Македонија
ЕУ да почне преговори со Македонија, членство во 2018
Оптимизам дека Европскиот парламент ќе поддржи отворање преговори со Македонија за членство во ЕУ изрази известителот за земјава, Ерик Меер
Оптимизам дека Европскиот парламент ќе поддржи отворање преговори со Македонија за членство во Европската унија изрази известителот за земјава, Ерик Меер.
Наспроти мислењето на министрите за надворешни работи на ЕУ, кои досега сакаа да го одложат почетокот на преговорите со Македонија, која чека од 2005 година, сега постои ситуација, во која преговорите може да почнат, рече европарламентарецот од Холандија, чиј документ ЕП треба да го разгледа идната недела.
Дури и ако преговорите почнат многу скоро ќе биде потребно време до 20017/18 година, пред земјата да влезе во Унијата, а во меѓувреме сите останати прашања, особено со соседна Грција ќе треба да бидат решени, рече Меер.
Според него името не проблем за повеќето земји членки и за мнозинството во ЕП, но е „особен проблем за една од земјите членки или веројатно за Грција и Кипар заедно“, кои можат да го направат цврст услов за прием.
Двете земји можат да стават вето на почетокот на преговорите, на отворањето, нови поглавја или на конечниот резултат, рече Меер, прецизирајќи „заедно може да стават вето 61 пат“.
Земја кандидат треба да биде свесна дека може да влезе во ЕУ и НАТО само ако сите земји се согласат со тоа, ако некој има било каква причина за да не ве примат, вие ќе останете надвор, тоа е реалноста во овој момент, истакна европарламентарецот.
Евроамбасадорот Ерван Фуере на форум во Скопје порача дека Македонија треба да се осигура дека изборите ќе се одржат согласно највисоките стандарди, што ќе биде позитивна порака за земјата и политичката атмосфера
Остануваат осумте бенчмаркови за препорака за отпочнување преговори, но значајно е изборите да поминат во добрата атмосфера, рече Фуере истакнувајќи дека со тоа ЕК ќе има причина повеќе да даде позитивна оценка
Македонскиот вицепремиер задолжен за ЕУ, Ивица Боцевски рече дека напорите на владините институции се да обезбедат услови изборите да течат во мирна атмосфера../крај/мс/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Герасимовски: Конечно, Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.
Македонија
Петровска: Судот донесе одлука дека Ковачки неправедно ме клеветел
Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки, неправедно ја клеветел.
„Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел да ми го наруши угледот и честа во очите на јавноста, Овој е само еден од низата примери на неодговорно, нечесно и валкано однесување на политичката сцена од страна на Ковачки“, пишува Петровска.
Во продолжение таа додава дека не сака пари од нечесник и се откажува од паричниот надомест.
„Секој го прави тоа што најдобро го знае, тие со лагите, јас со труд и одговорна и чесна работа“, додава Петровска.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.