горда и твоја.
Огромната поддршка на народот обврзува за промени и брзи резултати, работата не е завршена, црвениот картон граѓаните ќе го дадат на 8-ми мај.
На 8-ми мај СДС ќе доживеат уште поголем пораз, затоа што народот сака промени, и просперитет за Македонија.
ВМРО-ДПМНЕ се обврзува на напорна работа и експресни резултати по 8-ми мај, народот мора брзо да ги почувствува промените и Македонија да тргне напред.
По 8-ми мај Македонија ќе тргне по патот на економска обнова, поголеми плати и пензии, развиена инфраструктура, квалитетно образование, здравство какво што заслужува секој човек. По 8-ми мај следува економска трансформација на Македонија.
Ги повикуваме граѓаните уште помасовно да излезат во вториот круг и да ги потврдиме промените. Народот ќе си ја врати Македонија.
Македонија повторно твоја“, се вели во соопштението на ВМРО-ДПМНЕ.
Македонија
Силјановска убедливо пред Пендаровски во првиот круг со 40 наспроти 19,93 отсто од гласовите
Кандидатката за претседател поддржана од ВМРО-ДПМНЕ и коалицијата, Гордана Силјановска со убедливо водство влегува во вториот круг од претседателските избори, каде како и во 2019 година ќе се соочи со нејзиниот опонент Стево Пендаровски.
Според пребројани 99,85 отсто од гласовите, Силјановска освои 362.682 гласа, или 40,08 отсто, додека Пендаровски првиот изборен круг го завршува со 180.306 гласа, односно 19,93 отсто.
Зад нив е Бујар Османи од Европскиот фронт со освоени 120.903 гласа (13,36 отсто), потоа Максим Димириевски од ЗНАМ со 83.787 гласа (9,26 отсто), Арвен Таравари од ВРЕДИ со 83.356 гласови (9,21 отсто). Следна е Билјана Ванковска од Левица со освоени 41.172 гласа (4,55 отсто) и Стевчо Јакимовски од ГРОМ со 0,90 отсто, односно 8.103 гласови.
Вториот круг од претседателските избори ќе се одржи на 8 мај, заедно со парламентарните.