Македонија
Македонци развија прва мултиплатформска апликација за вежбање во светот
Прва во светот мултиплатформска апликација за вежбање, наменета за мобилни телефони, деновиве изработија група македонски програмери
Прва во светот мултиплатформска апликација за вежбање, наменета за мобилни телефони, деновиве изработија група македонски програмери.
Апликацијата наречена SportyPal го поврзува активниот спортски живот на современиот човек со неговите секојдневни комуникациски потреби. Мошне практичната програма овозможува непречено спортување во природа а при тоа корисникот останува поврзан со неговото деловно и приватно окружување.
SportyPal е дело на групацијата CreationPal, која ја сочинуваат млади успешни македонски програмери, кои за Макфакс, откриваат дека македонските граѓани ексклузивно наскоро бесплатно ќе може да ја користат апликацијата, истовремено кога таа ќе биде промовирана на светскиот пазар.
„Од Македонија во светот многу малку излегува комерцијален софтвер за персонална употреба во светски рамки“, потенцираат од CreationPal, појаснувајќи дека промоцијата на оваа апликација има за цел да ја претстави Македонија како земја која по технолошките иновации може да се носи и со најразвиените земји.
Апликацијата, која освен на повеќето светски јазици е преведена и на македонски, е едноставна за користење и има одличен дизајн, а е наменета за луѓе кои сакаат да спортуваат, се грижат за своето физичко здравје, како и за професионални спортисти.
Апликацијата, може да ја содржат сите мобилни телефони што поддржуваат GPS, поради што таа поседува и многу прецизна мапа, која на корисникот му овозможува увид во движењето.
Творците на апликацијата откриваат дека благодарение на мобилниот телефон, човекот додека вежба има увид во своите медицински параметри и постигнати резултати, кои потоа благодарение на поврзаноста на апликацијата со интернет, може да ги сподели со пријателите.
Идните планови на младите програмери се програмата да се доразвие во интелигентен тренер, како и да се поврзе со сајтови за разновидни диети, кои дополнително би му помогнале на корисникот да живее здрав живот благодарение на технологијата.
Слична апликација, но во многу поедноставна форма, на светскиот пазар од поголемите компании, има развиено единствено Нокиа, со тоа што се работи за програма која ја поддржуваат само нејзините телефони.
„Тимот е многу задоволен заради тоа што во рекордно време, за помалку од шест месеци, успеаја да направат платформа за сите телефони, кои се интегрирани преку заедничка WEB апликација“, додаваат од CreationPal, од каде при тоа откриваат и дека идејата за апликацијата, освен што потекнува од потребата да се направи спој на корисното и актуелното, се темели и на желбата на младите програмери да се справат со технолошкиот предизвик./крај/мс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.