Контакт

Македонија

Владата против манипулација на студентите

Објавено пред

Студентите да не бидат манипулирани од политички партии, туку да бидат глас за подобри услови за студирање на Државниот универзитет во Тетово

Студентите да не бидат манипулирани од политички партии, туку да бидат глас за подобри услови за студирање на државниот универзитет во Тетово.

Ова денеска го изјави заменик претседателот на македонската влада Абдилаќим Адеми по повод најавените протести за в четврток на студентите на ДУТ, јавува Макфакс.

Студентите се незадоволни од владината одлука за распределба на средствата за високото образование, со која за Универзитетот финансиите од 50 милиони денари се намалија за 10 милиони.

Адеми посочи дека владата досега има инвестирано многу во Државниот универзитет во Тетово и оти се уште инвестира, но истовремено побара одговорно менаџирање на средствата што се одвојуваат за ДУТ.

„Не можеме да дозволиме од средствата за универзитетот да се финансираат приватни фирми и да се збогатуваат фирмите на поранешниот ректор Сади Беџети“, вели македонскиот вицепремиер.

На новинарско прашање дали станува збор за отворена војна со ДПА, затоа што партијата го освои градоначалничкото место во Тетово, Адеми истакна дека Универзитетот треба да функционира одвоено од општина Тетово.

„Универзитетот има своја автономија. Се финансира од централниот буџет и надлежните институции мора да вршат инспекција за тоа како тие средства се трошат и ова не треба да се сфати како реваншизам или борба меѓу политички партии, туку како контрола како се трошат тие пари“, вели Адеми.

Инспекциите, според вицепремиерот, пронашле нерегуларности во работењето на ДУТ, за кои било наложено да се отстранат, меѓутоа при повторните инспекции било откриено дека проблемите се уште не се отстранети.

Тој потврди дека неколку стотици илјади евра се префрлени од сметката на ДУТ на фирми основани од семејството Беџети. За вицепремиерот овие трансакции се сомнителни./крај/амп/ил



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

(Видео) Зеќири ги повика пратениците од ВМРО-ДПМНЕ да го поддржат законот за одбрана

Објавено пред

Потпретседател на СДСМ и пратеник во Собранието, Мухамед Зеќири ги повика пратениците од ВМРО-ДПМНЕ да го поддржат Предлог законот за одбрана во кој, како што рече, се вградуваат принципите на колективна безбедност.

„Лицемерно е ВМРО-ДПМНЕ со денови да зборува за НАТО, а притоа да не сака да ги поддржи законските решенија што овозможуваат имлементација на НАТО стандардите во одбраната и безбедноста. Во тој контекст им порачувам на пратениците од ВМРО-ДПМНЕ да заборават на партискиот интерес, да престанат да ги кочат проектите што носат развој и напредок и да работат во интерес на граѓаните на Република Северна Македонија“, рече Зеќири.

Во врска со обвинувањата дека до Собранието се доставени голем број закони, Зеќири нагласи дека голем дел од законите за кои што треба да дискутираат и да гласаат на седницата на 11 декември се усогласување со Законот за прекршоци со кои се намалуваат казните за граѓаните.

„Поради расправата за Буџетот за 2020 година и директниот телевизиски пренос, изминативе две недели во Собранието не можеше да се одржува пленарна седница. Од тие причини, голем дел од законите што се во второ читање, како и новите предлози закони мораа да чекаат да бидат ставени на првата наредна пленарна седница откако ќе заврши комисиската расправа за Буџетот за наредната година. Истовремено, ние како парламентарно мнозинство имаме обврска и сме должни да ги усвоиме законите како дел од проектите што треба да ги реализираме, особено со почетокот на новата фискална година“, додаде Зеќири.

Прикажи повеќе...

Македонија

Васев: На Клиниката за онкологија набавени се нови 30 биолошки лекови

Објавено пред

Клиниката за онкологија и радиотерапија е обезбедена со иновативните биолошки лекови за онколошките заболувања. Триесет молекули биолошка, таргетирана и имунотерапија терапија се обезбедени преку централизирана набавка за следните 2 години, изјави Нино Васев, директор на Клиниката за онкологија и радиотерапија.

