Македонија
Македонија и Србија – Заедничките цели се поголеми од разликите
Македонија и Србија влегуваат во нова поквалитетна дипломатска фаза со заеднички интереси, пред сè, на процесот на евроинтеграции
Македонија и Србија влегуваат во нова поквалитетна дипломатска фаза со заеднички интереси, пред сè, на процесот на евроинтеграции, иако разликите за Косово остануваат.
Ова е оценка на македонскиот министер за надворешни работи Антони Милошоски по средбата во Скопје со неговиот српски колега Вук Јеремиќ, прва на високо државно по македонското признавање на независноста на Косово, што ги влоши односите Скопје-Белград.
Македонскиот министер посочи дека постојат разлики за одредени прашања од регионот, пред сè, за Косово, нагласувајќи дека „заедничките цели се поголеми од разликите“.
Српскиот министер за надворешни работи повтори дека Белград и Скопје немаат ист поглед кон статусот на Косово, ниту пак има доближување на ставовите.
„Но, треба да се сконцентрираме на она што не спојува, а не на она што не разделува“, рече министерот Јеремиќ.
Според него, двете држави треба да постигнат согласност со кое темпо, како и на кој начин ќе се движат кон Европската унија.
„Во овие тешки времиња потребна ни е најтесна соработка“, рече Јеремиќ
Македонскиот министер рече дека на средбата станало збор за „важни билатерални прашања за трговските, политички и културни односи“
Македонија веќе назначи нов амбасадор во Белград, откако Србија го протера претходниот поради признавањето на Косово./крај/ис/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Патот Штип-Кочани во прекин поради сообраќајка
Од 17:10 часот, поради сообраќајна незгода на патниот правец Штип-Кочани, сообраќајот е во прекин во една насока, информираат од АМСМ.
Македонија
Маричиќ: Имаме план за зелена Македонија во која граѓаните ќе станат акционери на енергетските компании
Секретарот за меѓународна соработка на СДСМ Бојан Маричиќ денес во изјавата за медиуми се обврза дека СДСМ и Коалицијата за европска иднина нема да се откажат од стремежот за енергетска независност и од зелена енергија.
Во своето обраќање посочи дека е време да се сопре со фосилните технологии.
Изјави дека постоечките енергетски капацитети на фосилни горива да ги трансформираме во соларни електрани кои произведуваат зелена енергија.
„Тој процес го продолжуваме со голема новина: Државните енергетски компании ги даваме во рацете на граѓаните! Граѓаните стануваат акционери во енергетските компании. Висок процент од вкупниот број издадени акции во државните енергетски компании ќе се поделат еднакво на граѓаните. Секој граѓанин, вклучително и децата, ќе добие по најмалку 8.000 денари од вредноста на енергетските компании или 500 евра за едно четиричлено семејство.
Нашиот план е производството на енергија да се зголеми за најмалку 70% за да ги задоволиме домашните потреби за струја. Во наредните четири години за 100% да се зголемат капацитете со обновливи извори на енергија да достигне 60% од вкупната потрошувачка во државата.“
Маричиќ во својата изјава потврди дека целта и програмата на СДСМ е иста со онаа на Европската Унија и Европскиот зелен договор кој предвидува нула штетни гасови од фосилни горива до 2050 година.
„Нашата визија е зелена Македонија како здрава животна средина за граѓаните. Чиста вода за пиење во секое населено место, одржливо управување со отпад и расчистување на дивите депонии. Пречистување на отпадните води за здрава почва за здрава храна.“
Македонија
Со полициски хеликоптер пренесен македонски државјанин од Унгарија до Скопје
Денеска (20.04.2024) по добиено барање од ЦУК, со полициски хеликоптер Бел-412 од Одделот за воздухопловни единици, од Сегедин, Унгарија до Скопје е пренесен македонски државјанин кој доживеал мозочен удар на 18 април за време на службен пат во Унгарија. Тој е пренесен на скопскиот клинички центар „Мајка Тереза“.
Oва е втор пат да се извршува ваков вид воздухопловен транспорт од Сегедин до Скопје со хеликоптер на Министерството за внатрешни работи, откако и на 11 април беше успешно реализирана ваква акција.