Македонија
Потреба од рестриктивни мерки за излез од кризата
Преставници на македонскиот бизнис сектор, владини институции и меѓународни организации се собраа да дадат предлози и идеи за надминување кризата
Релевантни преставници на македонскиот бизнис сектор, владини институции и меѓународни организации се собраа во средата да дадат предлози и идеи за надминување на кризата, која се повеќе се чувствува како последица на збиднувањата во светот.
Долго време се одбегнуваа јавни дебати за актуелната глобална финансиска криза и нејзините можни ефекти врз Македонија, а одредени изјави одеа во насока дека Македонија како мала земја нема да биде погодена од кризата, па дури и дека може да се извлече одредена полза од тоа.
За разлика од Македонија, повеќето земји во соседството, не само што организираа веднаш јавни дебати за кризата, туку формираа и кризни штабови.
За поздравување е организирањето на трибината под наслов „Пазарните економии под притисок – дали има светлина на крајот од тунелот?“, организирана од Фондацијата „Конрад Аденауер„ и Европската бизнис асоцијација.
Општа оценка на учесниците на вчерашната дебата е дека Македонија во оваа година најреално е да се очекува дека ќе оствари стапка на раст од еден процент.
Претставниците на бизнис заедницата ја искористија оваа можност да упатат апел до владата за преземање нови мерки за спас на стопанството.
Владата да направи сериозна анализа на целото стопанство при што треба да се утврди кои гранки најсериозно ќе бидат погодени од кризата и како тоа ќе се рефлектира врз стабилноста во државата, побара генералниот директор на штипска „Баргала“, Костадин Барзов.
Тој посочи дека текстилната и кожарската индустрија, како трудоинтензивни гранки го гарантираа социјалниот мир, бидејќи вработуваат над 60.000 лица.
Со цел да се задржи постојниот број на вработени во овие две гранки, Барзов директно побара да бидат ослободени од данок на добивка, да бидат ослободени од плаќање на камати за ненавремено платени придонеси, како да се издвојат стимулации и субвенции како што се прави во земјоделието.
Претставниците на банкарскиот сектор предложија владата да склучи аранжман со ММФ, како и да ја намали јавната потрошувачка.
„Би требало да се склучи соодветен аранжман со ММФ. Тој, би вклучил, освен рационализирање на јавната потрошувачка, мерки во областа на намалувањето на трговскиот дефицит и дефицитот во платниот биланс, за поскапување на луксузниот увоз, стимулирање на извозот, одржување и зголемување на девизните резерви и стабилен курс на денарот, “ рече Хари Костов, прв човек на Комерцијална банка.
Претставникот на ММФ за Македонија Берт ван Селм укажа на потребата од ребаланс на буџетот и намалување на расходите.
Министерот за финансии Трајко Славески истакна дека ќе биде сторено се’ за одбрана на стабилноста на денарот и за економската стабилност во државата.
Истовремено тој укажа на опасност дека Македонија може да влезе во период на дефлација и на стагнација.
Последните статистички податоци покажуваат поразителен пад од 33 насто на трговската размена на Македонија со странство во првите два месеци од годинава. /крај/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно со повремени врнежи од дожд, а на планините со повремен снег
Времето денеска ќе биде, променливо облачно со повремени врнежи од дожд, а на планините со повремен снег.
Локално, врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени.
Во Скопје променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени.
Од петок следува период на претежно стабилно и потопло време со пораст на температурите на воздухот.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.