Првпат пациентите со онколошки заболувања, од повеќе видови рак, за белодробен карцином, таргетирана и имунотерапија), лекови за повеќе типови рак на дојка (HER2+, хормон позитивен и хормон негативен), метастатски меланом, (BRAF позитивен и за BRAF негативен), колоректален карцином, гинеколошки малигнитети, карцином на бубрег и други, ќе се лекуваат со биолошката и таргетирана терапија.

„Онкологијата драстично се измени последните години и оваа терапија е одговор на тие промени. Иновативната биолошка, моноклонална и таргет терапија е наменета за сите пациенти кои имаат потреба од лекување со ваков тип терапија. Станува збор за 30 нови биолошки лекови кои се исклучително скапи, а успеавме да ги обезбедиме за најголемиот број пациенти кои се со хемато-онколошки малигнитети. Досега оваа терапија беше достапна само за органичен број пациенти или, пак, набавувана со прекини, сега е веќе достапна за сите пациенти на кои им е неопходна. Овие лекови делуваат така што поттикнуваат малигното заболување да се трансформира во хронично со кое пациентите ќе може да живеат како со секое друго хронично заболување. На тој начин терапијата го продолжува, но уште и го подобрува и квалитетот на животот”, истакна спец. д-р Васев.

Оваа биолошка или таканаречена иновативна терапија е дел од стандардните протоколи во европските земји, а се користи во раните фази на болеста, но и кога станува збор за понапредна фаза. Сега постојат многу прецизни дијагностички анализи, како геномското профилирање на туморите, со кои прецизно се одредува дали одреден пациентот ќе има полза од одредена таргетирана и биолошка терапија, за да може полесно да се насочи и модифицира третманот.

Воведувањето на биолошката терапија значи и заштеда на средствата од лекувањето на пациентите во странство. Во 2018 година, кога сè уште не беше воведена оваа терапија, само 1,45% од заболените почнале третман со биолошки лекови.

На Клиниката за онкологија и радиотерапија изминатава година се регистрирани 5.400 новозаболени. Кај најголем број од новодијагностицираните бил откриен рак на дојка, хематолошки и рак на бели дробови. Заболувањето најчесто е откриено во втора фаза.

Минатата година во Македонија се регистрирани 9.642 новозаболени лица со малигна неоплазма, од кои 72 деца.

Прикажи повеќе...

Македонија

Максим Ацевски најприфатлив предлог за генералан државен ревизор

Објавено пред

Пратениците едногласно го прифатија предлогот Максим Ацевски да биде избран за генерален државен ревизор.

Предлогот беше усвоен со консензус, без расправа на Комисијата за избори и именувања, а изборот на Ацевски за директор на Државниот завод за ревизија треба да се случи на пленарна седница што ќе ја закаже претседателот на Собранието.

Претседателот на комисијата, Илија Димовски, рече дека на одлуката претходеле интензивни и конструктивни разговори со сите пратенички групи при што дошле до заедничко најприфатливо решение.

„Мислам дека ова е најдоброто решение, Максим Ацевски од Велес е професионалец со 20-годишно искуство во оваа област. Сакам да им заблагодарам и на другите кандидати кои исто така се врвни професионалци и на пратениците кои беа конструктивни и придонесоа да дојдеме до прифатлив предлог, кој наиде на поширока поддршка. Тоа е добро за демократијата и за подобри резултати на ова важна институција која долго време беше оставена без ревизор, а е особена важна и за организирање на претстојните избори“, рече Димовски.

Неодамна во изјава за медиуми премиерот Заев го обвини токму претседателот на Комисијата, Илија Димовски, дека две и пол години го блокира изборот на државен ревизор.

Според премиерот, со ваквата постапка биле заглавени и други закони, како за АВМУ, за Советот на МРТ и за Судскиот совет.

 

 

 

Прикажи повеќе...

Најново

Македонија50 минути

(Видео) Камчев: Алчноста на Катица за пари беше клучна во оваа работа

Бизнисменот Орце Камчев по денешното сведочење за случајот „Рекет“ откако излезе од судот уште еднаш потенцираше дека Бојан Јовановски, Катица...

Македонија2 часа

На една од средбите меѓу Јовановски и Камчев бил и министерот Филипче

Бојан Јовановски во предметот за случајот „Рекет“ му поставува прашања на сведокот Орце Камчев во судницата. Јовановски го персира, додека...

Македонија3 часа

Боки 13 до Камчев: Oперациите вo „Систина“ не ви се успешни

Присутните се смееја во судницата на рочиштето за случајот „Рекет“ кога Бојан Јовановски почна да го испрашува сведокот Орце Камчев....

