Македонија
Позитивен пресврт на Македонска берза
По периодот на опаѓање на индексите, конечно малку оптимизам на Македонска берза
По периодот на опаѓање на индексите, конечно малку оптимизам на Македонска берза. Индексите во денеска беа во мал пораст, следејќи го трендот на европските индекси кои вчера се движеа во нагорна линија, со исклучок на лондонскиот ФТСЕ кој беше во негатива.
Македонскиот берзански индекс МБИ 10 заврши на 1,21 процент во позитива, односно на 1.617,82 индексни поени. Индексот на јавно поседувани друштва порасна за 0,51 процент, а индексот на обврзниците забележа раст од 0,02 проценти.
На пазарот на капитал денеска беше остварен промет од 14.611.080,07 денари кој се оствари од 131 трансакции.
На Официјалниот пазар се реализира промет од 10.915.240,07 денари од 105 трансакции, а остатокот од 3.695.840,00 денари се оствари на Редовниот Пазар.
Први по обем на тргување на Официјалниот Пазар беа акциите на Комерцијална банка Скопје, кои при денешното тргување пораснаа за 2,44 проценти. Се истргуваа 2.153 акции, се тргуваа по цена од 2.054,06 денари по акција и при тоа вредноста на тргување со нив изнесуваше 4.422.390,00 денари.
Втори по обемот на тргување на Официјалниот Пазар беа обврзниците од шестата емисија од денационализација. Се истргуваа 44.002 обврзници по просечна цена од 83,94 проценти од номиналната вредност, односно забележа раст од 1,13 проценти по акција.
Вкупниот остварен промет со овие хартии од вредност изнесуваше 2.268.169,08 денари.
Трети по висина на промет на Официјалниот Пазар беа акциите на Алкалоид Скопје. Се истргуваа 294 акции по просечна цена од 2.538,90 денари по акција, односно забележа раст на цената од 2,13 проценти. Вкупниот промет со овие хартии од вредност изнесува 746.436,00 денари.
На Редовниот Пазар како најтргувани акции беа акциите на Прилепска Пиварница, кои се тргуваа по цена од 5.000,00 денари, исто како и при тргувањето во вторникот.. Се истргуваа 450 акции, а се оствари промет од 2.250.000,00 денари.
Втори по обем на тргување на овој пазар беа акциите на Македонски Телеком кои се тргуваа по цена од 327,74 денари по акција, се истргуваа 3.100 акции, а вкупниот промет со нив изнесуваше 1.016.000,00 денари.
Нагорна промена на овој Пазар забележаа акциите на Арцелормиттал (ХРМ) Скопје, кои се тргуваа по цена од 60,00 денари за акција, односно беше регистриран раст од 11,11 проценти во однос на минатите тргувања со овие акции. Се истргуваа 700 акции, а прометот со нив изнесува 42.000,00 денари.
Пет најтргувани хартии од вредност
1. Комерцијална банка Скопје
2. Р.Македонија-денационализација 06
3 Алкалоид Скопје
4. Прилепска Пиварница
5. Македонски Телеком
Хартии од вредност со најголем пораст
1. Арцелормиттал (ХРМ) Скопје 11,11 %
2. Идевелоп Скопје 7,97%
3. Македонски Телеком 6,39%
4. Комерцијална банка Скопје 2,44%
5. Алкалоид Скопје 2,13%
Хартии од вредност со најголем пад
1. Комерцијална банка Скопје-приоритетни 69,30%
2. Попова Кула Демир Капија 8,79%
3. Ф-ка за цевки 11 Октомври Куманово 5,00%
4. Скопски Пазар 2,32%
5. Жито Лукс Скопје 1,37%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Османи: Европскиот фронт е голема идеја чие време е дојдено
Кандидатот на Европскиот фронт, Бујар Османи, вечерва на митинг пред граѓаните на Кичeво изрази благодарност до лидерите на Европскиот фронт и коалицијата која, како што вели Османи, е продолжение на битките во континуитет една по една, за разбивање на замоците на етничките монополи.
