Македонија
Екстерни тестови ќе има, одговорноста за протестите врз директорите
Стандардизираните тестови водат во насока на подигање на квалитетот на образованието и на квалитетот на објективното вреднување на знаењето
Стандардизираните тестови водат во насока на подигање на квалитетот на образованието и на квалитетот на објективното вреднување на знаењето кај учениците.
Ова денеска го изјави министерот за образование и наука Перо Стојановски по повод неколку дневните протести на основците и средношколците пред Министерството за образование и наука (МОН), поради воведување екстерно тестирање.
Учениците од четврто до осмо одделение и средношколците од прва до трета година се изреволтирани од одлуката на Министерството тие да бидат опфатени со екстерно тестирање по одредени предмети, кое што има за цел да ја оцени објективноста на наставниците при вреднувањето на знаењето на учениците.
Според МОН, изгубените часови ќе мора да се одработат, а одговорноста за протестите ќе падне врз директорите на училиштата.
Апелирам директорите да си преземат мерки и да не дозволат неодржаните часови да се запишуваат, а со тоа и нереализираните работни денови да се сметаат како да се реализирани, порача раководителот на секторот за основно и средно образование при МОН, Љупчо Спасовски.
МОН денеска требаше да ги извести основните училишта за тоа по кои предмети и каде ќе бидат полагани екстерните тестови. Основците ќе дознаат в понеделник.
Според предвиденото, учениците од четврто до осмо одделение ќе бидат екстерно тестирани во периодот од 20. до 30. мај, додека средношколците од први до 10. јуни.
МОН на почетокот од оваа седмица ги ослободи единствено матурантите од екстерни тестови, кои откако дознаа дека е предвидено и тие да бидат опфатени со екстерното тестирање излегоа на масовни протести пред Министерството по што таквата одлука беше повлечена. Матурантите се обврзани да полагаат државна матура ./крај/ме/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.