Македонија4 часа

Камчев: Не се само Катица и Боки 13, треба да има и други обвинети за „Рекет“

Веќе час и половина сведокот бизнисмен Орце Камчев го дава својот исказ во судот за случајот „Рекет“. Тој, освен кон...

Македонија5 часа

Боки 13 се пожали на здравствената состојба, судијката го опомена дека ќе го извади од судницата

Судијката Васка Николовска-Масевска му рече на обвинетиот Бојан Јовановски, алијас Боки 13, дека ќе го извади од судницата ако говори...

Свет7 часа

Франција втор ден парализирана поради штрајкот

Втор ден продолжува штрајкот во Франција. И денеска нарушен е јавниот превоз, а училиштата се затворени. Синдикатите најавија дека планираат...

Свет7 часа

Меркел во прва посета на Аушвиц, ќе донира 60 милиони долари за Меморијалот

Германската канцеларка Ангела Меркел денеска за првпат ќе го посети Меморијалот Аушвиц-Биркенау, откако ја презеде функцијата пред 14 години. Меркел...

Свет7 часа

150 пожари ја пустошат Австралија

Пожарникари се обидуваат да ги стават под контрола 150-те пожари во Нов Јужен Велс додека силни ветрови го шират чадот...

Свет8 часа

Пентагон размислува да испрати неколку илјади војници на Блискиот Исток

Министерството за одбрана на САД размислува за дополнително распоредување на 4-7 илјади војници на Блискиот Исток за да се спротивстави...

Македонија8 часа

Во кривичниот суд пак ќе се оценува обвинението за организаторите на насилниот упад во Собранието

Во кривичниот суд по вторпат ќе се оценува обвинителниот акт за организаторите на насилниот упад во Собранието од 2017 година...

Свет8 часа

Туск: Брегзит е најтажното искуство за време на мојот мандат

Брегзит е една од најспектакуларните грешки во историјата на Европската Унија, вели Доналд Туск во интервју за „Гардијан“, што е...

Македонија8 часа

Продолжува судењето за „Рекет“, ќе сведочат Орце Камчев и неговата сопруга

Бизнисменот Орце Камчев и неговата сопруга Ана Камчева денеска треба да се појават во кривичниот суд во Скопје како сведоци...

Европа19 часа

Над половина милион луѓе протестираа во Франција, сообраќајот во колапс

Повеќе од 510.000 демонстранти излегоа на улиците на 70 града во Франција во знак на протест против најавените пензиски реформи...

Свет23 часа

САД со обвинение против руски хакери кои во своите операции украле над 100 милиони долари

Американските власти денеска покренаа обвинениe против лидерот на руската криминална група за компјутерски криминал позната како Evil Corp „Зла корпорација“...

Македонија1 ден

Спасовски: Жалам што Обвинителството немаше храброст да одреди притвори за инцидентот во „Александар палас“

Министерот за внатрешни работи, Оливер Спасовски, изрази жалење што Обвинителството немало храброст да одреди притвори за осомничените за пукањето во...

Македонија1 ден

Обвинение за судијата Мустафа Шахини за злоупотреба на службената положба

Управниот судија Мустафа Шахини наскоро треба да седне на обвинителна клупа во предметот за злоупотреба на службената положба и овластување...

Македонија1 ден

Собранието ќе одлучи дали треба Јовески да го преземе СЈО

На 11 декевмри на собраниската седница ќе се најдат измените на Законот за јавнообвинителска служба со кој треба да се...

Македонија1 ден

(Видео) Деспотовски: За жал, изборите ќе ги пролонгираат грантовите од Фондот за иновации

Изборите ќе ги пролонгираат грантовите што ги доделува Фондот за иновации и технолошки развој, најави Јован Деспотовски во интервју за...

Култура1 ден

„Медена земја“ е најдобриот документарец за 2019 според критичарите во Њујорк

Американската организација на филмски критичари од Њујорк „New York Film Critics Circle (NYFCC)“ синоќа ја додели наградата за најдобар документарен...

Регион1 ден

Радев: Во НАТО државите се поделени на произведувачи и купувачи

Бугарскиот претседател Румен Радев им порача на лидерите на земјите членки на НАТО дека иднината на алијансата не ја гледа...

Досие