„Европскиот фронт не е политичка партија. Европскиот фронт не е ни коалиција на политички партии, Европскиот фронт е голема идеја. Тоа е одлична идеја чие време дојде, лавина што ги собра соништата на секој граѓанин на оваа земја, за еднаквост, за правда и просперитетен живот во ЕУ. И ова го гледам како ентузијазам, како насмевка во секое населено место каде што одам, бидејќи Европскиот фронт е трета унија, но сега со малку поинаква димензија“, истакна Османи.
Кандидатот на Европскиот фронт, Османи понатаму истакна дека останува уште едена последна тврдина на етничкиот монопол.
„Тврдината која нè загрижува сите и секогаш ни го дава тој сигнал дека се уште не е сè како што треба, сè уште нема еднакви можности за сите, таа е тврдината на првиот претседател. Значи, браќа и сестри, се натпреварувам, на 24 април да ја разберете тежината на оваа мисија, дека вашиот глас не е само за мојата кандидатура, вашиот глас, вашата поддршка е за да ја разбиете последната тврдина на етничкиот монопол и за заокружување на еднаквоста на сите заедници во нашата заедничка држава“, заклучи Османи.
Македонија
Таравари: Ќе ја вратиме некогашната репутација на Куманово и Липково
Ќе ја вратиме некогашната репутација на Куманово и Липково. Ќе го поврземе Куманово со Гњилане и Прешево, ќе инвестираме во агробизнис, грантови и земјоделци Ќе ги поврземе Куманово со Гњилане и Прешево, ќе инвестираме повеќе во агробизнисот, во грантови за земјоделците и во економски развој за да ја вратиме некогашната репутација на земјоделството и производството на регионот на Липково и Куманово. Ова беа дел од пораките кои претседателскиот кандидат Арбен Таравари ги испрати вечерва од општина Липково. Оваа општина ја донесе ДУИ на власт а како награда добива само штета, неправда и лошо владеење.
„Наместо да се привилегира и развива овој регион кој некогаш важеше за кризен регион, лошото владеење на ДУИ го втурна во повеќекратни кризи. Економска и земјоделска криза, невработеност и миграциска криза, но и безбедносна криза и монтирани случаи. Никој повеќе од жителите на овој крај не ги почувствувал последиците од лошото владеење на ДУИ“, нагласи Таравари во својот говор.
Но, според него, оваа состојба ќе заврши со гласот на самите граѓани, кој ВРЕДИ и ќе ја донесе долгоочекуваната промена.
„Ќе донесеме повеќе правда, прво за политичките монтирани случаи, каде што ќе се заложиме за правда и обештетување за оние Албанци кои неправедно се држат во затвор. Никогаш не го забораваме војникот на слободата и жител на овој крај, Реџаил Ќерими, кој неправедно беше држен во затвор 13 години и почина во ќелијата кога отворено се знаеше дека нема врска со она за што го обвинуваа, изјави Таравари.
Меѓу другото, Таравари од Липково повтори дека со доаѓањето на ВРЕДИ на власт ќе се забрани коцкањето, а ќе се простат и долговите од фирмите за брзи кредити кои исто така рече дека ќе се затворат.
Македонија
Кои се седнатите на софра со најголемите криминалци од Грчец, Шиша бар, со оние од убиствата во Ханиоти, прашува Силјановска-Давкова
Ги нема сликите низ весниците кои се најдобар доказ, бидејќи сликите понекогаш повеќе кажуваат од зборовите, за тоа кој е кој во ова корупциско и криминално гнездо, вели професорката Горданa Силјановска -Давкова вечерва од Велес.
„Колку претседатели сте виделе, колку премиери сте виделе, колку министри за внатрешни работи сте виделе седнати на софра со најголемите криминалци од Грчец, Шиша бар, со оние од убиствата во Ханиоти? Може да се сликате со некого на улица, ама на софра да бидете тоа значи дека сте во спрега. Значи, во право е претседалот на ВМРО-ДМПНЕ кога вели дека, не само со чинење, не само со криминални активности, туку и со замижување пред криминалот и корупцијата вие сте соучесник во нив, посочи Силјановска Давкова и додаде:
„Во овие избори има нешто специфично, до ѕидот сме доведени. Вие заслужувате власт соодветна на вашето достоинство, власт од којашто нема да се плашите и срамите, туку ќе се гордеете“, порача вечерва од Свети Николе, кандидатката за претседател на државата, поддржана од ВМРО – ДПМНЕ и коалициските партнери